السلام عليكم و رحمه الله و بركاته,
انا طالبه بحرينيه, وابي ادرس طب اسنان وقلت اسألكم , على امل انكم تساعدوني لأني محتاره وايد.
انا اول شي عزمت ادرس في المانيا لأن الدراسه شبه مجانيه, لكن سمعت ان تكاليف المعيشه هناك كثير غاليه,
ولا اعرف جامعه تكون بشرق المانيا و مكانها رخيص
انا ماعمري رحت المانيا ولا اعرف مناطقها اذا تقدرون تساعدوني فقط بأسامي الجامعات الموثوقه في المناطق الرخيصه
او حتى مناطق بعيده عن المدن بس تكون قريبه من مترو او محطه باص
وسمعت عن الصين بعد, لكن العائق الوحيد ان لازم ادرس لغه, واحس اللغه الصينيه وايد صعبه علي و سمعت ان خريجي الصين ما يلاقون فرص للعمل كثر خريجي بريطانيا و امريكا!!
و عندي اهل في كندا/تورونتو يعني بالنسبه لمكان السكن ضامنته 100% و ماراح احاتي هالموضوع. بس ابغي جامعه لطب الاسنان تكون رخيصه في هالمنطقه
بحثت و سمعت عن بولندا انها رخيصه وخصوصا مدينه وارسو بس الجامعات كأنها غاليه؟!
و بعد سمعت عن المجر انها رخيصه و طرشت لجامعه University of Debrecen ايميل بخصوص الرسوم الجامعيه و السكن لكن للحين ماحصلت رد منهم
و سمعت عن النرويج ان المكان رخيص ومافيها رسوم جامعيه لكن لازم تتعلم اللغه و اللغه ما يتكلمها إلا كم مليون في العالم كله!!
انا تقريبا طرشت 20 ايميل لعده جامعات و للحين ضايعه!!!
بغيت منكم لاهنتو تساعدوني بحكم خبره كل واحد في منطقه دراسته, ابغي جامعه تكون رخيصه لطب الاسنان و بنفس الوقت العيشه رخيصه و الاكل رخيص و يفضل ان السكن يكون طوال سنوات الدراسه في سكن الجامعه اذا ممكن؟
ولكم مني جزيل الشكر