السلام عليكم ورحمة الله وبركاته
اولا حابة اهنئكم مقدما بمناسبة قدوم العيد الاضحى المبارك .
ثانيا : حابة استشير مشرفين بوابة ايطاليا وبعد كل من عنده خبرة بايطاليا - برشلونة - النمسا
ببرنامجي المبدئي اللي حطيته لاوروبا ولمدة 10 ليالي
وخصوصا اني ما عندي خبرة ابدا لاني ما سبق رحت لهل الدول .
البرنامج كالاتي:
البحرين – روما عن طريق الخطوط الجوية التركية (ليلتين)
الفندق: فندق Hotel Medici، ذو ال 3 نجوم
روما – البندقية (فينيسيا) عن طريق الخطوط الايطالية Alitalia (ليلة)
الفندق: Bauer Hotel
البندقية – برشلونة عن طريق خطوط easy Jet (3 ليال)
الفندق: Gran Hotel Torre Catalunya
4 نجوم
برشلونة – فيينا عن طريق خطوط easy Jet (2 ليال)
الفندق: NH Atterseehaus Suites
فيينا – زيلامسي عن طريق القطار (2 ليال)
الفندق: Grand hotel
والرجوع من زيلامسي لفيينا ومن فيينا للبحرين
شرايكم بالفنادق اللي حطيتها اذا فيه فنادق افضل وارخص يا ريت تدلوني عليها
نفس الشي بالنسبة للطيران ما بين الدول الاوروبية هل اختار ايزي جت ولا طريقة نقل ثانية ؟؟ وشلون اقدر احجز عليها ؟؟ خصوصا اني ما عندي بطاقة فيزا.
بالنسبة لاختياري للمدن والدول اذا عندكم اقتراح ممكن اقدر اغير الجدول اضيف او احذف . انا ابي جدول خلال 10 ايام واهم شي بالبرنامج فينيسيا وبرشلونة . كنت بختار باريس بس حسيت النمسا احلى وسويسرا غالية .
انتظر اقتراحاتكم وخبراتكم ومشكورين والله يعطيكم الف عافية .