السلام عليكم ورحمة الله وبركاته
شخباركم اخواني وخواتي ؟
عندي استفسار بسيط عن السفر من ميونخ إلى بروكسل بالقطار أو الطيران الداخلي ..
انا دخلت موقع القطارات الألمانية و شيكت على الرحلات من ميونخ إلى بروكسل
و لقيت أسرع رحلة دايركت مدتها 6 ساعات ونص بالقطار السريع و بعض الرحلات توصل 10 ساعات بالقطارات العادية ! و سعر التذاكر مختلف حسب الرحلات و كل رحلة لها سعر عادي و سعر رخيص بس ماعرفت احجز التذاكر من النت لأن موقعهم معقد شوي و ما عرفت كيف سياستهم
عموماً استفساري اذا حجزت التذاكر من الحين (من النت) بتكون أرخص ؟ واذا حجزتها من ميونخ بعد الوصول بحصلها بنفس السعر ولا أغلى ؟
و كيف السفر بالقطار من ميونخ إلى بروكسل بالنسبة للعائلات الكبيرة ؟ لأن هذي اول تجربة لنا بالقطار و سفراتنا الماضيه التنقلات كلها كانت بالسيارة
و بالنسبة للطيران الداخلي شو أرخص طيران من ميونخ إلى بروكسل ؟ لأني شيكت على ايزي جيت ما عندهم رحلات بين ميونخ و بروكسل و جربت اير برلين بعد ما عندهم رحلات !
اتمنى تساعدوني لأني محتاره و السمووحة على الإطااله