ايه الشريحة اخوي تكون شغالة ماعندك مشكلة
بالنسبة للبطاقة برضوه ماعندك مشكلة اخوي
الباقي اتركها للشباب

حياك الله اخوي في بلادك
تقدر تستخدم بطاقة جوالك الحالي اذا عندك خدمة التجوال الدولي ..بس انصحك تاخذلك بطاقة مدفوعة من عمان موبايل (حياك) او من النورس (مسبق) وذلك للتوفير في الاتصالات وراح تظل البطاقة صالحة لمدة سنة
مكائن الصرف الالي تدعم كل انواع البطاقات الكريديت والدبت ... يعني اذا عندك بطاقة فيها خاصية الفيزا الكترون او فيزا كارد او ماستر كارد فلا تحاتي ... لكن هات معك كاش بالريال العماني في الطريق للبنزين يمكن بعض المحطات ما تتعامل بالسعودي او بالبطاقات
سيارتك الكامري والصالون بشكل عام تصلح لكل الاماكن السياحية لانه الطرق اليها معبدة ... واذا حبيت تغامر في بعض الاماكن الصعبة فراح تحتاج الى دفع رباعي وتقدر تستاجر من صلالة بس ما اعتقد راح تحتاج..
الخرائط بتحصلها عند الحدود وايضا اول ما تدخل صلالة وايضا تتوفر في احد المواضيع في هذا المنتدى
بخصوص السكن تابع المواضيع الاخرى بتفاصيل اكثر
ورحلة سعيدة وموفقة

شوف يابوالشباب مثل ما قالو لك الشباب بخصوص الصراف ما عندك مشكله
الانترنت اقراء موضوعي تلقاه بامنتدى عن كيفية الحصول ع الانترنت

1. أخي العزيز : أبو ليث ، أسمحلي أجيب عن إستفساراتك وأسئلتك يا غالي


2. س / هل بتكون شريحة جوالي شغالة ؟؟..أو لازم اشتري شريحة من عمان؟


3. س / ما هو أفضل مكان للسكن تنصحون فيه وكم سعرها بالتقريب... ؟

أخي العزيز : أبو ليث ، أسمحلي أجيب عن إستفساراتك وأسئلتك يا غالي

س / هل بتكون شريحة جوالي شغالة ؟؟..أو لازم اشتري شريحة من عمان؟

شريحتك راح تكون شغاله عادي ، بس بدل ما تدفع فاتوره ضخمه وطويله وعريضه أشتري شريحه جوال من عمان، و مثل ما تفضلوا الشباب وبينوا في ردودهم أفضل شيء انك تشتري بطاقه مدفوعه الثمن وهناك شركتان تقدمان خدمة الاتصال في عمان ، وتختار بين بطقه ( حياك ) من OmanMobil أو ( مسبق ) من Nwras والشريحه إن لم تخنني الذاكره ب 70 ريال سعودي .
س / هل اقدر استخدم مكائن الصرف الآلي في صلالة ببطاقة صراف بنوك سعودية ؟؟
نعم تقدر تستخدم بطاقه الصرف الآلي للبنوك السعوديه في عمان ، ما عندك أي مشكله يا أخوي
س / سيارتي تويوتا كامري هل راح تنفع هناك في صلالة ؟؟ ولا لازم دفع رباعي؟؟
أفضل أنك تآخذ سياره دفع رباعي لان المنطقه جبليه ونظراً للامطار الخفيفه المتواصله تتعرض السيارات للانزلاق عند القياده في المناطق الجبليه والمنحدرات لذك أنصحك بسياره الدفع الرباعي وانصحك بأخذ الحيطه والحذر عند القياده في المناطق الجبليه
س / هل توضح الخرايط الاماكن السياحية وأفضل الطرق للوصول إليها؟
لاتحاتي ترى الخرائط واضحه وكافيه وترى الجماعه في وزاره السياحه يقومون بتوزيع كتيبات بها معلومات تفصيليه عن المنطقه .

س / ما هو أفضل مكان للسكن تنصحون فيه وكم سعرها بالتقريب... ؟

الشقق المفروشه موجوده وبكثره وأنا أنصحك بالسكن في منطقه السوق التجاري وذلك لتركز جميع الخدمات وتوافر الاسواق في هذه المنطقه ، وبخصوص الأسعار للشقق تتفاوت ما بين 250- 600 ريال سعودي وأنت تختار حسب الطلب ، وترى أغلب المعروض للسكن هي الشقق المفروشه يعني ما راح تحصل غرف مفرده إلا في الفنادق ويفضل أنك تحجز من البدايه في الفنادق لتلافي عدم الحصول على حجز .
س هل يوجد بها انترنت...؟
عاد هاذي الخدمه غير متوفره الا في الفنادق الفاخره فقط وأضن أن الخدمه موجوده في فندق الكروان بلازا وفندق الهيلتون فقط ، حسب معلوماتي المتواضعه
وحياك الله في ديرتك يا أخوي ترى خليجنا واحد وكلنا واحد

لو سمحتم انا عندي استفسار واحد بس ومتفشل احطه بموضوع لحاله ........ لقيت التفاعل هنا قلت ابلزقه هنا
ان لقيت رد جزاكم الله كل خير وان مالقيت رد ماحد داري عني ولا اتفشل عند الجماعه .....
سؤالي هو : عندي بطاقة الاحوال الجديده ولا بعد طلعت جواز هل اقدر ادخل الى الامارات وعمان بالهويه الوطنيه الجديده

اخوي من ناحية السفر ببطاقة الهوية الوطنية
الي نسمع انها تم تفعيل السفر بها لعمان والامارات
لكن عندي لك راي اسمه راشد
وهو تتصل بادارة الجوازات ويعطونك الخبر الاكيد

SOMAN
نعم ، تستطيع الدخول بالبطاقة لكل الدول الخليجية بلا إستثناء عبر جميع المنافذ البرية والجوية على حد السواء ، لا تشيل هم روح وتوكل على الله .

معليش ياوجيه الخير
اعيد سؤال بطاقة الصراف الالي
مثال انا احمل بطاقة البنك الاهلي
هل اقدر اسحب بها عمله سعوديه من الصرافات
وهل الصرافات متوفره في صلاله
وهل فيه عموله على عملية السحب
عندي سؤال ثاني
بالنسبه للبطنيات او اغطية النوم
هل لازم احمل معاي كل العفش من السعودية
لأن عدد العائلة كبير جدا
وهل يوجد اجارات مثل اواني الطبخ وغيرها
ولكم وافر الشكر

يعطيكم العافيه .......... بس اللي اعرفه ان بعض دول الخليج لم تفعل السفر بالبطاقه الى الآن
مثلاً الكويت يقولون بعد رمضان والله مدري عن دول الخليج الاخرى
بس ياليت اللي توه طالع يعني قبل شهرين أو ثلاث شهور الى عمان يرد علينا