السلام عليكم ورحمة الله وبركاته ,,,,
اول شي يعطيكم الف عافيه على هالمنتدى اللي استفدت منه كثير بمواضيع اعضاءه ,,
مابي اطول عليكم ، انا مسافر تاريخ 18/5 بعد اسبوعين
وجهة الرحله كويت - فيينا وراح اكون بفيينا من يوم 19-5 الى يوم 21-5 مثل ما اقرى بنصايح الاعضاء ان كافي عليها يومين ,
والعودة بتكون من ميونخ - كويت وراح اكون بميونخ يومين من تاريخ 26-5 الى 28-5
المطلوب :-
1- انا ضايع بالايام اللي بالنص من تاريخ 21-5 الى 26-5 مادري وين اروح واي دوله او اي منطقه ؟؟
2- شنو الاماكن الحلوه بفيينا وميونخ والمناطق اللي راح تختارونها لي بالنص ؟؟
وخاصه ان هالسفره من تجهيزات شهر البصل عفوا شهر العسل
وانا أجرت سياره بتكون معاي طول الرحله ..
ابي فزعتكم لا اتوهق مع الاهل وانا مسوي نفسي فاهم