والله ما اعرف اذا في مصنع معين يبيع عن طريق النت ولا لا
بس اذا كنت تعرف شخص من عمان ممكن تقوله هو يطرش لك
بس حاول ان اذا وصيت حد بانها ماطول في البريد
لان انا في مرة طرشت حق وحده فالكويت
بس للاسف تاخرت الاغراض لوحدة الكويت
فقالت لي البنت بان وحدةمن الحلوى انكسرت ملتها
والثانية اختربت
مع اني رسلتها فرش
وحاولت اخليها واغلفها بطريقة ماتكسر
بس ما تعرف العمال كيف يعاملوا الاغراض
بدفوشيه الله يهديهم
وان شاء الله الاخوان العمانية مابقصرون عندك

غ عمري لا
شكر الله لك
فيه حلوى اشتريتها
الكيلو = 30 ريال عماني
أخذت
2 كيلو = 60 ريال عماني
لكن بحق لم أذق مثلها قط
وان كان السعر مرتفع
أتمنى اخواننا في عمان
يرشدوننا الى معلومات أكثر

ماشاء الله
بس مب كأنها غاليه شوي
انا للاسف والله ما اتذكر بكم خذتها
واهلي دايما ياخذون للاعياد خاصة بس ما اعتقد ياخذونها ب هالقيمة للعمل انها تكون من النوع الزين
انت من وين خذتها بالضبط؟
ليكون نصبوا عليك بس عيال اللذين امنوا
فنفس الوقت ما ابا اظلمهم يمكن اكون انا غلطانه
وان شاء الله الاخوان اللي عندهم خبرة بفيدوك اكثر

نعم اختي
غالية نوعا ما
لكن ماذا نعمل
اذا كنتم لا ترشدوننا الى
اماكن بيعها
شكرا لك

بصراحة انا ما أعرف أي محل يبيع عن طريق النت
بس اللي أعرفه انه في مصنع فبركاء للحلوى العمانية
بالنسة لعايلتنا فنحن نشتري من محل حلوى اسمه المقبالي ...حلوتهم فظيعه

little lulu
ما قصرت يالغالي
في انتظارك وانتظار من يجود بالمعلومات

اخوي انت من وين
قول لي و كم كيلو تبغي و ان شاء الله تكون عندك و هذي من اخوك