اي نعم ايصير الشنقن حق كل معظم الدول الاوروبيه بس تاكيد انه اتكون multi entry

الف شكر اخوي ra3yalbora
انا مثلك سمعت هالشي بس اللي فهمته من الاعضاء ان السفارات مشددين هاليومين فحاب اتأكد من شخص عمل هالشي في هذي الفتره ومشت اموره عادي ...
وشكرا

اخوويالمسافر777
انه توني مطلع فيزا من السفاره الايطاليه واول شي بروح برشلونه وتالي ايطاليا وفرنسا.. عن طريق كروز من برشلونه
انت وين رحلتك بالضبط؟؟ وكم يوم راح تقعد؟
بالنسبه للبحرين ماعندنه سفاره اسبانيه بس السفاره الفرنسيه مسؤوله عن شنقن اسبانيا ,, العام الي فات رحت نفس الرحله وطلعت الفيزه من الفرنسيه .. السنه اهلي بروحون نفس الرحله والفرنسيه مارظوو اطلعونهه رحت الايطاليه والامور مشيت تمام
بس خل اوراقك كامله ومدفوعه وارفق الارصده لانه امشددين شوي .. ماخبي عليك انهم قالولي هالكلام ورحت دفعت ورجعت بالارصده الطيران والفندق ولازم اكون اسم كل مسافر موجود سواء بالرصيد والفندق والتذكره طبعا
تحياتي

هلا اخوي ra3yalbora
انا انشالله تاريخ السفره 24 سيبتمبر والعوده 9 اوكتوبر والرحله راح تكون مدريد - برشلونه والعوده من باريس ... بصراحه السالفه مشغله بالي شوي لان انا رايح انشالله شهر عسل ومابي يخترب علي شي بس انت بكلامك ريحتني شوي
مشكور

المسافر777
اي وقت ياخوي المسافر
طول ما انت رايح اسبانيا فالاول روح السفاره الاسبانيه وتاكد انك تطلب multi entrey عشان تقدر تدخل وتدخل اي دوله ثانيه
عندي نصيحه لك ... اذا انت رايح مدريد لازم تحظر مباراه وصدقني ماراح تنسى هالشي والمره راح تستانس حتى لو ماتحب ..
قولي شلون راح ترتب السفره؟؟ وين راح تسكن ؟؟ شنو برنامجك؟ وعلى اي طيران قررت؟

اهلين مره ثانيه
امس كنت في المكتب السياحي واستفسرت من الشخص المسؤول عن الفيز في المكتب وبصراحه بديت اقتنع بكلامه لسببين ...
السبب الاول : هو المكتب راح يرسل التذاكر وحجز السكن للسفره تبعي يعني لاسبانيا وفرنسا وراح تصدر لي فيزا عليها من السفاره المعنيه ولو فيها اي اشكال اكيد السفارات راح ترفض الطلب .
السبب الثاني : ان خلاني اشوف اوراق لشخص ثاني صار له مسافر من اسبوعين وبفيزا ايطاليا ورايح سويسرا وفرنسا .
وعلى ترتيب الرحله انشالله راح تكون ... 3 ليالي مدريد + 6 ليالي برشلونه + 5 ليالي باريس مع امكانيه التغير البسيط وانشالله الرحله على طيران السعوديه بسعر مغري جدا ... وعلى الفنادق للحين مافيه شي معين بس تقريبا لقيت اكثر من فندق في كل مدينه وراح نقرر في الفتره الجايه خصوصا ان عندي متسع من الوقت مثل مايقولون ... واذا تنصحني بفنادق وتكون بين ال600 الى 800 ريال او اكثر بشوي لاتبخل علينا فيها ...
وبالنسبه لنصيحتك تراني مجنون كوره بشكل ماتتصوره ومدريدي متعصب :8888: بس زوجتي برشلونيه ومتعصبه :112: وتراني مرتب الرحله عشان اذا فيه مباراه في وقت ماراح نكون موجودين في مدريد وبرشلونه راح نحضرها
سلام

هلا اخوي لمسافر
بالنسبه لي العام الي فات في شهر العسل هذا كان برنامجي واستفساراتي والرد من الشاب واليل و النهار https://artravelers.com/p/re/199015
وهذي مواضيح راح تهمك فالسياحه في كل من مدريد وبرشلونه نقلا عن المراقبين والي استفدت منهه كثير
https://artravelers.com/p/re/43812
اما بالنسبه للفنادق في مدريد سكنت في الهوليدي ان 4 * وكان نظيف والخدمه ممتازه والبوفيه ممتاز والسعر رخيص صراحه حصلته حوالي 500 ريال ذاك الوقت
وبرشلونه سكنت في الرويال رامبلاس4*
موقعه جيد الخدمه تعبانه
http://www.royalramblashotel.com/en/home/
السنه انشالله راح اروح برشلونه وراح اسكن في ماجستك 5* حصلته 650 ريال مع الفطور عن طريق الموقع الرسمي . انصحك فيه لانه سعره جيد وناصحيني فيه
http://www.hotelmajestic.es/