وعليكم السلام ورحمة الله وبركاته ...
إذا التركيز على ديزني بالدرجه الأولى ( لا تستأجر السياره أوفرلك !! )
شوف .. خيارات الفنادق عندك الانترناشيونال درايف أو داخل الديزني ( تأكد عند البحث على الفنادق أنها توفر الشاتل لديزني ) تقريبا الحد الأقصى للشاتل 10 مساءا .. ولابد من التأكد من الفندق !!
بالتوفيق : )

اغلبية الفنادق توفر خدمة الباصات المجانية الى ديزني تبدأ الساعة 8 صباحاً وتنتهي الساعة 11 مساءً
على حسب نظام الفندق
والتنقل بين الحدائق ايضاً بباصات مجانية من ديزني
واذا كان همك الاول والاخير ديزني انصحك تسكن بالفنادق القريبة من ديزني
وطبعاً ماراح تحتاج سيارة ابد ان شاء الله
اقترح عليك تقسم الايام الاربعة :
يوم للماجيك كندم
ويوم لهوليود استديو
ويوم بالصبح تروح للانمال كندوم والساعة 3 العصر تروح للابكوت
واليوم الرابع تروح للينوفيرسال استديو لايفوتك وفيه شخصيات والعاب ونشاطات مختلفة عن ديزني
وهو مقسم لحديقتين حاول تمرها كلها باليوم هذا

استأجر سيارة صغيرة افضل لك...صحيح اغلب الفنادق فيها شتل لاكن لازم تنطر بالحر والرطوبة ولازم توقت وتعرف مواعيد الشتل ولايطوفك اخر واحد.....اورلاندو ماهي كبيرة وايد ومن مكان لاخر ممكن من 5 دقايق الي 20 دقيقة فقط...نصيحة يوم سي وورلد ويوم يونيفرسال ويوم ماجيك كنقدوم ويوم بهوليوود استوديوم

kakashi9
انا معك في موضوع السياره عشان كذا حبيت استفسر عن هالنقطه
طيب وش برأيك الافضل منطقه للسكنه الانترناشيونال درايف او ديزني؟ وش المنطقه بين هالمنطقتين اللي فيه حياة ومطاعم لا طلعنا من ديزني ممكن اننا نتمشه فيه؟
انا سمعت ان فيه سكن جنب اليونفيرسال استديو , هل هو نفس المنطقه اللي انت تقول عليها جنب ديزني والا بعيد عنها؟

وسيم
الف شكر حيبي
هل فيه فندق ممكن تقترحه يكون قريب من ديزني وسعره معقول
وشكرا جزيلا

aziz20012001
وانا اخوك انا ماعندي مشكله في المسافه
انا اخاف استأجر سياره ويكلفني اجارها ومواقف الحدائق لكل يوم وانا ممكن اني استغني عنها
اما السي وورد اخاف ماتصلح لنا خصوصا واننا عائله
يعني لانيب سابح ولا حرمتي سابحه

السي وورلد ما فية سباحة
http://seaworld.com/

aziz20012001
السي وورد مافيه العاب مائيه؟
عندنا في سان انتونيو السي وورد فيه اكواريوم وفيه برضو العاب مائيه

أول عشق القلب
مثل ما أفدتك يالغالي ..
خيار السكن في الانترناشيونال درايف أو داخل الديزني متقارب بالنسبه لي ( دام الموضوع فيه شتل يودي للديزني !! )
مكان به حياة ومطاعم عندك الداون تاون ديزني وعندك الانترناشيونال ...
وممكن تتطلع على مواقع كل منطقه ممكا ذكرت ...
http://www.internationaldriveorlando.com/
أما إذا بتقول لا أحب أسهر وما أبي أتقيد بوقت معين وأستكشف ولو جزء بسيط من أورلاندو غير الديزني طبعا ( السياره هنا تكون الأفضل )
أتمنى لكم رحله موفقه بإذن الله : )