انا قد استاجرت سيارة في جنوب افريقيا من شركة يورب كار
يوم جيت اسلم السيارة وانا خايف يحسبون علي غرامة لان اللوحة حقت السيارة منفك مسمارة
لكن الي صار هو اني يوم وصلت وسلمت المفتاح للمكتب الي في الممطار قالي على طول مع السلامة شكرا
وشو شكرا طيب مافي حساب ولا تشيك على السيارة
قالت لا مافي شي انت روح لطيارك والسيارة نشيك عليها بعدين قلت والله الفلة
انا خفت انهم يحسبون علي رسوم او شي او ياخذون علي سعر غير المتفق عليه !!!
لكن يوم وصلت الى ديرتي واشيك على الحساب ولا ماسحبو ولاشي
تخيل تاريخ تسليم السيارة يوم 3/3/2010 ولم يتم السحب الا بتاريخ 15/4/2010 قبل كم يوم
لكن لم يسحبو الا حقهم بالضبط يعني لم ياخذو اي زيادة
والخدمة كانت اكثر من رائعة بصراحة
تحياتي......................

انا خلصت اجراءت الايجار من هنا من شركة سيكست وطلبت ديزل قلكسواجن باسات ,, قالوا بنحط لك طلب لكن مانظمن لك الديزل المهم يوم جا وقت الاستلام لقيتهم جايبين لي اودي ديزل الحقيقة كانت افضل من المطلوب
والتسليم كان في المطار واول ماسلمناهم السيارة قال خلاص روح وحنا نشيك على السيارة
مع ان السيارة كان فيها ضربة بسيطة الا انهم ارسلوا لي فواتير ومطالبة بقيمة الاصلاح حوالي 4800 يورو وكانت مطالبات مبالغ فيها
عموما هذا مو موضوعنا لكن انا افضل انك تستاجر من هنا من المكتب افضل ويعطونك الفوتشر حق الايجار وايصال تسهل في استلام السيارة
وممكن انك تشوف شركة ايفز عندهم عروض حلوة واسعار منافسة وموقع الفرع المختص بالتاجير الخارجي هو تقاطع طريق الملك عبدالعزيز مع طريق المرسلات
موفق باذن الله

الله يعطيكم العافيه شباب
الليث الايطالي, انا حجزت السياره عن طريق يوروب كار في الرياض .. طبعا الدفع في ميونخ وقت الاستلام بس مادري ابد ما ارتحت لهم! مع ان سعرهم جيد جدا لكن مايعطونك اي خيارات اضافيه .. ابي اعرف كم تكلفني السياره بالتامين الشامل + ميزة تخفيض قيمة التحمل الى 100 يورو بدل 1000 يورو ..
قالولي هذي التفاصيل تعرفها هناك!
ثاني شي, انا يهمني جدا موقع الشركه عالنت, على قد جودة الموقع ارتاح للشركه .. وللاسف موقع يوروب كار يفتقر لكثير من الخدمات :s
بس بعد تجربتك تقل اني ارتحت لهم شوي
=======
الحر
اوف! 5000 يورو!!! بيشترون سياره جديده!!
المشكله بالاستئجار من هنا, مو كل الشركات تسويه .. يوروب كار قالولي نحجزلك ولما تروح تدفع .. ايفيس حسيتهم مو فاهمين صراحه .. لدرجة انه يقولي المكتب في فريلاسنق فاتح يوم الاحد وفي الكونفرميشن مكتوب انه مسكر!
يوروب كار اضمنهم .. و سيكست بعد
حجزت عند الشركتين بس مادفعت لي الحين .. ومادري لي الحين محتار :s

1. اخي العزيز انا قد استاجرت من يورب كار مرتين


2. بالنسبة لاستئجاري للمرة الثانية

اخي العزيز انا قد استاجرت من يورب كار مرتين

المرة الاولى كانت عن طريق الموقع يورب كار وكانت اروع من رائعة وكانت من مدينة زملاسي لمدة 6 ايام وكانت الخدمة ممتازة من الا حتى اذكر انهم طلبو مني تامين مبلغ الظاهر ان ماخاب ضني انه يا 100 يورو او 500 يورو
ثم قلت لهم منب دافع تامين ان خرب شي انا اتحمله وعطاني ورقة باني انا المسول عن اي خراب على السيارة
لكن الحمدلله سلمت لهم السيارة نظيفة بدون اي خرابات لكن لو سمح الله وصار حادث او اي خراب من سوء استخدام بكون انا الي اتحمله -- لكن من الناحية التعامل والمصداقية والخدمة ممتازين بالمرة

بالنسبة لاستئجاري للمرة الثانية

كانت في جنوب افريقيا لكن الحجز كان من مكتبهم الي في الرياض في شارع لاحساء الصراحة المكتب سوالي الكونفيرم وكل شي بس المشكلة انهم عطولني في تسليم السيارة لمدة ربع ساعة تقريبا لان الكونفيرم كان ماوصلهم لذالك اشوف ان الحجز عن طريق الموقع افضل وارخص بصراحة لكن الخدمة كما سبق وقلت رائعة جدا
قد حجزت من شركة افيس في اسبانيا بس كانت لمدة يومين
بس هبلت بالسيارة تهبيل كنت اول مرة اسوق عادي لا وفي اروبا واول امرة اسوق بعد خارج دولتي
واذكر اني تهورت ورقيت جبل وطاحت نص السيارة بحفرة صغيرة الي هو حق مجرى الماء وعجزت اطلعها الا ان جاء واحد ماقصر دفيناها الى ماطلعت والحمدلله لم تتاثر السيارة وتم تسليمها سليمة لهم
هذي تجاربي من استاجار السيارات
اسف على الاطالة بس حبيت تستفيد من تجاربي
وفي النهاية
السواقة في اروبا جميلة وممتعه جدا جدا جد ا جدا
تحياتي.................................

الليث الايطالي
الف شكر لك، تجاربك مع يوروب كار طمنتني، شكلي بعتمدهم.
بس انت تقول الموقع ارخص! عاد السياره اللي انا طلبتها .. لقيتها في الموقع اغلى ب 1000 ريال تقريبا .. الموظف في المكتب قالي في البدايه نفس السعر اللي في الموقع وقال ان عندهم خصم ف تطلع علي بعد الخصم بمبلغ اقل ب 1000 ريال تقريبا.

عبدالله1984
انصحك تاخذ من المكتب دام طلع ارخص
لان انا صار معي هاك اليوم العكس الموقع ارخص من المكتب لا ومعطيني الخصم المكتب !!!!!!!
الافضل في نظري تسوي مقارنة وتشوف السعر المناسب
تحياتي......................

أنشاء الله اليومين هاذي أبروح لمكتب يورب كار في شارع الأحساء وأتمنى أخلص أموري
لأني رحت لمكتب سيكست قبل يومين وقال لي نعطيك ورقه فيها ملاحظات السياره اللي تبيها واذا رحت هناك تسوي كل شي قلت وش الفايده أجل من ورقتكم اذا صرت ماضمنت أي شي من هنا ولا دفعت المبلغ من هنا وخلصت كل شي قال هذا النظام
وطلعت وأحس أنهم ماعندك أحد