السلام عليكم ورحمة الله وبركاته ::
هلا اخوي ..والله يسهل لكم سفركم .
هل احجز القطار من النت (لو فيه مواقع للحجز تقدرو تفيدوني عنها ) او من المحطة فباريس؟ وكم تقريبا سعر التذكرة؟
شرح كيفية حجز تذاكر القطار في سويسرا ..عن طريق الانترنت https://artravelers.com
وكل الطرق تؤدي الى روما ...يعني من النت او من هناك .
انت ما حددت مدينة الوصول ..ولنفرض زيورخ ..الرحلة دايركت اربعة ساعات قيمة الشخص للاتجاه الواحد 42 فرنك .
المشكلة عدد ايامك قليل والا كان قلت لك اطلع على انترلكن ..على العموم في زيورخ انشطة حلوة للمدة القصيرة اللي راح تقضيها .
انا اول مرة اروح سويسرا عشن كذا ما حددت مدينة انزل فيها. اي مدينة انزل بالضبط؟
وعندي 3 ايام ف سويسرا وبعدها احرك لميلان اش تنصحوني ازور ف سويسرا ف هذي ال 3 ايام وكيف المواصلات داخل سويسرمن اي مدينة اسافر من سويسرا ل ميلان؟ وكيف حجز القطار؟ قرات وسمعت عن ال pass وفيه سويسرا باس وفيه اوربا باس, هل تنصحوني اخذه؟ او احجز قطار لكل رحلة؟ واذا اخذت ال باس هل بيفيدني فباقي رحلتي داخل ايطاليا؟
ممكن زيورخ او لوزيرن او انترلكن .
وعلى حسب الانشطة اللي راح تسويها ..تحدد وش المدينة الاقرب الى قلبك .
مع اني ارشح لك زيورخ ..ليش ؟
زيورخ جاية في سنتر سويسرا ..وبإمكانك التنقل بسهولة >> ايضا لوزيرن قريبة منها ..وجميل السكن فيها اذا ما كان ودك تسكن في مدينة كبيرة .
اليوم الاول ممكن تقضيه في شارع البانهوف التجاري وزيارة متحف الدينوصورات او التكنوراما او حديقة الحيوانات .او قضاء اليوم في لوزيرن .
اليوم الثاني : زيارة قمة تلس الثلجية.
اليوم الثالث : زيارة شلالات الراين .
والعديد من الانشطة الجميلة ..وهذه كمقترحات على السريع .
والمواصلات بالقطارات والباصات والبواخر .
وتاخذ بطاقة السويس سيفر باس لشخصين بقيمة 477 فرنك مدة اربعة ايام .من اي محطة قطار تاخذها ..وتعطيك حرية التنقل بالباصات والقطارات والبواخر بشكل غير محدود .
بالاضافة الى خصم 50 % على التلفريكات والقطارات الجبلية.
ممكن تطلع على هذا الموضوع لمشاهدة المزيد من الانشطة :
عالم من الاحداثيات ..سويسرا وما جاورها https://artravelers.com
وبالتوفيق أخوي.