السلام عليكم ..
اخباركم ي شبااب المسافرون
والله ي ان المنتدى يفك ازمات بعد .. الله يديمه .. والمفروض ان دولتنا تدعمه من ميزانيتها هالسنه
استفساراتي هي ي جماعه :
انا مخطط ان سفرتي تكون كذا
9- 4 - 2010 فيينا
4- 4 زيلامسي
0- 4 ميونخ
- هل تنصحوني بزيارة سلاسبورق .. يومين قبل ما اروح لميونخ بحيث تكون الرحله مدتها 14 يوم مثلا !؟
مع العلم ان الرحله .. شهر عسل ان شاءالله
- القطارات بين هذي المدن .. وش طريقتها .. هل هي مسار واحد ما اغير القطار الا بوقت الوصول .. ومن وين احجز تذاكره .. وهي هي فئات في التذاكر !؟..
وهل لازم احجز قبل بوقت للقطار بين كل مدينه والثانيه !؟..
مع عفش .. هل احصل له مكان في القطار ولا كيف !؟..
ميونخ .. هل يوجد لها قطار مباشر من زيلامسي او سلاسبورق .. وكم تستغرق من وقت !؟..
يعطيكم العافيه مقدما على رحابة صدوركم وتجاوبكم على المواضيع المطروحه هنا بالاستفسارات ..
اولا :: يا مرحبا فيك معانا وان شاء الله ما نقصر
ثانيا :: توقيت السفر اشوف الافضل لك تأخره شهر افضل من جميع النواحي وخصوصا الاجواء والسياحه
ثالثا المخطط جيد تبدأ بفينا 4 ايام ثم زيلامسي 5 ايام وسالزيورخ يومين و3 ايام ميونخ للتسوق وزيارة الاماكن القريبه.
رابعا .. لو اتبعت المخطط الي فوق من فينا الى زيلامسي بالقطار 4 ساعات وتغير القطار بسالزبورخ ثم من زيلامسي الى سالزبورخ قطار مباشر وكذاللك من سالزبورخ الى قلب ميونخ والمحطه الرئيسيه بقطار مباشر
خامسا : بالنسبه لحجوزات القطارات الافضل قبلها بيوم وحتى تكون مهمتك سهله اسكن بفنادق قريبه من المحطات الرئيسيه
سادسا : بالنسبه للعفش حاول يكون خفيف قدر الامكان ويوجد مكان مخصص للعفش او تقدر اتشيله معاك بجانبك
وانصحك بالشنط ذات التواير حتى تكون سهله بالسحب وعند النزول من اي محطه ويكون فندقك قريب يفضل تأخذ تاكسي وما راح يكون مكلف عليك لانه المسافه قريبه
سابعا : المسافات من فينا الى زيلامسي 4 ساعات ومن زيلامسي الى سالزبورخ ساعه وربع ومن سالزبورخ الى ميونخ ساعه وثلث تقريبا
ثامنا : اي استفسار احنا تحت امرك