وعليكم السلام
الله يحيينا للسنة الجاية
عموما أفضل وقت للسفر نهاية مايو إلى نهاية سبتمبر
أول شي تسوونه وقبل السفر بشهرين تقريبا قدموا على الفيزا ...
وبالنسبة للطيران عندكم الامارات . القطرية .. الاتحاد .. كلها ممتازة
والعملة نعم هم أغلى من الريال ... 1 يورو = 5 ريال تقريبا
اللغة يتكلمون انجليزي بالفنادق والمطاعم والاماكن السياحية
مدة السفر 3 اسابيع بتكون ممتازة ..

tab_el
يعطيك العافيه استاذي مَ قصرت
جلست احوس لي بالجدول وقلبت الدنيا ي ليت اذا عندك خبره تفيدني "$
وبالنسبه للميزانيه تكفي 50 الف ؟

وعليكم السلام ورحمة الله وبركاته
الله يحيينا جميعا السنة القادمة
والأسعار للتذاكر والسكن لين الحين ماتوفرت
التذاكر
حجزها في شهر يناير الأسعار راح تكون رخيصة والإنتباه حجزها مستردة لسمح الله تتكنسل السفرة
عن نفسي حجزتها على ما أطن اخر يناير ولا أول فبراير
الكويت ميونيخ باريس الكويت على الإماراتية في 230 دينار وفي شهر 6 صارت 380
وأنتم حابين النمسا ألمانيا بس
إذا إي تكون مسار الرحلة
فيينا والعودة ميونيخ
وهذا تكفي 15 ليلة ( أسبوعين )
وتنقسم إلى
( 3 ليالي فيينا ,, 3 ليالي سالزبورغ ،، 6 ليالي زيلامسي ,, 3 ليالي ميونيخ )
واللغة
الحمدالله هناك كل شئ سهالات ويعرفون الأنجليزي
تكتبون الجدول السياحي لكم فيه الأماكن إلي ترغبون بزيارتها باللغة العربية والأنجليزية
الفنادق
نفس الشئ أخر وقت تحجزون فيه شهر مايو ومسترد
ليه تحجزونها أخر شهر مايو ولا قبله
لأختيار المناسب قبل ما تنفذ الغرف والشقق وأسعار الشقق في كابرون مناسبة أرخص بوايد من الفنادق المطلة على بحيرة زيلامسي شقة 7 أشخاص لمدة 6 ليالي بين 2700 ريال إلى 5000 ريال
مع أختيار سكن زيلامسي في إلي توفر بطاقة زيلامسي وكابرون المجانية لتوفير ميزانية دخول النشاطات فيها
الميزانية ما أتوقع تكفي لكم لعددكم ماشاءالله الله يخلي لكم الوالد والوالدة ويخليكم لهم
لأنه بيتروح أغلبها للتذاكر و الفنادق والمواصلات سواء تأجير سيارة أو المواصلات العامة ( كالمترو والقطار والتكاسي والباصات )
ياليت تزيدونها لتكون سفرة ممتعة ولا تكون الميزانية حدها حدها

تكفي باذن الله من غير تذاكر الطيران
حاولوا الحجز مبكراً
واحرصوا على الابتعاد عن مواسم ارتفاع الاسعار
مايو وابريل الي نهاية جون مناسب للعام القادم
انا في حال رغبتكم السفر هذه السنة
فعليكم اختيار شهر سبتمبر من 15 سبتمبر الي 15 اكتوبر اجد ان الاسعار جيده نوعاً ما
واتمنى لكم التوفيق
ابومعن

هدوء العالم
طيب بالنسبه ل التذاكر كم تطلع لنا عالخطوط القطريه بالريال السعودي عالدرجه السياحيه وكمان الدرجه الأولى ؟

انسان ولهان
بَ اذن الله بَ أبدأ الحجز من شهر محرم

هذا الموقع يجيب لكم ارخص تذاكر طيران ولكن انتبهو لازم تكون مسترده
http://www.skyscanner.net/
وهذا الموقع ارخص السيارات تأجير في حال رغبتم في ايجار السيارة وانا انصحك وتكتمل المتعه فيها
http://www.rentalcars.com/?affiliateCode=google&preflang=ar&label=rentalcars.com-brand-rhZvwrzWa3LstbIY9yNfgQS11559469503&ws=&gclid=CMimjv2v-bgCFRMQtAodTV0ASA
استخراج فيزا من البنك
حجز التذاكر
حجز الفنادق والشقق اوفر
حجز السيارة
استخراج التأشيرة
استخراج رخصه دوليه من احد مكاتب السياحه
اذا كان السفر في شهر نهاية مايو بداية جون الملابس الشتويه والجاكيتات كثرو منها وخاصه الاطفال درجه الحرارة بتكون من 7 الى 10 تقريباً والله اعلم ذوبان الجليد عليكم الانتباه والامور طيبه إن شاء الله