alix
14-12-2022 - 04:34 am
مرحبا
كيفكم جميعا
ابغى استفسر عن رايكم بالطيران العماني من حيث المقاعد والمواعيد
وعن الوزن المطلوب للحقائب
وابي اماكن حلوه لمسقط
لاني بنزل فيها ترانزيت من تايلاند
بجلس بمسقط 8 ساعات
ابغى مكان واحد معين شعبي او فخم انزل اتمشى فيه انا وزوجي ..
ومشكورين مقدما
بالنسبه للطيران العماني اروع ما يكون , خاصة اسطولهم الجديد البوينج , دقه في المواعيد , الكراسي واسعه , ومن غير نظام الترفيه اكثر من رائع ...
اما الوزن ممكن تشوفي على موقع الطيران العماني http://www.omanair.com
انصحك بزيارة في 8 ساعات ترانزيت :
منطقة شاطيء القرم :
(1) منطقه الواحه عند فندق الانتركونتيننتال - كلها مقاهي فيها جلسات داخلية وخارجيه عالشاطيء - مطاعم راقيه - مطاعم وجبات سريعه - محل الايس كريم - ممشى عالشاطيء
(2) شارع الشاطيء المعروف ( شارع الحب ) روعه , فيها مطاعم وكافيهات راقية لها جلسات خارجية وداخلية على ممشى الشاطيء ..
وعندك بعد سوق وكورنيش مطرح العريق + قصر العلم ( قصر السلطان قابوس ) تتمشوا حولين القصر , في سوق مطرح بتلاقي منتجات الحرف اليدويه كالحلي من الفضه والذهب والخناجر ....الخ يستحق الزيارة
اي استفسار حاضرين