ولا واحد رد علي ليش؟؟؟

febaa
وعندك ايضا فندق تاورز روتانا وقريب منه محطة المركز المالي
وايضا تشيلسي للأجنحة الفندقية قريب من محطة المركز المالي
وانا ارشح لك تاوز روتانا او الشيراتون فهم الأقرب
وبالنسبه للتنقل من المطار إلى الفندق
فإذا كنت مسافر عن طريق طيران الإمارات فيمكنك استخدام محطة المبنى 3
اما اذا كنت مسافر عن طريق طيران آخر فيجب عليك الذهاب إما إلى محطة الراشدية او محطة المبنى3
وبالنسبه للمترو فهو وسيله نقل رخيصه وتعتبر تجربة حلوه
ولا ننسى انه يحتوي على درجة ذهبية ومقطورة خاصة بالنساء والأطفال
مع ان البطاقات الذهبية وقفو بيعها
وتفاجأت امس انهم وقفوها
اما اذا كنت تبغي الخصوصية فما لك الا التكاسي او استإجار سياره
واذا كان معاك شنط كثيره فما انصحك بإستخدام المترو
وهذا الموقع الخاص بالمترو
http://www.mydubaimetro.com/en
وايضا اخوي فندق كمبنسكي مول الإمارات متصل بمحطة المترو
واي استفسار انا حاضر

مشكور اخوي على الرد
انا حجزت في فندق شانغريلا خلاص
بس بعرف شكثر تبعد محطة المترو عني مشي وياريت في خريطه؟
وشنو الاماكن القريبه يمي ؟

هلا فيك اخوي
تقريبا راح تستغرق 38 دقيقه مشيا على الاقدام
وطبعا هيئة الطرق والمواصلات اطلقت خدمة وجهتي
وهي اشبه ببرنامج لتخطيط رحلتك عبر وسائل النقل بدبي
من مترو وحافلات عامة وباصات مائية
ويعطيك كم دقيقه راح تمشي الخ
وانا سويت لك بحث عن اسهل الطرق للتوجه من فندق شانغريلا إلى محطة مترو المركز المالي
ويوجد خرائط توضح لك المسار
http://wojhati.rta.ae/dub/XSLT_TRIP_REQUEST2?language=ar&sessionID=JP-LIVE21353966109&requestID=3&command=nop&command=nop&itdLPxx_view=simple&itdLPxx_changeContext=true
واي استفسار انا حاضر

مشكور اخوي على ردك السريع
بس الموقع اللي حاطه مايبطل وياي ايرور بيج
8دقيقه عن المترو بعيد وايد يعني بقضيها تكاسي

febaa
العفو
وهذا واجبنا
جرب هذا الموقع واذا ما اشتغل ادخل على http://www.rta.ae
ومنه ادخل على وجهتي بتلاقي الرابط على اليسار تحت شوي
تحت خانة الخدمات الأكثر استخداما
http://wojhati.rta.ae/dub/XSLT_TRIP_REQUEST2?language=ar
والله يا اخوي شو اقولك خلها رياضة
بس اخوي شارع الشيخ زايد يونس يعني ما راح تحس الا وانت في المحطة
والقرار بالنهاية لك
ولك ايضا تستخدم حافلات النقل العام في دبي
ومن نفس الموقع بتطلع لك الخيارات
واذا اخترت انك تستخدم الحافلات راح تكون 10 دقايق بالباص او الحافله
ودقيقتين مشي
واي استفسار انا حاضر

شباب ايش هو الباص المائي

رار
الباص المائي
خدمة اطلقتها هيئة الطرق والمواصلات بدبي (دائرة النقل البحري)
لتسهيل التنقل بين ضفاف خور دبي
ويتميز الباص بإحتوائه على شاشات ونظام تكييف للهواء وكراسي مريحه
وله محطات محدده على ضفاف الخور
وهذا الموقع يوضح مشروع الباص المائي ومحطاته
http://www.rta.ae
ومنه إلى النقل البحري ومن النقل البحري إلى المشاريع وإلى المشاريع المكتملة وغلى مشروع الباص المائي

مشكورين شباب على ردودكم
بس وين تنصحوني اروح انا وزوجتي في دبي
المده بس يومين نغير جو
وودي اروح مول التايمز سكوير عشان ادش المقهى الثلجي
وابي اروح مول دبي عشان ادش الاكواريوم ... شرايكم
وابي اعرف اسعار المطاعم في فندق برج العرب
ودي اتغدا هناك واشوف الفندق من داخل
وسلامتكم