اتوقع انه موجود والحليب بالدول الاوروبيه دايم هو الافضل مامنهم خوف
لكن عزيزتي اذا طفلك متعود على هالنوع بالذات ليه ماتاخذين معك علبتين اضمن لك

الافضل انك تاخذين معاك علشان ما تتلعوزين

ما اعتقد ان النوفولاك بتحصلينه في سويسرا خاصة انه عليه بالأصل مشاكل قديمة
الأفضل اذا ابنك تعود عليه الله يعينك تاخذين معكي
انا رايي انك تاخذين حق اول اسبوع وفي هذه الفترة تعطينه من اللي موجود هناك ومتوفر في الصيديلات
اللي موجود هناك وخاصة نستله ممتاز لدرجة انهم ما يجيبونه هنا عندنا
وبيني وبينك كنت اجيب لصغاري من هناك خاصة انها تجي على شكل عبوات يومية
بمجرد قتحها ترمين الكيس اللي فيها
طبعا السعر ضعف سعر الحليب اللي عندنا
اذا مدتكم قصيرة اشحني كامل الكمية معكي
والله أعلم

أنا الصيف اللي فات اخذت كميه معي لتوأمي تكفي المده
لأنه اللي خفت منه اننا ما نعرف من وين نشتريه
وبنجلس ندور ونحوس وخاصة اننا بنتنقل لأكثر من مدينة
فقلت عن البهذله ناخذ اللي يكفينا ..
والله يعينك

الله يعطيكم العافيه جميعا
انا راح اخذ على كلامكم وناخذ من هنا احسن والله يعين على الوزن الزايد
لاكن ياابو عزيز ايش المشاكل الي صارت على الحليب ؟؟؟؟
مشاكل في نوع الحليب نفسه ولا في الشركه
ياليت اذا باقي مريت على موضوع تجاوبني
شاكر لكم تعاونكم

مر علي مقال ذكروا فيه ان هذه النوعية من الحليب مشتبه فيها وجود الميلاماين
http://iskconklang.wordpress.com/2008/09/27/milk-and-dairy-products-suspected-of-having-melamine/
وكذلك قرات في احد مواضيع رويتر عن اشتباه وجود السالمونيلا في منتجات نفس الشركة
http://www.alertnet.org/thenews/newsdesk/LN580769.htm
وايضا نفس التحذير في السعودية
http://www.sfda.gov.sa/En/Home/News/homenews26-9-2008e1.htm
وبالرجوع لزوجتي نصحت بأخذ رايي طبيب الأطفال وليس الصيدلي في مثل هذه الحالات
هذا كل مافي الموضوع

افا يابو عزيز كل هذا في الحليب والله شي يروع صراحه
والله شكلي بغيره مافيه كلام
مع ان الطبيب ماعلق على الموضوع ابدا لما قلنا له عن نوع الحليب
وبعض الاهل يقولون ان الاطباء يمدحونه
بس زي ماقالو ابعد عن الشر وغني له

اختي برايي نيدو افضل وهو من نستله

الحلم الجميل
اختي فعلا نوفالاك حذروا منه من فترة ياليت تغيرينه وتخليك على الشركات المعروفه افضل اذا البيبي اقل من سنه والواضح من رقم2 انه عمرة اكبر من سته شهور واقل من سنه خذي له من هنا كمية حليب مناسبه للفترة