البرنامج بيكون بشكل مبدئي :
ليالي بسراييفو بمنطقة الأليجا
تطلع لترافنيك والمبيت بالجبال بجوار ترافنيك لمدة ليلتين اسمها ولاشيتش
ليالي بيهاتش
ليلة يايتس بفندق البحيرة
كوينتس فندق قاردن سيتي ومنها تطلع لموستار ونبع الجبل وشلالات كرافيتسا
والبقية في سراييفو بأي فندق بالسنتر قريب من شارع فارهديا
الفلا حلوه ورخيصة وانت تطبخ في منطقة الاليجا واذا ما حجزتها من بدري بتروح عليك افضل الاماكن .. ولكن اكثر اللي يسكن فيها بيكون مستأجر سيارة لأن اكثرها ليس بجوارها ترام او تكاسي ..
يعني اتوقع ألف ريال في الليلة يكون مقارب بالصرف لكم .. وهذا يعتمد على كم غرفة تريدوا وعدد تنقلاتكم وحجم السيارة وغيرها .. عموما البلد ارخص من كل الاماكن التي رحت لها في شرق اسيا او تركيا او اوروبا بكثير ..
اذا بتسكن بفيلا ممكن تاخذ اغراض الطبخ .. لكن نصيحة افضل جبن وافضل لحم وافضل بيتزا وافضل طعام تجده بالبوسنة وراح تجربه وافضل بألف مرة من المطاعم التركية .. واما السوبرماركات فهي بكل مكان .. والافطار اذا مو بالفندق عندهم المعجنات الطازجة المحشية بالجبنة او الشوكولاته او الفراولة او غيرها طازجة وحارة .. عموما لا تفكر بالأكل راح تنبشم ورخيص جدا
شوف اي واحد يقول لك مدن ساحلية في البوسنة .. هذا ما يفهم بعد عنها وسواحلهم اللي على الانهار والبحيرات تكفيك وتشبعك .. فانسى شيء اسمه بحر
كذه تمام عمي .. وتحت امرك