مرحبا
ابرد عن ابو عزيز ---> ما عرفت اجابه سؤالي ههه
اتذكر لما رد عليك لانك كنت تسأل عن افضل الفنادق لشهر العسل
فهو اعطاك افضل فندق في انترلاكن
وعلى فكره انترلاكن عباره عن قريه يعني ما فيها الا فندقين فايف ستارز
وابو عزيز اختار لك الافضب
وبالنسبه لسؤالي
متروبول كثير سكنوا فيه بس للاسف انا مو منهم ومدحوه كثير
يعني لو بروح انترلاكن بسكن فيه باذن الله
اما بالنسبه للاماكن الي تروح لها فهالسؤال اسأله بالديره
والا هناك كل شي حلو وكل شي مغامره واكتشاف جديد
وانترلاكن ما فيها الا الطبيعه يعني السوق عباره عن محلين ونص بس ههه
والمطاعم والقهاوي على الشارع الرئيسي للقريه
وسلامتك

يعطيك العافية ..
يعني الحين الخيار الأفضل بين فكتوريا وموتروبول .. بالأخير طبعاً بختار أحدهم إن شاءالله ونشوف
من يكون اختياره هو الصحيح لشهر عسل ..
تقولين ماسكنتي فيه .. طيب وش الفندق اللي سكنتيه بانترلاكن لما رحتي سويسرا ؟
اما بالنسبه للاماكن الي تروح لها فهالسؤال اسأله بالديره
والا هناك كل شي حلو وكل شي مغامره واكتشاف جديد
أحس من زود الكسل فيك اختصرتي على نفسك التفصيل ..
بس ماألومك البرد في الرياض يخشخش بالعظام ******** ماأدري وش معنى يخشخش بس أحسها تعبر بقوة خ
طيب أختي لوي >> كأني اقول لؤي
النية إن شاءالله 4 أيام بانترلاكن بعدها اسبانيا ..
رأيك أنها كفاية ومناسبة المدة لانترلاكن ..
تعالي >>> بدا يمون خ
دامك صبية يعني بنية لا ومن صبايا الرياض .. ودي تقولين لي وش يحبون البنات بالسفر خصوصاً بشهر عسل
هل تحبون الطبيعة مثلنا الشباب ...
خبرك الشباب رومانسي والبنات من جنبها دجة × دجة ********>>> كذا يقولون
و4 ايام بانترلاكن زينة للبنت في شهر عسلها .. والسوق ضروري في هاالفترة ولا أأجله لبعدين
وإذا شفتيه ضروري >>> يارب ماتشوفينه كذا .... وش أقرب سوق مناسب لانترلاكن
لا تقولين اسأل خطيبتك ترى للحين مابديت أمون .. وأشوف لو أخلي الروحة مفاجأت أحلى
قاعد أحمد ربي أن فيه بنات خبرة نسألهم ...
ومشكورة على ردك الأول والثاني اللي راح يجي خ >>> واثق
برايفت أبو عزيز :
ترى بديت أحس أني أغثك بالأسئلة عشان كذا بحول على لوي فيتون وأصير من أنصار حزبها
ياخي أحس أنك تبي تصفقني كل ماأسأل وتقولي راجع مواضيعي ( صورة وجه يرتعد خوف )

أبو عزيز و لوي فيتون ..
الفندق اللي أعطانياه المكتب اسمه ( freienhof ) فرين هوف 4 نجوم
والغريب أني مالقيت له أي طاري في المنتدى والفنادق المحصورة في انترلاكن !!!!

بسم الله ببدأ اجاوب
اولا اذا تبي الفخامه فخذ فيكتوريا واذا تبي شي مرتب وسعره حلو فخذ متروبول
وترا حدي مصر سكن فيه وهو شهر عسل ممكن تراجع تقريره بس ترا التقرير في بوابه النمسا
ثانيا الفندق الي سكنت فيه ما عجبني ليش ؟؟ ما احسه نضيف ( لقيت صرصور صغير بالحمام ) الله يكرمك
وكرهت ابوه
والشي الثاني :: انه سعره 1000 بالليله مع افطار بارد بعد .. وانا اشوفه ما يسوا
ثالثا :: ترا مو شي جديد اني زوله ههه
اعترفت اني زوله 1000 مره بتقريري وغيره خ
وانت خلك صريح وقل حطي لي جدول يومي لي بانترلاكن !! ههه
انا ما اشوف شي ممكن اقولك رح له هذاك المكان رومانسي
يعني تصحى الصباح بدري تفطرون وتطلعون لكم مشوار ترجعون تريحون بالاوتيل ساعه واذا الوقت بدري
تطلعون مكان قريب شوي او اذا متأخر تتمشون على النهر وبالشارع الرئيسي للقريه
4 ايام مره قليله على سويسرا
اذا تبغى رأيي احذف اسبانيا ما احس فيها شي يسطل .. يعني مجرد مدن كبيره هذا الي قريته عنها
حاولت احبها عجزت ----> من حالف عليك تروحين طيب ههه
شوف رأيي خلك بس على سويسرا والله بتنبسط مره وتراها امان بشكل فضيع ما شاء الله
يعني انا اطلع لحالي هناك عادي جدا وانا هنا بالرياض ما اروح السوق لحالي اخاف خ
شوف اذا ملزم على اسبانيا وانا ما انصحك لان رومانسيتها اقل من سويسرا ---> تراني قايستها خ
خل انترلاكن اسبوع لانك بتحس بالروقان هناك والرومانسيه كلها بعد
ولا راح تفقد شي الا القهوه العربيه والتمر بذاك الجو الي يجنن
شوف بنسوي معادله ونشوف مين يربح اسبانيا او سويسرا
سويسرا جوها احلى ، والطبيعه فيها احلى واكثر ، والامان فيها اكثر ، والاماكن السياحيه اكثر وامتع
خلاص فازت سويسرا وهارد لك اسبانيا ---> شكلي اقلعت شوي بس انا اذا مسكت خط سوالف واستهبال ما اوقف لول
اش بعد ؟؟؟ -------******** لاحظوا ما قلت ايش كمان ؟؟؟ خ
وبالنسبه للتسوق اكيد انه معشوق البنات
فاكيد السوق شي حلو ويوسع الصدر لازم تروح لزيورخ تتسوقون من هناك وتبعد عن انترلاكن ساعتين بالقطار
خلها تنبسط وتتسوق .. ترا انا ما انبسط بالسفر اذا ما تسوقت لين قلت بس
وفيه شي اخير ترا ما فيه احد ما يحب الطبيعه يعني راح تنبسط العروسه باذن الله
ولازم توديها زيورخ تتسوق واذا تسوقها مو لازم له ماراكات كبيره ممكن تخليها تتسوق من لوسيرن
بالنسبه للاوتيل الي ذكرته ما مر علي
بس اذا المكتب ماعنده متروبول وفيكتوريا اذخل على موقع بوكينج واحجز تراه مضمون باذن الله

سلامات فيتونه !!
شكل المطر المفاجئ الليلة على الرياض أثر على مزاجك وخلاك ترتفعين وتهذرين ..
شلون يكون هذا برنامج يومي :
تصحى الصباح بدري تفطرون وتطلعون لكم مشوار ترجعون تريحون بالاوتيل ساعه واذا الوقت بدري
تطلعون مكان قريب شوي او اذا متأخر تتمشون على النهر وبالشارع الرئيسي للقريه
وبعدين تقولين 4 أيام قليلة في سويسرا ؟!!!
يعني تبين هذا برنامجي أسبوعين بس نقوم ونفطر ونتمشى ونرجع نريح !!! صدق أنك زولة ..
أنا يهمني أفضل الأماكن في انترلاكن .. مو شرط أمرها كلها .. يعني كم شلال على كم بحيرة وقمة وكوفي شوب
رايق .. وانتهينا ..
بعدين للأسف المكتب رد علي وقال أن فكتوريا مافيه حجز في الوقت اللي أبيه :112: بعد ماشفت صوره
وانقهرت أحس أهم شي بشهر العسل الأوتيل ,, خصوصاً أول أوتيل تكون فيه الهيصة
وموتروبول سألتهم وبيردون علي .. قلت عاد اخلص بسرعة باقي 3 شهور إن شاءالله تأخرنا :upset:
وبعدين من أنتي حتى تطلبين حذف أسبانيا ********> أنت اللي قاعد تسأل :icon_scra
طيب .. انتي تقولين :
اذا تبغى رأيي احذف اسبانيا ما احس فيها شي يسطل .. يعني مجرد مدن كبيره هذا الي قريته عنها
حاولت احبها عجزت
وعلى فكرة رأيك مثل رأي أبو عزيز .. لكن أنا اجتمعت مع نفسي وقررت أني آخذ اللي يعجبني من أصحاب الخبرة
وأترك اللي مايعجبني .. >>> شفتي الثقة كيف .. اصبري علي إن ماصرت خبرة أكثر منكم
شوفي أختي لؤي بخش ..
تصدقين من بديت أرتب لشهر العسل من سنة تقريباً درت العالم كله واسألي أبو عزيز اللي غثيته في جزر
المالديف وموريشوس .. وفي الأخير استقريت على سويسرا وأسبانيا إن شاءالله ..
الأسباب ؟
ابشري أنا أقولك الأسباب .. >>> يسولف على روحه
اخترت أسبانيا بناء على اقتراح صديق عزيز يشتغل في السفارة السعودية في مدريد ..
وحطيتها براسي خصوصاً لما سمعت تلميحات من جانب (وزارة الداخلية المستقبلية) بأن أسبانيا حلوة !!!
> أصلاً عمرها ماراحت أوروبا فكيف أعجبتها أسبانيا ماأدري بنات !
المهم .. يوم جيت أبحجز مالقيت إلا ترانزيت لزيورخ .. قلت ياراقل ليش ماتجلس فيها كم يوم
هذي جنة خضراء في أرض الله ,, وسألت المعلم أبو عزيز فقال خل كل المدة في انترلاكن
وماراح تندم ..
عموماً ماأبي أطول ********> بعد إيش
قلت مادام الرحلة 8 أيام تقريباً >> مكره أخاك لابطل ... خلها 4 انترلاكن و4 أسبانيا ..
وين اسبانيا .. بصراحة يالؤي احترت لكن نصحوني خبراء بسان سباستيان ..
وأنا كنت ماأعرف إلا ماربيا ومايوركا والمدن الكبيرة ..
أها .. عاد هنا السؤال طال عمرتس .. انتي رحتي أو شفتي صور لسان سباستيان ؟؟؟!!!!
تبين الجد ولا ولد جيرانهم ..
أنا من شفت صورها قلت والله ماتتفوت إن شاءالله بشهر العسل رغم أنه مشورة
يعني يبيلها ترانزيت في برشلونه وشوية قلق وياكرهي للترانزيت ..
فإذا ماكان قد رحتي لها أو شفتيها فزوري هذولي الروابط وأبشوف رايك يتغير ولا لا ..
https://artravelers.com/p/re/48272
ونسيت أقولك أنا أمل بسرعة من مكان واحد إذا طولت فيه وأحب التغيير
خصوصاً إذا كان لشئ أجمل .. طبعاً هذا وأنا عزوبي مدري يتغير أسلوبي بعدين ولا لا ..
وأذكرك يالوي فيتون :15: ********>> يهدد هذا ولا إيش
أقول أذكرك إن ماعملت تقرير لانترلاكن وسان سباستيان يزلزل المنتدى بروعته إن شاءالله ..
والأيام بيننا
ولاتنسين أي نصيحة ممكن ناخذها بالحسبان منك أو من أي عضو ..
وآسف على الثرثرة مع هذا الجو الماطر ... :mf_depres
تحياتي ،،،

سلامات فيتونه !!
شكل المطر المفاجئ الليلة على الرياض أثر على مزاجك وخلاك ترتفعين وتهذرين ..
لا والله بس كنت اسولف انا وصديقتي الجديده
ومسكت خط عجزت ارجع واسكت عاد صارت القرقه بموضوعك
شلون يكون هذا برنامج يومي :
وبعدين تقولين 4 أيام قليلة في سويسرا ؟!!!
يعني تبين هذا برنامجي أسبوعين بس نقوم ونفطر ونتمشى ونرجع نريح !!! صدق أنك زولة ..
ياناس اتركوني عليه لا اتركوني
مو هذا البرنامج اليومي
انا اعطيك فكره عن النظام هناك ---> بامشيكم على كيفي الظاهر خ
المقصود بالمشوار يعني طلعه قد تمتد الى اكثر من 6 ساعات وبما ان النهار طويل فبأمكانك تريح وتطلع مره ثانيه
بس لحظه الحين ما بقى على السفره الا 3 شهور بس !!!
معليش ذكرني متى تاريخ السفر بالضبط ؟؟؟
بعدين للأسف المكتب رد علي وقال أن فكتوريا مافيه حجز في الوقت اللي أبيه بعد ماشفت صوره
طيب ممكن تشوف مكتب ثاني او موقع عن طريق النت او تاخذ رقمهم وتتصل عليهم
وبعدين من أنتي حتى تطلبين حذف أسبانيا ********> أنت اللي قاعد تسأل
ا ----> منصدمه
خلاص لو سمحت لا تمون علي ابدا
شوفي أختي لؤي بخش ..
لا لا لا بليز لا عاد تمون سكتنا على فيتونه تجي بلؤي لا وبخش بعد شوي وتسميني اصابع الزمن خ
امزح معك بس اذا ماجاز لك الاسم قلي ام دودي ----> بلاك زين هالاسم بعد خ
اخترت أسبانيا بناء على اقتراح صديق عزيز يشتغل في السفارة السعودية في مدريد ..
يارجال اشوا انه ما يشتغل باليمن !! خ ----> تراي بديت امون بقوه
بس يعني وش بيسوي لك هناك؟؟؟ يعني راح يكون منه فايده والا لأ
وحطيتها براسي خصوصاً لما سمعت تلميحات من جانب (وزارة الداخلية المستقبلية) بأن أسبانيا حلوة !!!
> أصلاً عمرها ماراحت أوروبا فكيف أعجبتها أسبانيا ماأدري بنات !
عادي جدا احنا البنات نحس بالاحسس بس لول
قلت مادام الرحلة 8 أيام تقريباً >> مكره أخاك لابطل ... خلها 4 انترلاكن و4 أسبانيا ..
هنا المشكله !!!
ليش بس 8 زيدها شوي
خصوصا وان عندكم كذا توقف !!!
أها .. عاد هنا السؤال طال عمرتس .. انتي رحتي أو شفتي صور لسان سباستيان ؟؟؟!!!!
والله يا طويل العمر سباستيان هذا ولد العايله الي كان يدرس عندهم اخوي
حتى بالأماره كان يقول التسلبه أم سباستيان ... ---> محترمها يعني خ
بس اخبر عمره 3 سنين متىى جاه ولد وسماه سان ما ادري ؟؟!!!
والله اول مره اسمع بها
وشفت التقريرين اقولك الصدق .. الصدق الصدق ؟؟
ما شفت فيها الا صور البحر بس !!! يعني حتى ما انكتب عنها اي شي او اماكن تزورها من هناك !!!
تبي الجد مدامك بتسكن في انترلاكن وهي عباره عن مكان هادي
لازم المدينه الثانيه تكون مدينه كبيره في اسبانيا من باب التغيير يعني تستمتع بالطبيعه في انترلاكن
وتتسوق من اسبانيا وتشوف خرشه العالم
ولي عوده باذن الله مع الترتيب اليومي
مع تحيات
لؤي ووائل بخش خ

ياحبنا للثرثرة ... ********> أعدوك البنات والله
انا اعطيك فكره عن النظام هناك ---> بامشيكم على كيفي الظاهر خ
مو مشكلة .. عادي تعطينا أحسن طرق التمشية هناك ..
وبسألك .. قرية ونجن كم تبعد عن انترلاكن وهل هي أحسن منها .. لأني اطلعت على فنادقهم لقيتها رايقة أكثر ..
المقصود بالمشوار يعني طلعه قد تمتد الى اكثر من 6 ساعات وبما ان النهار طويل فبأمكانك تريح وتطلع مره ثانيه
والله لو فيه مثل ماقلتي قهوة عربية وتمر كان تمشية من دون تحديد أماكن
>>> شرايك أخربها وأرسلها مسج أقولها جهزي الهيل والقدوع بشنطة خاصة وتسويها لنا هناك
.. يلعن الرومانسية ياشيخ ،،، أما لو معها معسل تكمل والله> ياويلك لايسمعك أبو عزيز والله ليوقف عضويتك بكل مكان تسأل عن معسل !!>> تراي مو مدمن بس مزاجي
بس لحظه الحين ما بقى على السفره الا 3 شهور بس !!!
معليش ذكرني متى تاريخ السفر بالضبط ؟؟؟
السفر بعد الزواج بيوم إن شاءالله يعني في 13 - 4 - 2008 ابريل .. أحاول أوافقها مع إمكانية حجز الطيران
يارجال اشوا انه ما يشتغل باليمن !! خ ----> تراي بديت امون بقوه
بس يعني وش بيسوي لك هناك؟؟؟ يعني راح يكون منه فايده والا لأ
تصدقين أم دودي >>> يتميلح
سألته وش تبي تفيدني فيه .. قال شف أسعار الفنادق من عندك وعطنياها أحاول اجيب لك سعر أفضل .. بس
أنا ماقلت أبغى استفيد منه .. أنا قلت هو من اسباب تفكيري باسبانيا يعني يوم يجي هنا ندقها سواليف عن اسبانيا
ومدنها وكذا قعدت أفكر فيها ,, بس ماني مصلحجي أفكر وش بيفيدني فيه ..
تبي الجد مدامك بتسكن في انترلاكن وهي عباره عن مكان هادي
لازم المدينه الثانيه تكون مدينه كبيره في اسبانيا من باب التغيير يعني تستمتع بالطبيعه في انترلاكن
وتتسوق من اسبانيا وتشوف خرشه العالم
شوفي أوخيتي أم دودي -------> إيه كذا الأسم أحسن .. مو لؤي وفتفوت وبخش ومدري إيش> عليمي بالماركات
هو صح على قولتك سان سباستيان بحر وجبل بس .. وبيني وبينك هي هذي النقطة اللي سحرتني ..
بس من ناحية التغيير من طبيعة إلى جو مدينة صاخب هذي أنا معك فيها .. وبصراحة هذا اللي قاعد أفكر فيه
من قبل ماأكتب ردي السابق .. يعني إلى الآن أنا في أخذ ورد مع مكتب متخصص في اسبانيا فيه شباب جنتل
وصاحبه مشرف بوابة اسبانيا ..
ولكن ولأني مثل ماقلت سابقاً أكره الترانزيت وخصوصاً بشهر عسل قعد أعيد التفكير في اسبانيا ..
وبدى التفكير يذهب صوب فرنسا خصوصاص مع قرب اغلب مدنها من سويسرا ..
يعني لا تستحين وقولي لي من باب الخبرة لأخوك الصغير ----------> أخص
وحطي برنامجنا لشهر العسل على كيفك> والله لو تدري خطيبتك لترفع عليك دعوى خلع .. تدخل البنات في سفرتكم !! هزلت
اقول أم دودي ماعليك وحطي آرائك
وراح أدعي لك وأقول لزوجتي وقتها تدعيلك ----------> عشان يجيك كف حامي على وجهك وأنتم بالبرد
تحت المطر
لا بجد قولي وش أضيف لسويسرا .. لازم دولة ثنية .. يعني مثلاً فرنسا أي مدينة مناسبة تصلح تكون مع انترلاكن
لاتقولين باريس .. ماني هاضمة .. أحسها زي الحرمة اللي تزوجت عشرين مرة ---------> يلعن أم التشبيه
شوفي مثل ماسمعت من باريس لجنيف بالقطار ومن جنيف لانترلاكن بالقطار .. يعني نفتك من ترانزيتات وغثاها
ودي ترشحي لي مدينة بفرنسا أطلع لها أول ماآصل باريس فيها (عجقة ) هذي باللبناني يعني (خرشه) باللوي فويتوني
وطبيع حلوة وهادية أجلس فيها لو ثلاث ايام بعدها أطلع لجنيف ومن ثم لانترلاكن .. أحس وقتها الطيران ماحنعرفه إلا
بالذهاب والعودة ..
ياليت بسرعة أبحجز عاجل وإذا ماعندك الخبرة بفرنسا حولي اسألتي لأبو عزيز نيابة عني
> (وجه مستحي من كثر التغييرات) ..
ويخليلك دودي وأبو دودي ياأم دودي ,,

ولي عوده باذن الله مع الترتيب اليومي
تراي بانتظارك ياالزولة أقصد ياالسويسرية النشيطة >>> تشجيع بس
.. والله أبي برنامج رايق من شخص يعرف انترلاكن وأماكنها ..