أختي الكريمة .. حياكم الله في البحرين ...
ممكن حبيبتي ... تتفضلين بزيارة الدليل السياحي .... فيه كل الإجابات والاماكن والأسواق والأنشطة اللي ممكن تشوفونها وتزورونها في البحرين ... تختارين اللي يناسبكم ويناسب ميولكم منها ... سواء كنتوا تحبون الأسواق أو المتاحف أو الحدايق أو المجمعات ...
وفيه كذلك تقارير للأعضاء عن زياراتهم للبحرين ... والأماكن اللي راحوها .. راح تستفيدين منه كثير .. خاصة انها اول زيارة لج ... فالأفضل انج تقرأين تجارب الاخوان والاخوات ...
بالنسبة للسكن ... احنا دوم نرشح سلسلة فنادق إليت لنظافتها وأسعارها المعقولة ... فاختاري اللي يناسبكم منها ... وان شاء الله راح تنبسكون ...
وأسماءها ومواقعها أيضا موجودة في الدليل وراح بعد تلاقين قائمة بالفنادق العائلية النظيفة .... وعدد كبير من التقارير عن الفنادق المعززة بالصور بالتفصيل من الاخوة الأعضاء ..
وهذا برنامج قديم وضعته لإحدى الاخوات من فترة .. ممكن تستفيدين منه ...
أتمنى لج وقت ممتع وزيارة ممتعة أختي ...