انتي من اهل الرياض ؟
اذا ايه روحي للبطحا وشوفي العمال
بتحسين انتس فالهند
طبعا الامان موجود لكن
فالليل لا تطلعون يكثر السكرانين وتسذا
الاكل فيه النظيف والخايس
بتشوفون ناس يبيعون اكل بالشارع
بربع ريال وفيه مطاعم كويسه
وسعرها متواضع وفيه غالي
الزبده لا تطلعون فالليل
الا يوم السبت والاحد
لان عندهم اجازه ف هاليومين
يمكن بتروحون ل ( بونا ) لاني
قد سمعت ان فيها جامعات للطب وكذا
وانا سبق وان رحت ل ( بنغلور ) وهي
على ما اظن في كارناتكا
جلست شهر دراسه والوضع لا بأس فيه
طبعآ النظافه اغسلي يدتس بفيري وكلوريكس
شعبهم اخر ما يفكر فيه النظافه
بتشوفين الزبايل اعزك الله فالشوارع متكدسه
لان ما عندهم بلدية
وترى اغلب السكن اللي في الهند
عباره عن مروحه وسرير
يعني لا تتآملين وتقولين بحصل مكيف وتسذا
المكيف بتحصلينه بس نادر ما تشوفينه
الا فالشركات والمحلات الفخمه وكذلك البيوت الراقية
جيبي لحافتس ومخدتس معتس
انا قلت هالكلام لاني لما جيت اروح
حسيت انها اوروبا وانصدمت باللي شفته
لكن مع الايام تعودت ع الوضع
الدوله من ناحية الرخص فهي رخيصه
وبإذن الله لي عوده للهند كسياحه موب دراسه
وبالتووفيقس