حياك اخوي ..
بالنسبة لوسيلة التنقل من الافضل والاريح انها بالطيران الاقتصادي .. بالنسبة لزيلامسي مافيها مطار ولكن تنزل في سالزبورق ومنها لزيلامسي بالقطار ساعه فقط .. ومن زيلامسي الى ميونخ بالقطار ساعه فقط .. ( حاول تبحث عن الرحلة التي تمر ب وورقل worgl.. لانها بدون توقف .. وافضل من الرحلة التي تمر بسالزبورق ) ..
بالنسبة للحجز يفضل الطيران من هنا قبل لا تسافر عشان تضمن وثانيا تاخذ سعر مناسب .. اما القطارات فمن هناك وقبلها بيوم او حتى بنفس اليوم تقدر ..
بالنسبة للملابس لابد من اخذ كم قطعة ثقيلة او جاكيت تحسباً للظروف .. وهذا ماحصل لي واضطررت لشراء جاكيت من هناك ..
بالتوفيق ،،

مشكور اخوي على التوضيح بس انا مفكر اروح بالقطارات بس المشكله اذا كان عندي شنط وايد
و مفكر اورح من روما لي ميلان و اقعد يومين و بعدها اروح جنيف و بجذي اكون اختصرت الوقت اللي كان المفروض 8 ساعات بالقطار بس المشكله انه شيلت الشنط و حطتهم هذي ممله
و سالفت توقف القطار ابي اعرف هل كل القطارات لازم توقف ولا في دايركت و بالنسبه للشنط مافي مشكله

ياجماعة الخير وين المساعدات قرب وقت الحجز
انا عندي عدت افكار ولا تنسون هذا شهر عسل يعني ما ابي يعكر مزاجي شي
انا مفكر اروح من روما و اجع من ميونح
يعني في كثير من الدول بالطريج و كل دوله من 3 إلى 4 ليالي
مثل
اول شي من ( روما و بعدين ( نيس - موناكو ) و بعدين ( جنيف ) و بعدين ( ميلان ) وبعدين ( فنيسيا ) وبعدين ( زلمسي ) و بعدين ( ميونخ )
اتمنى تساعدوني بالتنقل بين هل مناطق هل الترتيب جيد ارجو المساعده

• * شنو وسيله النقل بالنسبه لمعاريش جدد

اخوي الغالي اولا اسف لانشغالي عنك ..
ثانيا .. بسالك سؤال انت رايح شهر عسل .. ولا رايح تكتب مذكرات عن نصف مدن اوروبا ههه ؟؟ يالغالي انا برأيي ليش كل هالمشاوير من روما الى نيس ثم جنييف وبعدين ترجع لايطاليا ( ميلان وفينيسيا ) وبعدين زيلامسي ومن ثم ميونخ ..ياشيخ لو عزوبية بيطيح حيلهم .. وشلون معاريس !!!
حبيبي الغالي شهر العسل يبيله روقان واستقرار نوعا ما وانت تقول كل مدينة يومين او 3 وراح يكون تعب عليكم .. يعني لو تبي رأيي يكون برنامجك كالتالي بناءاً على حجز الطيران :
روما >>نيس ( او فينيسيا ) >> لوقانو >> زيلامسي >> ميونخ
من نيس ( او فينيسيا ) الى لوقانو .. مرورا ب ميلانو
من لوقانو الى زيلامسي.. مرورا ب انسبروك
وممكن الاقامة في مدن المرور او الراحة وتناول الوجبات .. وبالنسبة للجنييف اشوف انها بعيدة وراح تاخذ مشوار بالطريق ..
وبالنسبة لوسيلة التنقل من الافضل والاريح بالقطار .. ولكن ممكن يكون خيار السيارة مناسب لمن يعشق السياقة خصوصا انها ستكون استقلالية وخصوصية مناسبة لشهر العسل ..
هذا رأيي المتواضع .. وانتظر رأيك لنكمل ..

اضم صوتي للاخ بيمو