أؤيد و بشده تزور نيوزلندا و بالذات كوينز تاون إذا كنت تحب الطبيعه و الادفنتشر ( يعتمد على وقت سفركم طبعا)
حلو تسكن اخر ليلتين بفيرساتشي
ممكن تضيف جزيرة هاملتون للمخطط
بالتوفيق

1. بنسبة لغولد كوست ف 10 ايام مناسبة لها


2. وراح يسون لك عرض حلو لو خذت البكج منهم

كتاب السفر
مرحبا اخوي واستراليا اختيار حلو
والافضل هو فندق كراون بلازا اكيد
ومع ان استانفورد بلازا حلو وانا مجربه شخصيا بس مايتقارن بكراون بلازا
وفكره حلوة انك تقعد يومين في فرساتشي لتغير والتمتع ي الليلة الرومنسية
وبنسبة على جدولك عندي تعليقات عليها
4 ليالي في ملبورن انا اشوفها وايد عليها
حدك حطهم 3 ليالي اذا بتروح رحلت الثلج لانها طويله واذا بس تبي اتمر على المدينة واتشوفها من دون ماتروح واحد من رحلاتها الطويلة الي تستغرق يوم كامل فانا اقولك خلها ليلتين وبس
وتقدر تستمتع فيهم واتروح المجمعات التجارية والبنوراما
سدني حلوة 6 ليالي وممكن اتخليها 5 ليالي علشان ماتزهق وفندق الفورسيزنت حلو
بس انا انصح في الستارستي لانه على مستوا وراقي راقي راقي جدا وحلو وفيه تحت مطاعم وسوبرماركت يشتغلون فيها عرب
وانصحك ماتحجز غرفة نصيحتي تاخذ شقة اوسعلك وهي اتكون مجهزه بكل شي وخماتها مثل الغرف فيها روم سيرفس وتنظيف الغرف اليومي وكل كل شي واوسعلك واهدا والشقق والغرف ترا بنفس الفندق ومستواهم نفس الشي وانصح بشقه لان اوسع وفيها مطبخ كامل مجهز وبلكونه حلوة اطل على المدينة

بنسبة لغولد كوست ف 10 ايام مناسبة لها

بنسبة للفندق هو حلو وايد بس انا مانصح تحجز فندق نصيحتي احجز شقه فندقية وترا معظم ابراج غولدكوست كلها شقق واجنحه فندقية وحلوة وايد وراقيه وانا انصح بشقق السيركل وهي اجدد شي وافخم شي الصراحه وموقعها ممتاز في نص البردايز وتحت في سوبر ماركت وفي مطاعم وكل شي قريب منكم واوسع لكم من الفندق لان الفندق بس غرفه وممكن تختنقون الصراحه خصوصن ان بشقة ممكن تقعدون في البلكونه وتستمتعون في المنظر ومشاهدت الناس وبعد تقعدون بصالة وعندكم مطبخ مجهز كامل ممكن اتحظرون فيه بع الاشياء السريعه لو تبون وممكن تحجز فيه 8 ايام واتروح فرساتشي يومين لو تبي بس نصيحتي اخذ شقة وايد اشرح واوسع واونس بس انتبه لشغلت التنظيف لان في غولد كوست معظم الشقق اتكون التنظيف اسبوعي الا اذا طلبت منهم التنظيف يكون يومي بس اذا تبيه يومي حاول تطلبه من المكتب مال السفر ويكتبونه بلفوتشي مع ان اشوف انه مايحتاج تنظيف يومي وممكن تطلبون تنظيف يومين او ثلاثه بلسبوع والشقة مجهزة بغسالة وطاولة كوي وكل شي ماينقصها شيالصراحه
4 ايام في سنغفوره ان ااشوفها وايد عليها اسكن في سنغفورة يومين بس او بلكثير 3 ايام لانها صغيره وحدها يومين الى ثلاث ايام بس
وبنسبة للفندق ماعرفه بس افضل شي فيها هو جراند حياة والماريوت وهم على اهم شارع فيها وهو شارع اورشيد واذا كانو اسعارهم عالية ففي فندق على نفس الشارع انا مجربه شخصيا اسم الفندق هو اورشيد بريد وهو فندق حلو وايدالصراحه وسعره رخيص وايد مقارنه بلماريوت والجراند حياة وهو في بداية شارع اورشيد
والحين انرتب السفره انا اشوف ترتيب سفرتك غلط الصراحهومب حلو
الترتيب الصريح منوجهة نظري ومجرب من قبلي هو
اتروح ليلتين سنغفورة وتحجز في الجراند حياة اترانزيت وبعدها تطلع الى مطار برزمنت واتروح من المطار بسياره الى غولد كوست
وتقعد فيها 8 ليالي في شقق السيركل وبعدها اتروح الى فندق فرساتشي وتقعد فيه ليلتين وهو بعيد عن البراايز واتروحله بتكسيبس بتكسي يكون قريب يعني 5 دقايق بس اواقل بتكسي وبعدها
اتروح غولد كوستيا ليلتين او 3 ليالي وهاي يعود لك اذا بتروح الى رحلة الثلج فخلها 3 ليالي واذا مب رايح بس اتمشى في المدينة فخلها ليلتين وتسكن في فندق كراون بلازا
وبعدها تطلع الى سدني وتقعد فيها 5 او 6 ليالي وتسكن في الستار ستي هو فندق وشقق وتاخذ الشقق وفي الستارستي مايحتاج اتقولهم عن التنظيف الن شققهم مثل الفندق بظبط ومبناهم واحد والتنظيف يومي وفي خدمة الروم سيرفس
وبعدها اتسافر من مطار سدني واتضيف على الرحلة يومين اترانزين هونغ كونغ او بانكوك
وانا ارشح وبقوة هونغ كونغ منها لتسوق ومنها علشان ماتتعبون برحلة لانها طويله ومنها اتشوفون هونغ كونغ
وانا ارشح الناقل يكون الاماراتية بحكم ان فيه اترانزيت في كل من الدول الي قلتهم ولانها بعد تدخل استراليا ولانها حلوة وخدماتهم حلوة وايد
وانصح انك تاخذ بكج كامل من العطلات وممكن تستفيد من خدمة السكي ورلد وتاخذ نقاط سوان على التكت ولا الفنادق ولاتنسى اذا انت على السياحية تطلب منهم خدمة التوصيل من والى المطار لان بعظ المطارات بعيده مثل مطار برزمنت الى غولد كوست ومطار بانكوك عن المدينة لو قررت الترانزيت يكون يانكوك بدل هونغ كونغ وهم دقيقين في الوقت وحتى لو مااكدت عليهم فرا يجونك في الموعد بظبط سوان بروحه او برجعه وخدمة التوصيل اتكون مجانية لركاب البزنس والفرست اما لاسياحية فيكون في مبلغ معين

وراح يسون لك عرض حلو لو خذت البكج منهم

وهاي اختياراتي في الرحلة وصدقني راح اتكون سفره ولا اروع لاني مجربهم ومجرب خطة السير وكانت حلوة
لان لو خليت التنقلات في البداية فراح تتعب خصوصن انك كل ماتقعد كم يوم راح تنتقل وثانيشي غولد كوست صغيره والي محليها رحلاتها الصراحه اما ملبورن وسدني لا مدن فلوخليت المدن قبل وبعدين رحت غولد كوست ممكن تظلمها بحكم انت جاي من مدن كباروتمشية وفجى اتشوف روحك في مدينة صغيره مافيها الا شارع البراياز فممكن بهشكل تظلم غولد كوست واتحسروحك مليت وخصوصن التنقلات وركوب ونزول من الطيارة اكثر من مرهيخلي الواحد يزهق وبتكون بعد ما توصل غولد كوست الا انت زهقان من السفره وكانك تبي ترجع الديرة بحكم انك شفت المدن الكبار وزهقت من الطياير
بس لو خليتها بلاول راح تستمتع فيها واتكون ريحت من تعب السفره الطويله وتستعد للمغامره في الدن الثانية خصوصن بتكون متشوق اتروح للمدن
طبعا هاي وجهت نظري والراي رايك
واي استفسار احنا بلخدمة
واخر شي بنسبة الى اوكلاند والله انا اشوف انك ماتقلل من ايامك ممكن اتزيد عليهم اي بس اتقلل لا
م انياشوف ان اتخلي اوكلاند في السفره الثانيه لك لان هسفره بتكون استكشافيه لستراليا وللمنطقة علشان السفره الي بعدها لو بعجبتك منطقة في استراليا ممكن تلغيها واتظيف غيرها مع زيارت انيوز لاندا
وتحياتي لك