الطريق من القاهره لشرم الشيخ 5 ساعات. وانت معك عائله واطفال . اذا ناوي شرم الشيخ خذ طائره دايركت سيده لشرم . انت ماشالله من الدمام يعني اذا مالقيت من الدمام دايركت عندك الرياض ولا وشوله الرياض مطار البحرين اقرب .
نصيحه اخويه كذا أأمن لك . ولا خذ باص من القاهرة لشرم لأنك تكون مع ناس فيكون أأمن لعائلتك وعيالك .
مو القصد اخوفك لاسمح الله . بس انت لراح تقطع سيناء كلها وسيناء كلها جبال وبر . لمن بمجرد ماتاصل بإذن الله شرم الشيخ كأنك بأوربا وراح تنسى هم الطريق كله . باالتوفيق

اخوي السريالي..
المسافة من شرم الشيخ للقاهرة 500 كيلو بالضبط..
طبعا.. انصحك تسافر بالسيارة.. (بشرط ان تكون سيارة مكيفة ومريحة ومن شركة رسمية) لأن الطريق بصراحة فيه متعة.. تمشي مسافات طويلة والبحر بجنبك..وبعدين فرصة تشوفون نفق الشهيد احمد حمدي(النفق اللي يمر من تحت قناة السويس)..وعلى فكرة الطريق فيه استراحات ومطاعم..
فا اذا اخذت سيارة من المطار تأكد من التكييف ومن الاطارات وانصحك تاخذ سيارة موديل السنة..
انا والشباب الصيف الماضي اخذنا سيارة من شرم الشيخ الى القاهرة (من شركة بدجت العالمية) طبعا مع السائق ب1500 جنيه..
بس والله تستاهل سيارة ستروين حلوة حتى طاولات الطعام فيها على المراتب..
صحيح ان السعر غالي شوي.. بس طبيعي لأننا اخذناها من فندق الشيراتون في شرم..لكن اعيد واكرر تستاهل..لانها بأذن الله مضمونة وكل شي على مسؤولية الشركة والسواقين اللي عندهم متعلمين ومفاهمين وعارفين الطريق زين..
طبعا اتوقع انك بتحصل سعر اقل في المطار لكن اذا ما حصلت سيارة حلوة.. اطلع اقرب فندق للمطار وخذ سيارة وتوكل على الله..
بالنسبة للمسابح.. والله ان بالعادة اسكن الشيراتون..واعتقد انه افضل فندق في شرم.. وخصوصا للعائلة.. لأن الشاطئ حقه واسع مرة وي نفس الشاطئ ثلاث مسابح منهم واحد للاطفال..وبصراحة فندق على اعلى مستوى حتى شاطئه نظيف مرة..وبرضه فيه مرافق كثيرة والعاب على الشاطئ وحفلات بالليل حتى تصلح للعوائل..وسعره مناسب جدا
اتمنى اني افدتك..واي استفسار انا جاهز

اشكرك جداً اخوي صقر على المعلومات المفيده
لكن ابي معلومات حول اذا كان استأجر سياره من المطار بدون سائق رح تكون احسن ولا لا وهل تعتقد ان استأجر السياره مكلف اكثر من لو اني اخذتها بالسائق فقط القاهره شرم الشيخ

الأخ اواكس
والله ياخي انا في خاطري اعبر قناة السويس وانتقل من افريقيا الى اسياء على سياره انا وعائلتي فقط ومن خلال قراتي في المنتدى يقولون الأخوان ان الطريق زين ويوجد فيه استراحات ومطاعم ومناظر جبال وبحر وصراحه ودي اجرب هالشغله على سياره مستاجره وبالنسبه للسفر مباشر للاسف مافيه لا من الدمام ولا البحرين
تحياتي يالغالي

عن أستفسارك عن فندق براميزا هو فندق جميل جدا" من حيث النظافة ومن حيث كبر حمام السباحة بة الذى يشبة البحيرة مع شلالات فية جميلة ووجود أكثر من حمام سباحة حتى وصولك للبحر
هو فندق رائع جدا من حيث النظافة وحمام السباحة
ولكن بة مشكلة واحدة ان الأكل هناك ليس بمستوى أكل باقى فنادق شرم الشيخ
فكنا كل يوم نأكل بخليج نعمة بدلا" عن بيراميز

اخوي السريالي..
الافضل انك تستأجر سيارة بالسواق...حتى تتفرغ انت للمتعة والسوالف..
وفيه سبب ثاني.. انك ما راح تحتاج السيارة كثير في شرم لانها صغيرة مرة ومشاويرها قليلة.. يعني باليوم مشوار او مشوارين بالكثير.. وفيه هناك تكاسي وباصات وليموزينات بالفنادق..
فيه شغله ثانية.. اللي هي المواقف عند المشاية في خليج نعمة... مشكلة.. انا قبل سنتين نزلت بسيارتي.. بصراحة تضايقت من قضية المواقف عند المشاية..
وبعدين ما انصحك تاخذ سيارة من المطار.. لان سيارات المطار تعبانة شوي... اذكر استاجرنا سيارة من مطار القاهرة للاسكندرية(شبح) وخبطت بالطريق.. وسواقين المطار تعبانين مرة..
فا الافضل اما انك تستاجر سيارة من فندق...او انك تستأجر سيارة من شركة سياحية مشهورة...
وهذا رابط احد هالشركات:
http://www.nuggettours.com/trans.htm

يعطيك العافيه رسامه مصريه على المعلومه
كل الشكر لك اخوي صقر وخاصة على الموقع لان اسعارهم مناسبه جدا