النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
لجة الصمت
09-06-2022 - 05:20 am
السلام عليكم _هذه اول مشاركة لي بخصوص اني وبعد زواجي خمس سنوات اقتنع زوجي واخيرا بالسفر وقالي احدد المكان وانا احترت وش رايكم افضل مكان غير ماليزيا للسفر بالصيف شهر 8 الجاي انا فكرت بالنمسا بس سؤالي كم التكلفة لشخصين وافضل برنامج وخطوط ومتى لازم نحجز شاكرة لكم اللي يرد علي له دعوة خاصة بالثلث الاخير من الليل هاذي اول سفرة لنا الفزعه تكفون


التعليقات (3)
معالم التشيك
معالم التشيك
مبروك شهر العسل المتاخر .. وترى كل ما تاخر طلع له طعم احلى .. انتي اخترتي البلد المناسب بيني وبينك اجمل بلد رحت له في اوروبا هو النمساء .. جمال الطبيعة فيه شي جميل جدا .. اجمل شي في النمساء هي طبيعتها فانصحك بزيارة مدينة زيلامسي والبقاء فيها اربع ليالي .. من زيلامسي تنقلي في الطبيعة الجميلة حول هذه المدينة مثل (( جبال كابيرون اعلى منطقة في منطقة سالزبورغ ) تبعد 25كم من البلد وتقدرو تطلعوها بالسيارة او بالباص او بالتكسي علماً بان كل شي موجود في المدينة ويوجد بها بقالة عربية تقدري تاخذي من عندهم او من فندقكم اوراق بالعربي تشرح لك المدينة والاماكن السياحية فيها .. اهم شي انا ما انصحك بالسكن في فندق (( الجراند هوتيل )) لانه على البحيرة مباشرة .. انا انصحك بفندق اسمة der sanbirge .. تقريبا كذا السبلينج حق الفندق ماني متذكره زين لكن بتلقينة في موقع بوكينج للحجوزات .. الفندق هذا اذا مامعكم سيارة لا تستاجرو فيه لانه فوق وتعب الوصول اليه.
التذاكر على فينا او على براغ او على ميونخ علماً بان ميونخ اقرب مطار لزيلامسي
(( الرحلة افضل لك تكون (( ميونخ 3 ايام 2 لليلة - زيلامسي 5 ايام 4 لليلة - براغ او فينا 4 ايام 3 ليالي ))
اذا كان فية امكانية تسافرو في شهر 5 او 4 يكون الجو جميل ومو حار زي الصيف .. واذا حابة تروحي في الصوف احجزي في شهر 6 او 8 او حتى 9 مناسب (( ميلادي )) علماً بان رمضان يبدا في 20 جولاي (7)
اسعار الفنادق تبدا من 3000 ريال للشخص حتى 3700 او 4000 انصحكم باستاجار سيارة اقل تكلفة واقل تعب من التنقلات .. وشراء جهاز نيفيقيشن او خرائط تنزل على الايفون .. تكاليف الاكال والشرب غاليه .. تقريبا غداء شخصين في فينا 300 إلا 400 ريال اما اسعار الفنادق تستطيعين حجزها عن طريق موقع https://www.booking.com او التواصل مع احد المكاتب السياحية في مدينتكم ..
تحياتي .. معالم التشيك

لجة الصمت
لجة الصمت
الف شكر الله يجزاك خير .اتصلت على الخطوط السعودية قالوا ماعندنا رحلات للنمسا باشوف خطوط الامارات على الصيف 8 او عشرة لانه زوجي مدرس هنا المشكلة طيب ممكن اخر سؤال تنصحنا باي مكتب للطيران,او نحجز لانفسنا اوفر من النت.

ابو نزيه
ابو نزيه
لجة الصمت
الخطوط الارخص : المصرية , التركيه , الاردنيه
الخطوط الاغلى : الاماراتية , القطرية
وادخلوا على هذا الرابط ان شاء الله راح يفيدكم فيه اشياء كثيره مهمه :
https://artravelers.com/p/re/678441


خصم يصل إلى 25%