نشر في اسبانيا

استفسار خط رحلة للخبراء بليز

أحسن وحده

27-07-2022 - 04:33 am

حجزنا إلى برشلونة والعودة من مدريد
المدة 11يوم تقريبا
ممكن برنامج حلو علما ان في الخطة الذهاب و حضور
مصارعة الثيران / الذهاب لأكبر ملاهي / مهرجان / حضور مباراة برشلونة واذا مافي مجال لريال مدريد/تسوق من أولت يكون مشهور ورخيص/ زيارة المدن الاسلامية (غرناطة , قرطبة,طليطله,....الخ)
بالاضافة الى فنخرولا وماربيا اذا ممكن
المهم نبي جو زين عائلي مانبي حر ورطوبة
ممكن برنامج حلو وحافل مع أي معلومة وفنادق أو أي شي اضافي مميز
لاتبخلون علي بانتظار اقتراحاتكم
علما باني سبق وطرحت الموضوع وردوا علي الاخوان بس الموضوع انحذف بعد التفعيل
ارجو انكم ماتتأخرون السفر قريب جدا

التعليقات (9)

zaman99s

27-07-2022 - 07:56 am

المشكلة الكبرى ما حددتي تاريخ الرحلة عشان نعرف الحر والرطوبة

أحسن وحده

27-07-2022 - 08:57 am

zaman99s
انها ليست مشكلة كبرى أبدا يا أخ زمان
رحلتنا بإذن الله في منتصف سبتمبر يالله عجل عطنا خطة ندعي لك عليها

zaman99s

27-07-2022 - 09:58 am

أحسن وحده
منتصف سبتمبر خلاص روح الحر كل سنة وانتي طيبة
ولكن 11 يوم لو وضعنا فيها خطة لزيارة كل ها المدن بتكون الرحلة كلها تنقلات
الخطة الأساسية المقترحة
4 أيام في برشلونة يكون يوم منها في ملاهي Port Aventura في مدينة Tarragona تبعد حوالي ساعة بالقطار
السفر بعد ذلك إلى مدينة غرناطة والمبيت ليلتين وزيارة قصر الحمراء
السفر إلى مدريد والمرور على قرطبة ( أحسن ما فيها المسجد ) وبعدها البقاء في مدريد بقية الأيام مع تخصيص يوم لزيارة طليطلة
أنا أنصح دائما باستئجار سيارة والتنقل بها
الا على فكرة انتم كم شخص ؟بالتفصيل

أحسن وحده

27-07-2022 - 10:59 am

مشكور اخ زمان محد معطيني وجه ويرد غيرك
عموما فيك الخير والبركة
المهم نحن عائلة 3 كبار و2 صغار أطفال كبار شوي
ودي ان نحن نروح بسيارة بس هل لو استأجرنا سيارة نقدر نروح بها كل هالاماكن ومانطول بالخط
وبعدين عطنا فكرة اكثر تفصيل يعني الاماكن اللي لابد انها تنشاف ولاتنسى
وهل فيه شركة سياحية كويسة نتعامل معها او الباص السياحي يكفي يعطينا فكرة جيدة عن الاماكن
والفنادق شلون لو نبي نسكن شقة سوى أو مو مشكلة فندق كويس وقريب من الفعاليات والاماكن السياحية
وام بعد باسأل عن الأوت لت وين
يعني عطني كل اللي تقدر تفيدني فيه وانا أنقي
وعذرا لكثرة الاسئله

أحسن وحده

27-07-2022 - 12:00 pm

وين الخبراء ممكن ردود
طيب مايصير الواحد يروح من برشلونة الى الشمال ثم يرجع للجنوب.........؟؟

المستحيلة

27-07-2022 - 01:01 pm

طيب انتي عدي اني خبيرة وتجاهلي اني بسافر معك ان شاء الله
الاوت لت يا ستي قريب من برشلونة .. قرية لا روكا .. والرابط هنا بالعربي بعد وش تبين دلع اكثر:
http://www.chicoutletshopping.com/ar_SA/the-villages/item/la-roca-village
وممكن تروحون شمال وجنوب .. بس الشمال يمكن أبرد وأحس ان المدة قليلة على انكم تلفون هاللفلفة بين الشمال والجنوب ..

المستحيلة

27-07-2022 - 02:02 pm

ايوه وعلى طاري المهرجان .. فيه موضوع لي بهالصفحة الثانية او الثالثة كان فيه معلومات عن سيرك نيبا اسمه على ما اظن .. يقام في ملقا بتاريخ 23 و 24 و 25 و 26 سبتمبر ... وشفت في مكان ما ان فيه عرض سحر في اوتيل ناسية اسمه بس موجود بنفس موضوعي .. يمكن يستهويكم بما ان فيه اطفال بالرحلة ..
لاحظي اني من ضمن المهتمين بالعرضين ههه يعني غضي النظر عن حكاية الأطفال ^_^

المستحيلة

27-07-2022 - 03:03 pm

وقربت لك الرابط لقيته بالصفحة الرابعة:
https://artravelers.com/p/re/418287
بالتوفيق

أحسن وحده

27-07-2022 - 04:04 pm

يعطيك العافية يا مستحيله والله انتي ماقصرتي ولايهمك اعتبرك خبيرة ونص
بألفلف في موضوعك واشوف .......ايه نحب السيرك والذي منه

اسبانيا المسافرون العرب

استفسار خط رحلة للخبراء بليز