السلام عليكم ورحمة الله وبركاته
زي ماوضحت بالعنوان ..
ابي اضبط رحله مدتها ماتزيد عن يوم الى :
انسي + باريس + لندن
احتاج مساعدات كثيره واي معلومه ممكن تفيدني ياليت تحطونها لي يالخبراء
مبدئيا .. وحسب مافهمت ابحجز على جنيف
لان الوصول لانسي من جنيف اقرب !
طيب كيف الوضع لاصارت الفيزا من السفاره الفرنسيه ؟ عادي او فيه مشكله ؟
ومن وين اقدم على الفيزا الفرنسيه بالشرقيه ؟ وش اوفر واسرع طريقه وخلال كم تطلع لي ؟
س/ بعد الوصول لجنيف كيف اروح لانسي الفرنسيه ؟
وكم يكفيها يوم خصوصا اني بروح لها بنصف يناير تقريبآ !!
ياليت تعطوني الاماكن السياحيه فيها وطريقة التنقل فيها واذا فيها سوق يسوا
بعد ما اطلع من انسي ابي اروح لباريس وش انسب واسرع واكيد اوفر طريقه ؟
ابي جدول سياحي ومدة تقريبيه لباريس ياليت احد يفيدني
يهمني يكون فيه: ديزني لاند + متحف اللوفر + قصر فرساي + برج ايفل وان امكن جوله بالسياكل + السكن يكون قريب بالشانز وياليت ترشحون لي افضل فنادق اسعارها مناسبه !
كيف اللغه في فرنسا ؟ علما بان انجليزيتي مو مره !!
وش افضل طريقه سهله للتنقل في باريس وكم يكفيني يوم فيها ؟؟
لو خليت ديزني لاند باخر يوم بباريس تمام او فيه صعوبه ؟
لاني فهمت ان الاوت لت قريب من ديزني لاند واذا معلومتي خطأ ياليت احد يصحح لي
طيب بعدين كيف اروح لندن ؟
ياليت تفاصيل ممله بشان كل سوال ذكرته
الله يجزيكم خير