adel_dxb
08-11-2022 - 10:41 am
السلام عليكم
حبيت استفسر عن موضوع تأجير السيارات في امريكا
اذا خذنا السيارة من مكتب تأجير و نبا انلف فيها اكثر من ولايه ،، هل يجب علينا ان نرجع لنفس الولاية اللي كنا فيها لكي نرجع السيارة ام المكاتب موجوده غالبا فكل ولاية ؟
و شو أحسن و أرخص شركة تأجير سيارات ؟ و هل هناك ضرائب لازم ندفعها ،، ؟؟
و بالنسبه لبوابات الدفع في الطريق ،، هل هي موجوده في امريكا ؟ وشو الاجراءات لو مرينا خلالها ؟
وهل الوقود غالي هناك ؟؟
بالنسبة لرخصه القيادة ،، لازم رخصه دوليه أم رخصه القيادة العادية تكفي ؟؟
واسف على كثرة الاسئلة ،، بس لازم الواحد يطمن قبل مايسير ،،
وشكرا
اغلب الشركات ممكن انكم تاخذوها في ولاية وترجعوها في ولاية ثانية ,, لكن اهم شي الفرع الي ترجعوه فيه !!
وعلييها رسوم للترجيع في ولاية ثانية لاكن مو كثير !!
الشركات كثيرة منها Avis Budjet والكثير اهم شي تاخذوا السعر بعد رسوم التاكس وخذوا تأمين شامل احسلكم !!
بوابات الدفع موجودة في امريكا لاكن مو في كل الولايات مثال فلوريدا فيها وكاليفورنيا مافيها !!
البنزين طبعاً اغلى من الخليج ويختلف على حسب الولاية والمدينة وحتى المحطة !!
متوسط الجالون لامريكا 2.6$
الجالون الامريكي = 3.8 لتر تقريباً
اغلب الولايات مقبلوة لديهم رخص القيادة المترجمة للانقليزية !!
لكن افضل انكم تاخذوا رخصة دولية معها ولا تنسوا رخصة بلدكم لانهم ممكن يطلبوها حتى لو انها مو مترجمة !!
اتمنى لكم التوفيق