بانتظاركم يا جماعه =(

يا هلا وغلا
اولا زواج مبارك امين والله يرزقكم الذريه الصالحه
لا اختى السياحه في عمان مو غاليه وطبعا كل دول الخليج تقريبا السياحه فيها متساويه ومتشابهه يعني ما راح تكون هناك فروقات كبيره في السعر
وبعدين انتوا اللى راح تتحكمون بالميزانيه يعني ممكن تلعبون فيهم ويمكن تقتصدون بس انتوا بشهر عسل اعتقد مو ضروري تقتصدون بهالسفره عشان تستمتعون وما تنسوا الرحله بسهوله
شوفي اختي الجو اولا راح يكون بارد جدا بهالوقت يعني ملابس ثقيله لازم
وطبعا عشان الرحلات انتوا اذا حجزتوا بفندق زين اكيد عندهم عروض سياحيه لانه في رحلات بحريه كثير لمشاهده الدلافين والاحياء البحريه زفي رحلات بريه بعد مثل رمال ال وهيبه فيها تخييم بس بعيد شوي عن مسقط وتوجد ايضا رحلات للمنطقه الشرقيه بس مثل ما قلت ضروري الملابس الثقيله لان الجو راح يكون بارد
وعشان انتي حرمه لا تفوتي سوق مطرح بس تاكدي ان زوجك مليان جيبه قبل لا طلعون
وبعد ممكن تروحون القلاع وضروري تروحون كهف الهوته بنزوى هذي النشاطات وغيرها راح تلقوها في اي مكتب سياحي
وعذرا على الرد المتاخر