جميع الشركات العالمية لا تقبل إلا بوجود بطاقة ائتمانية، أما باقي الشركات فقد يشترطون عليك تأمين مبلغ مالي

سعود بن محمد
يعطيك العافية
طيب تعرف احد المكاتب يتعامل بمبلغ تأمين؟؟

هناك العديد من المكاتب قرب دوار الساعة، و أرقامهم موجود في أحد المواضيع المثبتة، و للتذكير فإنهم يشترطون حجز مبلغ التأمين لمدة اسبوع بعد تسليم السيارة للتأكد من عدم وجود مخالفات.

اخي العزيز .
أستئجار السياره لا تحتاج الى بطاقه ائتمانيه تستطيع ان تستأجر السياره من مكاتب تأجير السيارات . ومن
خلال تجاربي السابقه تدفع تأمين يتراوح من 500 الى 1500 درهم تسترجع بعد ارجاعك للسياره بشرط
عدم وجود مخالفات عليك . بعض المكاتب يحجز جوازك عنده واذا رجعت السياره يرجعه لك وأيضاً تدفع تأمين لين يتأكد ان ما عليك مخالفات
طبعاً تشييك المخالفات ستستغرق من يومين الى ثلاثه ايام واذا انت مستعجل وتبي تغادر الى ديرتك يقولك صاحب المكتب عطني رقم احسابك في ديرتك وأحولك التأمين بعد ما اتأكد ان ما عليك مخالفات .
اذا تبي نصيحتي انك لا تعادر الا وانت ماخذ تأمينك . وانتبه اذا استأجرت سياره انك تفحص الهيكل الخارجي للسياره (البدي) قبل لا توقع على الاستلام يمكن فيها حادث او صدمه وصاحب المكتب ما يدري عنها او انه يدري بس يبي الفقها فيك . وأيضا اتفق مع صاحب المكتب على عدد الكيلوات المجانيه وهذي عاد انت وشطارتك حاول انك تستفسر في اكثر من مكتب .
بالنسبه للسؤال الثاني :
الأفضل انك تحول العمله للدرهم الاماراتي لأن المحلات والفنادق ياخذون فائده كثيره على تحويل العمله
فالأحسن انك تروح لمحلات الصرافه وهي موجوده بكثره في وسط دبي منطقة ديره وأيضا في المجمعات
ويختلف الصرف من مصرف لآخر .والفرق بين الريال والدرهم فرق بسيط جداً .
بالنسبه للفنادق :
يوجد فنادق كثيره في دبي والشارقه للعوائل وبأسعار مناسبه ورخيصه في هذا الوقت مقارنتاً بأسعارها في السنوات الماضيه .
اذا اردت انا تأخذ فكره على الاسعار ادخل على موقع فندق . كوم او موقع عرب لينك .
وسفره سعيده اخي الكريم

اخوي انا احجيك من دبي بشارع زايد روح على الشرتون وايد حلو ومافيه زحمه وكل المولات قريبه منه يعني ماتطلع عليك بتكسي 30 درهم وعلى فكره كل مولات دبي توجهة على شارع زايد ويسمونه المركز التجاري
https://artravelers.com/p/re/262022
دق على عرب لينك وراح يوصفولك كل الطرق

سعود بن محمد
يعطيك العافية اخوي سعود وماقصرت والله يوفقك

المهاجر 2009
بيض الله وجهك يالمهاجر وماقصرت على المعلومات القيمة والله يسعدك

ولد_الكويت
يعطيك العافية يالغالي بس انا حجزت على الشارقة إذا كانك تخبر شي زين وسعره مناسب ياليت تفيدنا

فندق
Sharjah Carlton Hotel
أربع نجوم
http://static.booking.com/images/hotel/max300/133/1332807.jpg" >
غرفة مطلّة على البحر بسعر 315 درهم شامل الإفطار + 15 ضرائب ..
Holiday Inn Sharjah
أربع نجوم
http://static.booking.com/images/hotel/max300/126/1269587.gif" >
غرفة دبل 330 درهم غير شامل الإفطار + 20 % ضرائب ..
Coral Beach Resort Sharjah
أربع نجوم
http://static.booking.com/images/hotel/max300/165/1659486.jpg" >
غرفة دبل مطلّة على البحر 500 درهم شامل الضرائب ..
فندق Lou'lou'a Beach Resort Sharjah
http://static.booking.com/images/hotel/max300/948/948627.jpg" >
ثلاث نجوم ..
غرفة دبل مطلة على البحر 340 شامل الإفطار و الضرائب ..
وهناك عرض من عرب لينك على أحد فنادق الشارفة استفسر منهم ..