من الدمام ألى الكويت
أمسك طريق ابوحدريه ولا يرد الا الكويت
الله يسر أمرك

شكرا اخوي بس ايش وضع ابو حدرية !!! كم طوله و فيه محطات و سايد ولا سايدين ياليت تفيدني الله يوفقك

أخوي من الدمام إلى الكويت مالك إلا طريق أبو حدرية و طوله من وسط الدمام إلى وسط الكويت 400 كيلو و الطريق سايدين و مليان محطات على الجانبين و أمن و أمان بس انتبه من البعارين أحيانا يجيك بعير فاقد الذاكرة يتسدح على الخط
دربك خضر يالطيب

مثل ما تفضلوا الاخوان الطريق
ما فيه الا طريق ابو حيدريه
وما تحتاج محطة بنزين ثانيه اذا كنت راح تعبي من الدمام
الا قريب المنفذ
والمحطات اغلبها قريب المنفذ
ولا يوجد محطات من بعد حدود الجبيل
الطريق سيدين وجديد
حاليا جاري تطويره الى ثلاث طرق لكل مسار
تم انجاز مرحله منه وباقي مرحله
الطريق مشبك ولا وجود للجمال به
نهاية الطريق راح يجيك اتجاه اجباري يمين او يسار
يمين الى الخفجي ويسار الى الكويت
علما ان اللوحه الارشاديه مختفيه !! وغير موجوده
خلال الاسبوع الماضي
ثلاث ساعات من الدمام الى المنفذ
وساعه من المنفذ الى وسط الكويت
درب السلامه

اخوي اذا كنت من الرياض راح 8 الى 10 ساعات الى ما توصل الكويت بطريق ابوحدرية
اذا كنت تبي تروح الكويت عن طريق المجمعة و حفر الباطن
ما ياخذ منك الا من 5 الى 7 ساعات

يعطيكم العافيه ما قصرتوا اخوين خمس نجوم ماقصرت على ردك بس قررت اطلع من الدمام لاني بمر الدمام ضروي
الحين ان جيت اطلع من الدمام اتجه للجبيل و بعدين احصل لوحة مكتوب الخفجي ابو حدرية و اروح معاها و امشي و اذا انتهى الشارع اروح يسار باتجاه الكويت صح الكلام
مخرج ابو حدرية هذا متى يجيني قبل الجبيل الصناعية و الجبيل ولا امشي سيدة و اتعدها ياليت احد يوصف لي الخط لاني مارحت منه ابد ابي وصف دقيق شوي و تحملوني و اسف على ازعاجكم

بروستد
مخرج بوحيدريه يجيك اول ما توصل الدمام
راح تحصل لوحه ارشادية توضح ذالك
مع العلم ان طريق ابو حيدريه هو الطريق الموجود به معارض السيارات بالدمام
تكون المعارض على يسارك وانت با اتجاه طريق الكويت