Secretary Man
01-03-2022 - 09:09 am
اخواني الاعزاء ..
السلام عليكم
عندي كذا استفسار ومتاكد بحصل الاجابات الشافيه, مو غريبه على منتدانا..
وترى انا مو عضو جديد, عضوية السابقه انسرقت هع, كنت اشارك فيها السنه اللي طافت وكنت استفسر عن السفر لإيطاليا , وماقصروا الاخوان.
وسافرت بنوفمبر الماضي وكانت سفره قمه في الروعه...
عموما استفساري حالياً
ناوي اسافر مع المدام سفره اخرى لاوروبا وبنفس توقيت السنه الماضيه, بداية نوفمبر..
لكن هالسنه الوضع مختلف اشويه.. عندنا بنوته جات برمضان الله يحفظها, الله يبارك فيكم مقدما
يعني وقت السفر بيكون عمرها تقريبا 3 شهور.. لذا نصايحكم يا النشاما المتزوجين..
هل هناك صعوبه تمنعنا من السفر بنوفمبر علما ان بهذا التاريخ اتوقع بيكون بررد, بإيطاليا كان بهالوقت جنوبها روما يعني تمام, كل ماصعدنا شمالا الى ميلان يبررد الجو, لكن عادي كان حلو بالنسبه لنا بدون اطفال..
بس متخوف على البيبي فرنسا ممكن بارده, وغير البرد التنقلات ممكن صعبه..
محتاج نصايحكم , وان كان صعب فرنسا, ممكن نصيحه لدوله اخرى, كاسبانيا او النمسا..
ايطاليا القلب, بس نبي نغير هالسنه..
والف شكر لكم مقدما
تحياتي
منتظرين المتزوجين هع