جفنشي
15-11-2022 - 12:30 pm
اولاً / احب اشكر الاعضاء في تطوير هذا الموقع الذي اكثر من روعه
ثانيا / استفساري للخبراء في اصدار جواز سفر امريكي
بقولكم السالفه
انا من مواليد امريكا و الى الان عمري 30 سنه ( العمر كله يا انا ) المهم ما علينا
السالفه انه الى احين لم اطلع الجواز الامريكي ( ادري بتقولون ما عندي سالفه عشان ما طلعته عارف لان ناس كثار قالوها )
انا بقولكم بصراحه كل ما عزمت اطلع الجواز اتحمس فتره اجهز الاوراق واعبي الفورمات وبالنهايه ما اروح )
سوالي او بالاصح استفساري لو جيت احين وقدمة علي الجواز تتوقعون بعقدون الموضوع معاي لكون اني بعد العمر هذا توني اطلعه والا عادي لان ابصراحه حاس بيقولون بعد ما صار عمر 30 توك تطلع الجواز الامريكي
والاستفسار الثاني
ايش الطلبات اللى يطلبونها وهل في احد طلعه الجواز بعد عمر يعني مده طويل وايش صار معه
يا ليت تفيدوني ضروري
بخصوص التأخير : اي نعم يقول استغربوا من التأخير ، وسألوه ليش تأخرت في استخراج الجواز ..
المهم طلبوا منه بعض الطلبات
1- شهادة الميلاد الامريكيه ... وكان وقتها عنده صوره منها بس ،، لكن جاب بديل لها من موقع بالنت يجيب الشهادات من امريكا ... المهم جابها.
2- الجواز السعودي اللي كان مضاف فيه يوم كان في امريكا ... ما كان موجود ...
3- اثباتات ان الام والاب كانوا في امريكا وقت ولادته ... وجاب شي يثبت انهم كانوا متواجدين هناك.
4- طبعا الاستماره
5- الصور
6- الرسوم 7- جوازه السعودي الحالي
8- اذا كان عندك سوشل سكيورتي جيبه معك
9- يقول شال معه بعض الصور يوم انه في امريكا ،، وشال معه بعض البطائق البنكيه لابوه ورخصه ابوه
10- ام والله نسيت ان كان في شي ثاني ( لو تذكرت ارجع اقولك )
وبعد اسبوعين او ثلاثه اسابيع جاته رساله من القنصليه على الايميل ان جوازه موجود ويبغونه يجي يستلمه.
نصيحه: لا تستهون بإي ورقه او بطاقه او اي شي ... لانه ممكن تحتاجها في امور ثانيه غير الجواز ،، مثل استخراج سوشل سكيورتي نمبر ،، او استخراج جوازات للابناء مستقبلا ( بشروط معينه )
اي استفسار كذا ولا كذا ،، انا بالخدمه بحاول افيدك باللي اقدر عليه
والخبراء هنا وخصوصا المشرفين والمراقبين ما يقصرون وانا اشهد على هذا الشي
بالتوفيق