نابليونيه
26-02-2022 - 06:45 pm
السلام عليكم ورحمة الله
كيف حالكم جميعا
احنا ان شا الله ناويين على جنيف هالصيف بس دخت وانا ادور فنادق
دخلت تقارير وشفت فنادق كثيره بس عندي استفسار واحد
اي شارع بالضبط احلى للسكن .. أولا ماابي استعمل او اخذ تكاسي ابي كله مشي او على الاقل في مواصلات عامه .. اللي عرفته ان السكن حول منطقة المحطه cornavin صاخب ومزعج بس بنفس الوقت المواصلات متوفره عند عتبة الباب ... بس اشوف معظم الخليجيين يفضلون السكن في طريق لوزان وهو بعيد عن البحيره حسب مااعتقد ..
اهلي سكنوا بفندق حلييو اسمه international & terminus ثلاث نجوم ماادري تنصحوني فيه؟؟
علما ان احنا ناووين ان مانقضي الايام اللي بجنيف كلها بجنيف يعني ناويين على انسي وشامونيه ولوزان وهالمناطق القريبه
واستفسار ثاني اذا مااثقل عليكم
اللي فهمته ان بعض الفنادق توفر بطاقة المواصلات مجانا مع السكن اذا شنهي فايدة السويس باس؟
واخر سؤال اذا كانت تنقلاتي بالقطار بين المدن تعتقدون راح يكون المبلغ غالي؟ احنا 2 كبار و 2 اطفال سن 6 و 3 ونص سنين يعني بالمتوسط كم يكفينا؟ ( ناويه اروح انسي وشامونيه ولوزان وبعدين بالقطار بعد الى انترلاكن والسكن فيها وممكن 3 ايام في لوغانو والعوده لجنيف )
هل هالجدول معقول ام مبالغ فيه بالنسبه للأطفال ؟
ردوا علي الله يخليكم
أختى نابليونية هل تسمحين لى بالمداخله ... الفندق اللى ذاكرته ماعندى فكره عنه ولكن شرايك بفندق بريستول جنيف قريب من البحيره 4 نجوم ورائع لأن الفنادق المطله على البحيره أسعارها غالية
وبالنسبه للسؤال عن فائدة السويس باس البطاقات فقط للباصات الداخليه للمدينة أو القرية بصراحة أخذتها ولم أستعملها لا تستطيعين الدخول بها للقطارات أو البواخر مثل السويس باس وحتى تأخذين خصم خاص للقمم بواسطة السويس باس وبالطبع التذاكر مكلفه مثلا تذكره من جنيف ألى أنترلاكن للدرجه الثانية 63 فرنك للشخص فعليك الحسبه السويس باس يفيدك اذا ماعندك سياره وتستعملين القطارات بكثره
ولو أنى أنصحكم بالسياره بعد ما جربت القطارات معاكم أطفال وشنط ودوخه ولف وخاصه اذا معاكم شنط كثيره وربعنا الخليجيين حفظهم الله ورعاهم أميزهم بكثرة الشنط و xxxxL والقطار يا أختى ما ينتظر أحد هى دقيقتين أو ثلاث ويمشى والميزانية تختلف كم يوم راح تقضينهم فى سويسرا عموما البلد غالى بالتوفيق