ابو بلسم
19-05-2022 - 07:51 pm
السلام عليكم
انا ودي احجز لصصيف الجاي عشان الاسعار تكون ارخص واوفر
حنا عائلة كبيرة مع الاطفال 11 شخص
وودي اروح سويسرا و المانيا والنمسا مدة السفر تكون حول 20 يوم تقريبا
ابي استفسر عن شقق او فلل تكون نظيفة جدا وباسعار معقولة ماتتعدا 600 او 700 في اليوم
حصلت كم فلة تكون اجارها بالاسسبوع تكون باليوم 600 و ب 700 بس اي مدينة تفضلون السكن فيها في سويسرا
مثلا فلل زيلاميسي او كابرون ؟ ايش الافضل والاقرب للمدن الاخرى
بعنب انا بسكن اسبوع فيها وكل يوم بروح مدينة الصبح وارجع في الليل
وكم اسعار البنزين للتر بالريال السعودي
رجاء افيدوني
السكن في زيلامسي او كابرون ارخص بكثير ويفضل تطول فيها اكثر شي اما انترلاكن اغلى
ممكن تخلي مخططك
فرانكفورت وصول فقط - 3ايام رست - 6 ايام انترلاكن - 10 ايام زيلامسي - 4ايام ميونخ
يعني 23 يوم هذا اقل شي عشان تنبسطون المهم تستاجرون سيارتين او ميني باص بسواق عشان تقدرون تروحون اي مكان تبغونه وكمان الفلل والشاليهات اغلبها مو بالسنتر وماعندها وسائل نقل عامه
اذا اتفقنا على موضوع السياره والمخطط ابشر اجيب لك خيارات للسكن حلوه بس ترى الفلل والشاليهات ماتقدر تحجزها الحين لان المبلغ غالبا غير مسترد وانت ماتدري وش ظروفك السنه الجايه لكن من شهر ابريل تقريبا عادي حول المبلغ لهم وقتها تكون حافظ الخيارات اللي مناسبتك عندك بس تراسلهم للحجز
اما ميونخ لازم تاخذون شقتين انا اعرف شقق سكنا فيها العام الماضي مره حلوه