غريبة ليه يقولولك تعال بعد اسبوع لو تقدر تجي جده تعال وشوف السفارة وان شاءالله مايردوك
اهم شئ لمن تجي تكون اوراقك كاملة عشان ماتظطر ترجع ثاني
وفيه مكاتب قدام السفارة يساعدونك في استخراج الفيزا لو تحب
تحياتي

JAKALL
انا سالت الموظف في السفارة قال حالياً موقفين الفيزا للفلبين
قلت له ليش قال الحكومة ما تبغى تدخل احد الفلبين في الوقت الحالي !!
وقال لي تعال يوم 7 بس مو اكيد نستقبل طلبك
اصلا نظامهم غريب ما يدخلوك السفارة وموظفين السفارة كلهم واقفين خارج السفارة
وانا اوراقي كلها كاملة خطاب من العمل وتاشيرة خروج وعودة وحجز طيران وفندق .. الخ
لكن حتى ما يطالعوا في الاوراق
انا اتوقع الموضوع له علاقة بفضيحة ( الجنس مقابل السفر ) الي صارت في سفارة الفلبين بالرياض
ابحث عنها في قوقل

اعتقد الموضوع ماله علاقة بالفيزا خصوصا موضوع الجنس مقابل السفر المشكلة انه توقيتك كان ضمن فترة التصحيح الحاصلة في الفتره هاذي
والاولويه كانت استخراج جوازات للفلبينيين اولا ومن ثم النظر في المعاملات الاخرى
لكن هذا مايمنع انك تقدم طلبك في ظل فترة التصحيح حتى لو ما استقبلوا طلبك انته
لمن توصل السفارة الفلبينيه بجده راح تحصل مكاتب قدام السفارة تقدر تروح تقدم طلبك عندهم وهما يعاملوها عنك
تحياتي

الحمد لله اليوم استلمت الفيزا
مكتوب فيها
stay not to exceed 30 days
لو حابب اجلس اكثر من 30 يوم ايش اسوي

تقدر تروح مكت الفيز في مانيلا ويمددوها لك حسب رغبتك
طبعا المكتب يكون متواجد في المطار اما الفروع الاخرى الله واعلم
والمطار ماهو بعيد عن وسط المدينه في حالة انك تبغى تمدد
والف مبروك ع الفيزا (لو كانت زيارتك للفلبين اكثر من مرا في السنه تقدر تسوي ملتي فيزا يعني تقدر تسافر اكثر من مرا بدون الرجوع للسفارة )
تحياتي

السلام عليكم
بنسبه للفيزه مثل ما تفضل مميزنا JAKALL عندك خيارين
الاول: من المطار فيه مكتب قبل الجوازات على يدك اليسار(visa on arrival) يعطونك 59 يوم مقابل 3000 بيسو تقريبا يلزمك عمله فلبينيه بيسو لايقبلون غير البيسو
الثانى
ب :وتستطيع اخذها من مكتب الهجره في مانيلا أذا كنت هناك

• العنوان مكتب الهجره في مانيلا:

Bureau of Immigration
METRO MANILA
MAIN OFFICE
Bureau of Immigration Building
Magallanes Drive Intramuros, Manila 1002
Tel. No.: 527-3260 | 527-3248

• فرع مكاتي

Makati (BOI) Extension Office
(ACO) Atty. Estanislao R. Canta
Board of Investment Building
Sen. Gil Puyat Ave. , Makati City,
Tel. No.: 899-3831

• فرع بساي ستي في مانيلا

PEZA Extension Office
Philippine Economic Zone Authority Building - Roxas blvd., Pasay City
فيه فنادق يسونها لك مقابل عموله
بتوفيق

JAKALL
الله يبارك فيك
انا ما اعرف ايش نظامهم في السفارة
انا كتبت في نموذج الفيزا اني محتاج فيزا 3 شهور لكن اعطوني شهر واحد فقط
يا ريت لو اقدر اخذ ملتي فيزا

*الفارس*
ما تعرف يالغالي وين امكانهم في سيبو
لان انا ما راح اوقف في مانيلا الطيارة بتنزل في سيبو
انا حاجز على خطوط كاثي باسفيك
الرياض - هونج كونج
هونج كونج - سيبو
وهل هي شاملة الفيزا الي ماخذها من السفارة
او خاصة فقط للفيزا 21 يوم الي تاخذها من المطار

عن أذن الفارس بجاوبك انته طالما نزلت في مطار سيبو راح تحصل مكتب الفيز هناك برضو لانها متواجده في كل مطار دولي في البلد
لمن توصل بالسلامة وتخلص اجراءات الدخول للبلد روح واسال اي موظف وقله ابغى امدد الفيزا تبعي لانه 21 يوم احتمال ماتكفيني
واحتمال كبير يقولك ليه ماسويتها من القنصليه في بلدك طالما انك عارف انك راح تجلس مده طويلة
لذلك انصحك قبل ماتخلص الفيزا ب 10 ايام تروح تسويها عشان تتفادى اي تفكير او اي معوقات للموضوع
وانته تفهمهم انه 21 ماكفتني اخلص كل شئ وماراح يرفضون اكيد
تحياتي