راح اجاوب على بعض الاسئلة واترك للاخوان بقية الاسئلة خصوصا المشرفين
ج 1 - اعتقد اذا ما خانتني الذاكرة 50 ريال تقريبا لمدة اسبوع ، في الغالب ما في زحمة الا وقت الاعياد و المهرجانات
ج 2- طريق خادم الحرمين الشريفين يوصلك الى وسط العاصمة لا يمين ولا يسار ولا اشارات.
ج 3 - انصحك بشقق سارا بلازا لموقعها المتميز وقربها من المجمعات وحداثتها وموقعها على الانتر نت http://www.saraplaza.com/
ج 6- الجو مقارب لجو الشرقيه ما في فرق تقريبا .
ج 14- المطاعم الامريكية والاوربية والشرقية جميعها متواجدة بشارع الخليج العربي وايضا في بعض المجمعات .
ج 5 - بالنسبة للبنت الامورة والله انا افضل الالعاب الموجودة بالمجمعات .
ج 8 - المجمعات تفتح تقريبا من الساعة 10 صباحا وحتى منتصف الليل ومن اهم المجمعات : الافينيوز طبعا لا يفوتك - مارينا وهو رايضا رائع - مجمع شرق .. مجمع جميل وهو يعتبر الاصالة والجمال - المهلب تصميم مميز واغلبه محلات نسائية .
ج 20 - اسأل عن طريق خادم الحرمين الشريفين واهل الكويت ما يقصرون معاك
اعذرني على بقية الاسئلة بس الاخوان ابخص بالديرة مني

lovetifa
بعض الاسئله بجاوب عليها
المطاعم اللي فيها شيشه وممتازه ميس الغانم وهو مقابل الابراج والابراج مفتوحه من الصبح لليل بس النهار احسن علشان تشوف المعالم
الجو بارد هاليومين وياليت تعمل حساب بنتك عدل لكن بالنهار الجو معتدل يعني درجه الحراره من 15 الى 18 بس بارد على الصغار
انصحك تروح حديقه الحيوانات الصبح والعصر تروح المركز العلمي
الطريق من الشرقيه الى الكويت طريق واحد لكني انصح تاخذ طريق الدمام الجبيل لكثره التحويلات في طريق بو حدريه
ومن الكويت طريق واحد وهو طريق خادم الحرمين الشريفين وبعدين تشوف الافتات الى السالميه واللتي يكثر فيها الشقق المفروشه
محل العبايات تشوفهم بكثره في العربيد بلازا في الفروانيه وهي رخيصه ومتوفره بكثره هناك
المركز العلمي روعه مو بس حق بنتك بالعكس لك ولزوجتك
اتمنى اني افدتك واترك باقي الاسئله للاخوان

وعليكم السلام
يا هلا ،،، أنا شرقاوي مثلك و ساكن بالكويت... إن شا الله أجوبتي تفيدك.
lovetifa

1. شارع الخليج


2. س18-وين اقدر الاقي خريطة مفصلة للكويت والاماكن السياحية فيها؟

lovetifa
و عليكم السلام
طولت الغيبات علينا ، يالله ميخالف ان شاء الله تشرفنا و تستانس معانا
حياكم الله بالكويت ، تزيدون النور أنوار
س2-افضل طريق يدخلني للكويت وما يضيعني؟
طريق الملك فهد
س3-افضل منطقة لسكن العائلي واسعارها مناسبة؟
السالمية
س4-وشو تنصحوني اي فندق اسكن واتمنى ذكر العنوان وكم سعره اذا ممكن ؟
تفضّل هالرابط و ان شاء الله تحصل اللي تبيه
https://artravelers.com/p/re/159240
انصحك بفندق المارينا او الهوليدي ان
س5-افضل مكان فيه العاب لصغيره عمرها سنتين يعني صالات العاب مغلقه ؟
تحصل الألعاب الموجوده داخل المجمعات
س6-كيف الجو هذي الايام لأني خايف على بنتي من البرد؟
الجو بارد ، اعمل حسابك ، و ان شاء الله ما تشوفون شر
س8-والساعه كم تفتح المجمعات وكم تغلق؟
تفتح بال10 لي 11 او 12 بالليل
س10-ونفسي اروح مع بنتي المركز العلمي لأنه فيه حوض سمك وهي تحب الاسماك اي وقت مناسب اقدر ازوره؟
اقترح عليك العصر ، و لا تنسون تدشون فلم الأيماكس و الكواريوم بعد
س11- افضل المطاعم العائلية؟
ميس الغانم ، برج الحمام
و مطاعم شارع الخليج
س14-طبعا انا من هوات المطاعم البنانية والايرانية بعض المطاعم الامريكية مثل تشيليز وين احصل كل هالمطاعم هذي؟

شارع الخليج

س18-وين اقدر الاقي خريطة مفصلة للكويت والاماكن السياحية فيها؟

في خريطة للمناطق بس ، و اللي تبيه يمكن تحصلة في مكتبات الكبيره مثل مكتبة العجيري خريطة حلوة وواضحة لمناطق الكويت الحديثة - للعضو المتفائل جدا - اضغط هنا https://artravelers.com/p/re/158252
س19-وكيف الازدحام هذي الايام بالكويت؟
الازدحام بالويك ايند شي طبيعي
س20-واهم شي لما اجي بطلع من الكويت وراجع لسعودية كيف ادل الطريق؟
من نفس الطريق - الملك فهد
واتمنى تدلوني على خريطه اقدر اطبعها وتدليني الطريق من حدود الخفجي لين داخل الكويت + الاماكن السياحية
و الله االخريطة مو متوفرة ، او يمكن تحصلها في مكتبات مثل مكتبه العجيري
و هذا الرابط ان شاء الله ادليك
الطريق الي مجمعات الكويت بالتفصيل الممل من منفذ النويصيب - للعضو - عاشق الخيال https://artravelers.com/p/re/159327
و تفضل هالرابط ، ان شاء الله افيدك
زائر الكويت ، تفضل بالدخول https://artravelers.com/p/re/161249
و حياك الله بالكويت

1. والله سامحني مو خبرة بالطريق...!


2. لكن من داخل الكويت طريق الملك فهد يوصلك لي داخل الديرة...!


3. س13-وياريت لو احد يسوي لي جدول مبسط وين اروح لمدة يومين ؟


4. بإذن الله السكن يكون بالسالمية..."هوليدي ان اقترحه عليك".

و عليكم السلام و رحمة الله...!
حياكم الله في بلدكم الكويت...
و إن شاء الله تقضون أجمل الأوقات...س2-افضل طريق يدخلني للكويت وما يضيعني؟

والله سامحني مو خبرة بالطريق...!

لكن من داخل الكويت طريق الملك فهد يوصلك لي داخل الديرة...!

و من طريق الملك فهد انصحك تحول إلى طريق الملك عبدالعزيز, و تكمل فيه مسافة ستجد "مطعم برجر كنج عاليمين كبير"و لوحة مكتوب فيها "السالمية يمين" اخذها ,و تكمل فيها سيدا بتلقى عدد من المنتجعات اللي عاليمينك و هذه المنطقة تسمى منطقة البدع و هي هادية و فيها منتجعات.
و تكمل مسافة للأمام تدخل منطقة السالمية, و تكمل أيضا بعد الإشارة ستكون دخلت شارع الخليج العربي.
س3-افضل منطقة لسكن العائلي واسعارها مناسبة؟
أنصحك ب السالمية فهي منطقة ممتازة بكل شيء:-
بالبحر, بالفنادق, بالشقق, بالمطاعم و المجمعات الكثيرة...
س4-وشو تنصحوني اي فندق اسكن واتمنى ذكر العنوان وكم سعره اذا ممكن ؟
هذه بعض الفنادق و الشقق بذكرها بمستوى حلو...
Holiday Inn Salmiya
هوليدي إن السالمية
التصنيف : صراحة يستحق معاملة 5
العنوان : شارع الخليج العربي(تقاطع شارع حمد المبارك), السالمية.
Tell : (+965)847777/4732100
الموقع الإلكتروني http://www.ichotelsgroup.com/h/d/hi/1/en/hotel/kwime?rpb=hotel&crUrl=/h/d/hi/1/en/hotelsearchresults
معلومات : يتميز هذا الفندق بالمعاملة الممتازة, كما يقع في بداية شارع الخليج العربي حيث أنه قريب جداً من المركز العلمي و شارع سالم المبارك التجاري, الأسعار من 45-50 دينار.

Ritz Salmiya
ريتز السالمية
التصنيف :
العنوان : شارع قطر, السالمية.
Tell : (+965)5739971/5739964/5739972/5711001
الموقع الإلكتروني http://www.ritzkuwait.com/salmiya/home_salmiya.php
معلومات : يشمل على أجنحة + غرف, قريب من سوق السالمية"سوق شعبي", و قريب من شارع سالم المبارك التجاري, متوسط أسعار الغرف35 دينار, الجناح55-60 دينار.

Sara Plaza Hotel سارة بلازا - هاتف: (+965)5755306 /7/8/4 - شارع دمنة(خلف الفنار),السالمية -
موقع إلكتروني http://www.saraplaza.com/ - إبتداءاً من 25 دينار.
س5-افضل مكان فيه العاب لصغيره عمرها سنتين يعني صالات العاب مغلقه ؟
عزيزي...أغلبية المجمعات تضم ألعاب مغلقة بمختلف المجمعات "مارينا مول-ليلى جاليري-الأفنيوز-المنشر-سوق شرق...الخ"
س6-كيف الجو هذي الايام لأني خايف على بنتي من البرد؟
الجو حاليا بدا يبرد مرة أخرى, و اخذ احتياطاتك...
س7-وكم تتوقعو احتاج اصرف معايي ليومين؟
والله يعتمد على مصروفك, فإنت تقدر تحدد شكثر تصرف في الكويت...
س8-والساعه كم تفتح المجمعات وكم تغلق؟
الساعه 10 تفتح و تغلق على ال11 مساءً,"فيما عدا السينمات", و بعض المجمعات تفتح فيها المطاعم مثل سوق شرق.
س9-وش رايكم ازور حديقة الحبوان في هذا الجو او برد على بنتي؟
أنا مانصحك فيها لأنها بعيدة جداً, و ممكن ياخذ من وقتكم وايد.,و كذلك مستواها عادي.
س10-ونفسي اروح مع بنتي المركز العلمي لأنه فيه حوض سمك وهي تحب الاسماك اي وقت مناسب اقدر ازوره؟
المركز العلمي أحلى وقت له في الصباح تحس بجو حلو...
و هو موقعه في بداية شارع الخليج العربي....
س11- افضل المطاعم العائلية؟
المطاعم العائلية كثيرة...
اعتقد ميس الغانم بشارع الخليج العربي تمشي لمسافة اول ماتدخل شارع الخليج العربي...
و تطوف فندق الهوليدي ان, و تطوف المركز العلمي و المارينا, و راح تشوفه على جهة اليسار بعد ماتطوف الأبراج.
و غيرها من مطاعم كثيرة تتركز بشارع الخليج العربي عدد كبير جداً
س12- افضل المقاهي الشيشة وتكون مغلقه يعني داخلية؟
عندك مطعم برج الحمام بشارع الخليج العربي, مطعم ميس الغانم, ليالي الحلمية بشارع الخليج العربي, و المقاهي اللي تكون على جانب مارينا مول.

س13-وياريت لو احد يسوي لي جدول مبسط وين اروح لمدة يومين ؟

بإذن الله السكن يكون بالسالمية..."هوليدي ان اقترحه عليك".

• اليوم الأول يكون في السالمية : المركز العلمي - مارينا مول "مجمع كبير و راقي و راح تاخذ وقت فيه" - شارع سالم المبارك"هذا الشارع فيه مجمعات عديدة جداً على مستوى راقي و اهو يطل عليه المارينا لكن من الخلف" - العشاء بمطعم ميس الغانم بشارع الخليج العربي.
• اليوم الثاني : أبراج الكويت "بشارع الخليج" - سوق شرق "بعد الأبراج بمسافة بسيطة بشارع الخليج" - إحد مطاعم شارع الخليج العربي مثل "تشيليز (بقرب الأبراج) - فرايديز...الخ

و في كذا مكان المشكلة انهم شوي يبيلهم مسافة مثل:-

• مجمع الإفنيوز اكبر مجمع بالكويت و احدث مجمع "يقع على امتداد طريق الداري الخامس بإتجاه الجهراء"
• مجمع الكوت...هذا تقدر تزوره بطريق العودة و هو مجمع راقي جداً...

يعني و انت طالع من السالمية بإتجاه الحدود عبر طريق الملك عبدالعزيز بيكون بطريقك.
بعد ماتكمل لمسافة 20 كيلو تقريبا أو اكثر بقليل...راح تجد لوحة عاليمين مكتوب فيها "المنقف", تلف معاها و تاخذ الإشارة يسار من تحت الجسر, و تكمل للأمام لين ينتهي فيك الشارع تاخذ الإشارة يمين و تكمل للأمام بتلقاه.
س14-طبعا انا من هوات المطاعم البنانية والايرانية بعض المطاعم الامريكية مثل تشيليز وين احصل كل هالمطاعم هذي؟
كل هالمطاعم موجودة بشارع الخليج العربي...
ميس الغانم, تشيليز, فارايديز, أبل بيز, هارد روك...و غيرها العشران موجودة بشارع الخليج العربي.
س15-هل توجد مقاهي لشيشة عائلية ؟
اي نعم و سبق ذكرتها لك اللي اهي ميس الغانم, ليالي الحلمية, و المقاهي اللي عد المارينا مول.
س16- وين افضل اماكن تبيع عبي مع شيلات وكم اسعارهم تقريبا؟
الشيلات موجودة بأغلب المجمعات يكون فيها كشك...مثل الأفنيوز و المارينا...!
و طبعا إذا بتتعمق لازم تزور مجمع العربيد بالفروانية بس ما انصحك لأنها راح تقتل الوقت القليل اللي عندك.فإن شاء الله المجمعات راح تكفي و توفي.
س17-وكيف ومتى اقدر ازور الابراج ؟
الأبراج مفتوحة من الصباح إلى المساء حالها حال المجمعات...
و موقعه يكون بشارع الخليج العربي...
س18-وين اقدر الاقي خريطة مفصلة للكويت والاماكن السياحية فيها؟
س19-وكيف الازدحام هذي الايام بالكويت؟
بالعكس الشوارع جداً سالكة هذه الأيام...
س20-واهم شي لما اجي بطلع من الكويت وراجع لسعودية كيف ادل الطريق؟
سهل الطريق مثل اللي ييت له...
يعني تطلع على شارع الخليج العربي"تخلي البحر على يسارك"و تكمل للأمام إلى أن تصل مرة أخرى إلى بداية السالمية, و من ثم منطقة البدع...
حتى تصل إلى آخر إشارة فيها جسر"كوبري"...تاخذ الإشارة يسار و تكمل للأمام إلى أن ياخذك تلقائياً إلى طريق الملك فهد و من ثم إلى الحدودو اعذرنا على القصور...
و أتمنى يكون شرحي مفهوم نوعاً ما

بصراحه موضوع مرتب كل الشكر للاخ الي حاط الاسئله وكل الشكر ايضا لاهلنا في الكويت الله يحفظهم يارب
وتحيه خاصه للاخ ضاري مواضيعه متميزه اخذت بنصيحته في دبي كان السبب تصويره لفندق شنغريلا وبالفعل كان مثل ماقاله
تحياتي للجميع بس اخوي الكويت في هالوقت برد لانه بردها اكثر من الشرقيه بالرغم اني مازرتها لكن من محبتها اتابع اخبارها مانصحك تروح هالوقت عشان بنتك او ان رحت لاتروح اماكن مفتوحه الاطفال مايتحملون الجو البارد
موفق خير واذا رحت نبي منك تقرير مفصل خصوصا حق امثالي الي من سنة الطبعه ابي اروح ومارحت

انصحك بالمارينا رويال للشقق الفندقية في السالمية على شارع سالم المبارك رقم التلفون 5752121 - 5715252قريبه جدا من مجمع المارينا تروحله على رجليك وبالقرب منه عدد كبير من المقاهي بالاضافه إلى بعض المجمعات الاخرى على شارع السالمية وسعره جدا معقول غرفه وصالة ومطبخ صغير ودورة مياه ب 40 دينار اخذناها في عطلة الحج وترا موقعه جدا ممتاز ويريحك من المشاوير والزحمه مع تمنياتي لك والعائلة بسفر سعيد

@ابوفيصل@
أهلا أخي أبو فيصل...!
مرت فترة طويلة على سفرة دبي و فندق شانغريلا...
و ماشاء الله عليك ليلحين ذاكر التقرير...
عزيزي أحنا بالمنتدى نعين و نعاون,,,
وكله في سبيل المساهمة بجعل رحلات أخوانا من مختلف الدول أكثر سهولة و راحة...
تحياتي لك اخي ابوفيصل...

حياكم الله بالكويت
اخواني و اخواتي ما قصروا ... انا باجاوبك على اللي اعرفه
س5-افضل مكان فيه العاب لصغيره عمرها سنتين يعني صالات العاب مغلقه ؟
اكثر المجمعات فيها العاب
و فيه قرية الطفل
س6-كيف الجو هذي الايام لأني خايف على بنتي من البرد؟
شوي بارد
س7-وكم تتوقعو احتاج اصرف معايي ليومين؟
على حسب ... و طبعا اخذ اكثر من المصاريف اللي تتوقعها
س8-والساعه كم تفتح المجمعات وكم تغلق؟
من الصبح الى 11 او 10 بالليل
س9-وش رايكم ازور حديقة الحبوان في هذا الجو او برد على بنتي؟
حلوه الحديقه للاطفال
روحوا لها الصبح .... و ثقل اللبس لبنتك
س10-ونفسي اروح مع بنتي المركز العلمي لأنه فيه حوض سمك وهي تحب الاسماك اي وقت مناسب اقدر ازوره؟
اعتقد تقدر تروح له بأي وقت ...و هو فعلا حلو للاطفال
س11- افضل المطاعم العائلية؟
ميس الغانم
قيصر .. كتبت تقرير عنه
مغل محل
فريج صويلح .. كتبت تقرير عنه
س13-وياريت لو احد يسوي لي جدول مبسط وين اروح لمدة يومين ؟
أحس انه يومين شوي ... لو مخليهم أربع أيام أحسن ...
عالعموم ... فيه اماكن كثيره حلوه ... و الاحسن تستغل الوقت و تشوفون اكبر كميه من الاماكن الحلوه بالكويت لانك من زمان ما شفتها
المجمعات:
الافينوز
المارينا
شرق
المطاعم :
اللي ذكرتها لك
س14-طبعا انا من هوات المطاعم البنانية والايرانية بعض المطاعم الامريكية مثل تشيليز وين احصل كل هالمطاعم هذي؟
بشارع الخليج ... لكن انصحك بالمطاعم اللي قلتها لك .... منوعه و حلوه و تعجبك ان شاء الله
س16- وين افضل اماكن تبيع عبي مع شيلات وكم اسعارهم تقريبا؟
برأيي أفضل أماكن بالفروانيه ... بمجمع العربيد ... فيه كل انواع العبي ...و حتى دراريع
دير بالك ... فيه قريب منه العربيد بلازا ... مو هذا اللي قصدي ... قصدي مجمع العربيد .... كله تفصال و جاهز من العبي و الدراريع
و تلقاه جنب قيصر ... بمنطقة الفروانيه
س17-وكيف ومتى اقدر ازور الابراج ؟
بأي وقت
بس الاحسن تروح لها قبل تغيب الشمس عشان تشوفون بالمنظار الكويت من الابراج
س19-وكيف الازدحام هذي الايام بالكويت؟
لا ... مو زحمه ...لانه عطله و الكل مسافر
س20-واهم شي لما اجي بطلع من الكويت وراجع لسعودية كيف ادل الطريق؟
اللي يسأل ما يتوه
و ان شاء الله ما راح تضيع
بانتظار التقرير و الصور