شوف أخوي بقول لك الكلام الأكيد
رسميا ممنوع تأخذ الفيزا إلا من بلد الزيارة
ولو كانت الزيارة لأكثر من بلد فتأخذها من البلد اللي بتقيم فيه مدة أطول
فإن تساوت المدة بين أكثر من بلد فتأخذ التأشيرة من البلد الأول
لكن بعض موظفين الجوازات يدققون في ها الشغلة وما يسمح للمخالف بالدخول وبعضهم يمشي
فأنت وحظك

هلا اخوي تبي نصيحتي رح للسفاره النمساويه وطلعها من هناك حنا تونا مطلعينها وترى مااخذت وقت من كملنا الاوراق 8 ايام بس صدق انه تعب شوي بس ما يخالف يروح الواحد وهو متطمن هذا غير عن ان تكلفتها اقل الشخص ب 280 هذا طبعا غير تامين السفر اللي بتسويه وما يكلف التامين حتى انا وزوجي وولدي مدته شهر 370 ريال

حنا طلعنا الفيزا من السفاره الايطاليه
لان الصراحه السفاره النمساويه والالمانيه تعقيد مره طلباتهم
ورحنا المنسا والمانيا و في مطار النمسا ابدا ماحد سال ولا طلع بس اذ بتكون وجهتك الى المانيا يمكن يدققون لانهم شددين.
وبالتووفيق

سفارة النمسا
التأشيره سهله من عندهم
بس الناس ماخذين مقلب منهم
ابداً خلي اوراقك كامله وقدمها وانت متطمن بالعكس متعاونين
هم يبون ناس يكونون كل حجوزاتهم اكيده
والامر بسيط جدا
املاأ الاستماره عندهم
وجيب فاكس من الفندق اللي بتسكن فيه او ملف pdf فيه اثبات انك بتسكن في الفندق
مع حجوزات الطيران
وتعريف بالراتب والعمل
وكشف حساب وتصدقه من البنك
على حسب المده اللي بتقضيها اذا كانت اقل من اسبوعين يكفي 25 الف واذا كانت اكثر من اسبوعين لازم تكون اكثر من 35 الف في حسابك
وصورتين لكل طالب تأشيره حتى ولو كان مضاف للجواز
روح للبوابه حق السفاره
بتلقى طريقة تنظيم الاوراق وترتيبها
رتبها صح حسب طلبهم
وقدمها وانت مرتاح
لا اللبنانيه ولا اليماني كلهم ممتازين
قبل لا تقبل عليهم اقرأ سورة الزلزله وربك يسهلها لك
انا كنت متخوف مثلك
وسبحان الله ضبطت اورواقي وكل شي
ورحت لهم واستلموها مني بدون اي مشاكل
بعد 9 ايام اتصلوا عليه واستلمت الجوازات وفيها التأشيره
موفق ان شاء الله

الله يجزاكم خير, والصراحه حمستوني وبروح اطلعها من النمساويه والي فيها فيها