~ R o M e O ~
25-10-2022 - 12:24 am
بسم الله الرحمن الرحيم
انا الخميس الجاى رايح ان شاء الله اول مره اروح ببداية الصيف.
اوكلاند سيتي.
حروح عن طريق الخطوط الماليزية ما ادرى كيف الخطوط الماليزيه وهل هناك المطار حقهم صعب ولا سهل؟؟
انا اول رحت على السنقافوريه بس حمد الله ضبطت.
ثانيا الروحه الاولى كانت عن طريق مكتب وانلسعت فيه وهناك اكتشفت انى خبل. اكيد الكل عارف المكاتب ونصبهم.
فرحت 3 شهور وبعد ما خلصت سويت فيزا من هناك وخلصت ورجعت والحين ابغا ارجع ثانى وجوازى عليه فيزا ستيدنت ومخلصه ايش الاجراء الى حيسوه ليها؟؟
وكمان المطار هل راح يحطونى بمسار رقم واحداو1234 يعنى التفتيش ولا بيشوفوا الفيزا ويزحلقونى على طول
وهل ممنوعه السوائل فى الطياره يعنى عطور بس فى الشنطه الكبيره جل ادويه عطور الخ اشياء زي كذا
وبس شكرا لكم
والان اترككم مع صور لن تنساها العيون
سكاى تور
الحديقة الى بين المتحف وبين مستشفى اوكلاند مظيع اسمها
جهت الفيري والهيليتون
مافى امل اصحى فى السعوديه نفس الوقت هذا هذي مدري حديقه مدرى ايش قدام بيتي فى اسطبل خيول وهنا يلعبو ركبي عند كلية افون دايل. تخيلوا تصبحوا على منظر زي كذا يسلاام ادعولى اروح وارجع بسلامه
اتوفع الكل يعرفهاإلبيرت بارك.
يا جماعة احد رايح الخميس الى جاى؟؟ من جدة؟
كيف سعر الدولار النيوزلندى؟؟
اشترى شتوي ولا صيفي؟؟
إذا الشنطه فيها مكان زحلقنى فيها ..
الخطوط الماليزيه خدمتهم طيبه وكراسيهم مش واسعه بس طيبه..
وأحلى مافيها الأفلام كلها جديده ..
والمطار من دحين أقولك فيه قطار فى نص الصاله عشان ماتقعد تحوس وتدور عليه ويجى ويروح مرتين عليك ..
أول ماتخرج من الطياره على البوابه والبوابه تنزلك على ممر طويل شويه لنص الصاله
راح تلقى كل من كانوا بالطياره يستنوا القطار .. تركب القطار وينزلك على صالة الجوازات
وبعد ما تعدى الجوازات وتدخل على صالة الوصول تنزل بالمصعد للدور الأرضى
والدور الأرضى فى كاونترات إذا كان عندك ترانزيت وحجز بفندق تديهم الفاوتشر حق الفندق وهو يوصلك للباص حق الفندق عند بوابة المطار
ونصيحه قبل ماتركب القطار وإنتا نازل من الطياره قص الشى داك إلى يطلعك الطياره ( ناسى إسمو )
وإذا ماعندك حجز فندق وتبغى تقعد بالمطار لا تركب القطار .
وبالنسبه للسوائل أنا كنت شايلها معايا فى شنطه صغيره وطلعتها معايا بالطياره من جده لكوالالمبور
بس فى كوالالمبور وأنا طالع لأوكلاند فتشونى وأخذوا منى كريم ومعجون أسنان
لأن الكميه المسموحه 75مليلتر للعلبه أو العبوه الوحده .
والشنطه الكبيره لو تحط جالون مويه محد عندك
والفيزه مدرى والله .. بس ممكن تدخل بفيزة زائر وبعدين تحولها لفيزة دراسه من هناك ..
والمسارات شكلك راح تروح أحسن واحد أبو تفتيش من راسك لساسك ..
وبالنسبه للصور ..... الله يسامحك
وتوصل بالسلامه إنشالله ..