اخوي ماجد .. بنصحك نصيحة .. ما ابي منها إلا دعوه بظهر الغيب في رحاب بيت الله الحرام للشيخ جابر الأحمد الغالي بالرحمه والمغفره ، ولي بالتوفيق
الكامري واليارس والأوريون الكويتية هي تماماً مطابقة لما هو موجود بالسوق السعودي ، وكيل تويوتا بالكويت ( الساير ) يتميز بجيوب برادو ذات الأربع أبواب وال بابين .. البابين مايستورده عبداللطيف جميل وكيل تويوتا بالسعودية وذلك فهو نادر جداً بالسعودية واعتقد لو تخصصت فيه بيجيب لك سعر رائع ومكسب كبير ، عوضاًُ على مواصفات البرادو بالكويت المتفاوته من الستاندر ابو صدامات سوداء لين الفل الكامل وهو الأكثر فخامة من البرادو اللي بالسعودية .. فنصيحتي لك تتخصص بالبرادو وبأذن الله بتكسب والله يفتح لك ابواب الرزق الحلال .. والشحن انصحك تشحنها من منفذ الرقعي لانه اقرب لمكة المكرمة والغربية من منفذ النويصيب ، وبالنسبة للجمارك حتى السيارات الجديدة ياخذون عليها تقريباً 5 % من إجمالي قيمة السيارة وانحصك بإحضار فواتير الشراء الأصلية لتفادي تسعيرة الجمارك .. اي اسئلة مهما كانت انا حاضر وتقبل تحياتي

أحبك يا كويت
الله يرحم الشيخ جابر الاحمد ويدخلة جنات الفردوس يارب
ياهلا وغلا بك يالغالى
يالغالى ابى اعرف السوق عندكم بالكويت اسعار السيارات رخيصة او لا مثل السوق السعودى والاماراتى غالى ؟؟؟
ثانى شى يالغالى سياراة البرادو عندكم كم سعرة بالسعودى ؟؟؟
وكم سعر اليارس والكامرى والكورلا 2008 او 2009 لو تقدر تقلى اسعارهم ؟؟؟
والله يجزاك الخير يالغالى عسى ربى مايحرمك من الجنة ياخوى
منتظر ردك
تحيتى

ماقصر أخوي العزيز علي القلب أحبك ياكويت
وهذا الموقع عن أسعار السيارات (الحراج) في الكويت يمكن ينفعك
حراج السيارات http://www.hrajcar.com/Default.aspx

الاخ احبك يا كويت حقيقه مفخره لنا وجود هذا الانسان الوفى بينا حقيقه مفخره لنا

اخي الكريم ماجد الجابرى .. اللهم آمين .. جزاك الله خير المعذرة على التأخير ياعزيزي لا علم لي بأسعار السيارات بالكويت لأني خارجها .. لكن تأكد بأن سعر السيارة المفرق غير عن الجملة ، وحسب مافهمته من موضوعك انك سوف تبدأ بالتجارة بالجملة .. مما يعني اقل عدد هو 6 سيارات للموديل الواحد .. وسعر الجملة دائماً يكون اقل من سعر المفرق .. فنصيحتي لك تحاول البحث عن تجار السيارات الجملة بالكويت تجد اغلبهم بمعارض منطقة الري ، اغلب التجار المصدرين من الكويت يشترون من هناك خصوصاً التجار العراقيين الذين يشترون السيارات بالناقلات ويشحنونها لبيعها بالعراق وبعض تجارنا ممن يتخصصون بالسيارات الكويتية وهم قله ، فالأغلب يتخصص بالسيارات الواردة من البريمي ( سلطنة عمان ) خصوصاً الجيوب لاندكروزر والكورولا الفل كامل والشاص .
فيه ملحوظة بسيطة وهي ان الكامري قليلة بالكويت ، اكثر شيء الأوريون .. لذلك انصحك تتخصص بالكورولا الفل كامل ، والأوريون ، والبرادو بنوعيه الستاندر ابو صدامات سوداء والفل كامل ( باببين أو 4 أبواب ) وبإذن الله بتكسب خصوصاً أن التويوتا مرغوب بالغربية والستاندر بيكون رخيص مقارنه بأسعار عبداللطيف جميل فبينوخذ منك بكل سهولة ويسر بإذن الله والفل الكامل منه ايضاً مواصفاته تختلف عن السعودي والله يفتح لك ابواب الرزق الحلال ، تحياتي لك وللجميع

@المهاجر@
اخو قلبي ياهلا والله وغلا بأبو الوجه الصبوحي .. وينك يالغالي عساك بخير ؟
شاكر ومقدر لك الموقع الجميل ( تراني استفدت منه وباجر بصير شريطي بتشوفني معاي سبحه والمكسر اطول من الثوب .. وبتقعد لك .. إلا بشتري موترك ، لا بعد اجي للبيت والدفع قبل النقل

كويتي2009
الله يحييك اخوي كويتي2009 ، والعفو يالغالي ، جابرنا يستاهل كل محبة وتقدير ، والفخر لي اولاً واخيراً بكم وبالكويت وبجابرنا الغالي عسى الفردوس الأعلى داره .. تحياتي لك مره اخرى

أحبك يا كويت
أنا الحمدالله بخير والله دايما أفرح لما أشوف مشاركتك وأدش علي طول ياملح المنتدي
بالنسبه للوظيفه الجديده ههه والله ينخاف منك يااحبك ياكويت راح تسحرنا بكلامك الحلو وراح نشتري عمياني أما سالفه المكسر عز الله أنك صاج جبتها مضبوط ذكرتني بسوق الحراج بعض المرات أنروح عشان أنتطمش خاصه علي الشريطيه
تقبل تحياتي ونبيك دايما متواصل ومنور المنتدي الغالي

@المهاجر@
يعله دوم بخير وفرح إن شاء الله يالغالي .. :8888::8888::8888::8888:
والله شوف عاد انت اخو قلبي عاد مقدر اغشك عاد لا هني الضمير يسوي نقطة نظام ويستجوبني ويمكن تنطرح الثقة :8888:
الله يكافينا شرهم بعض الدلالوه .. لي بغى يشتري حط النون ومايعلمون بالسيارة ، الدعامية مصبوغه اكيد داش فيها شبه ، لا البيبان فيها حداده إلا يكسر الموتر كسر ، ولي بغيت تشتري منه شعارهم حط لها دهن وبانزين ودق سلف وامش :8888::8888::8888:
وتلقى السيارة مقلوبة :bounce8:
اللي يضحك صدق الدلالوه اللي بالميكرفون .. اسمع واضحك الواحد منهم كنه معلق رياضي بهجمة بأخر شوط بين القادسية والعربي:8888: :8888: