وانا معك منتظرالأجابة من اهل الخبرة

الليجو لاند بارك مثلما تفضلت تجيها من ميونيخ الى Guenzburg ساعة ونصف عن ميونخ بالقطار
الدخول ب 30 يورو للبالغ لعبت والا مالعبت

بالنسبة ليوربا بارك فهي تقع قرب Rust جنوب غرب المانيا ويمكن توصلها من ستراسبورغ او تقيم في احد فنادقها الخاصة

شكراً لك أخوي آخر الفرسان..
الليقو لاند .. أقرب فندق تابع لهم يبعد 25 دقيقة .. ويقع في قرية Ulm... ما هي نصيحتك بالنسبة للسكن هناك؟
اليوروبا بارك، ما رأيك في فندق الأندلس (أحد جربه)؟
شكراً مرى أخرى

ماشاء الله صور حلوة أخوي أخر الفرسان ..
وين سكنت وقتها؟ وكم يوم يكيفيها؟
اليوروبا بارك، كم يوم يكيفيها برأيك؟
شكراً لك

ممكن أحد يفيدني بخصوص السكن هناك.

للرفع بارك الله فيكم وفي علمكم وعملكم.

اليوروبا بارك، كم يوم يكيفيها برأيك؟
يومين عالاقل ^^
يالله تحلص ! اذا كنت من محبين اللعب ;)
بالنسبه للسكن
والله ماقدر افيدك
لاني رحتلها نص نهار !
و كنا ساكنين في بازل !

شكراً أخوي Hambka Q8 على الرد.
ممكن أحد يفيدني في السكن والتنقل؟

اخويه نحن سرنا هذا الصيف europa parl وlego land .
الله يسلمك نحن حجزنا من ميونخ في فندق ميركيور في منطقه تبعد عن ميونخ تقريبا 6 ساعات.
وصراحه المنطقه حلوه اسمها freuberg اسمحلي ما اعرف اذا كتبت الاسم صح.بس بالعربي نقراها فري بيرغ.سكنا في فندق ميركيور وصراحه المنظر اللي تشوفه من الغرفه روعه جنه الله في الارض.
اخويه سولك يوم واحد بس حق الدرب...وثاني يوم قوم من وقت عشان تلحق على الحديقه لانه يبالك وقت لين تقطع التذاكر مرات يكون زحمه.والحديقه تبعد عن الفندق تقريبا نص ساعه.
وطبعا يومك كله بتقضيه في الملاهي واكيد بيمديك تلعب كل الالعاب.
وثاني يوم ارجع ميونخ...طبعا لازم بعد اتقوم من وقت عشان الدرب وانت راجع لميونخ بتمر على lego land.
اكيد بتقول انه ما بيكفي يوم حق lego land بس انا بقولك انه يمكن ما تاخذ في ليقو لاند اكثر من 4 ساعات لانها صغيره.وبعدين ارجع ميونخ بالسلامه وصدقني بتستانس.
ومعلومه عن فندق ميركيور انه هو فندق بسييط وهادي واللي محلنه انه فوق الجبل.
وصراحه نظيف.ومعامله الموضفين بعد حلوه.
انا عطيتك جدول نفس اللي سويناه..لول...بس صراحه استانسنا.
اووه نسيت اقولك بعد اذا سكنت في هذا الفندق لا تشيل ملابس وايد بس على قد الايام اللي بتييلس فيها.
لانه اذا شليت شنط وايد بتتوهق لانه في الفندق ما عندهم حد يوصل الشنط.بس هذا الشي ما يأثر على الفندق بعده حلو.
لا تروح الحديقه الا في نص الاسبوع لانه في اجازه الاسبوع الشارع يكون زحمه وبعد الحديقه تكون زحمه.