اول شي الله يعينكم
شهر 8 2012 بيكون زحمه و غلاء و لويه بلندن بسبب الالعاب الاولمبيه
و اول شهر 8 بيكون رمضان و اخره بيكون العيد يعني الزحمه دبل الالعاب و العرب
يعني باختصار لندن ما تنبغا بصيفيه 2012 الا للي رايحين للالعاب طبعا
بتكون الاسعار نار و الحجوزات من الحين بتبدي تصير فل
ثانيا بغض النظر عن اللي فوق 10 الاف ل 12 يوم بعطيك فندق يكون 3 نجوم او يا دوب 4 بس يكون بعيد ..هذا بالاوقات العاديه الله يعلم باوقات الالعاب و الصيف كم بيكون ..
كم شخص انتو ؟
طبعا الدايركت البريتيش او السعوديه .. شوف الارخص واحجز عليها
فندق Belvedere ترا نجمتين ! شوف الصور في tripadvisor تسد النفس :
|لندن ال 5 نجوم يا دوب بعد نجمتين بيكون تحت المستوي المقبول .. انت و راحتك اذا عادي عندك .. طبعا اذا عايله ما انصح ابدا تسكن في هالمستوى ..
موفق

اخترنا في ايام عيد الفطر لان العطله بتكون زحمه مرره وبيكون قرف !
حنا 4اشخاص انا وخواتي والوالد الله يحفظه وكلنا كبار من دون اطفال !
متى يكون افضل وقت لندن بالسنه القادمه ؟
قلتلك اول مره بسافرلها فماعرف كيف !
وقالولي اوتيلاتها واحد ماتفرق بالنجوم !
اتمنى تفيديني اكثر الله يحرم وجهك من النار

حلو بالرسمس هالسنه او في شهر 5 ميلادي اخف زحمه اذا ماعندكم مدارس
انا ساكنه بفندق 5 نجوم كنه 3 نجمات
نصيحه ابعدي عن نجمتين و3 نجمات
واذا تبين ارخص اوتيل حطو 4 ايام لندن والايام الباقيه بريف لندن
وشوفي موقع بوكينك

لندن من شهر 9 سبتمبر الى شهر 12 ديسمبر و غير كذا ما تنفع
لأنها في أشهر الصيف حر و زحمة و أشهر البرد ثاوج بكل مكان يعني تنقل صعب
مابين الاشهر اللي ذكرتها جو بارد بس روعة من جميع النواحي الاخرى
ميزانيتك للفنادق قليلة جداً ماينفع لها الا أبو نجمتين و تحت و هذا راح يضايقك
أنصحك مقارنة بالميزانية بفندق اسمة سيتي داين ممكن تحجزه عن طريق البوكنق
http://www.citadines.com/uk/london/south_kensington.html
تحياتي

المشكله ان شهر 8 الصيف الياي بيكون عيد الفطر و الزحمه دبل .. الالعاب و كذلك اغلب الخليجيين بياجلون سفرهم الي ما بعد رمضان .. زحمه و اسعار نار
لو تاجلها الي شهر 10 او 9 بيكون تمام ..
شلون النجوم ما تفرق بالله !!:
|يعني 5 نجوم نفس نجمه؟ بالمنطق ليش هذا 5 نجوم و هذا 4 و هذا نجمتين؟
طبعا بيفرق
و الفندق اللي اخترته نجمتين و مستواه اقل من متواضع
حدد التاريخ بالضبط و بقولك ان شاء الله فنادق تناسب ميزانيتك و تكون معقوله خصوصا ان الوالده و العايله معاك

مساء الخير
ملاحظه . بتوقية سفرج اي بعيد الفطر . بتكون الاولمبياد منتهيه
لانها تبدا بتاريخ 27 / 7 وتنتهي ب 12 / 8 ميلادي
فلهذا ما راح اتصادفين الالعاب الاولمبيه بعيد الفطر.
افضل الاوقات لندن بجميع الاوقات جميله . دمتي بخير

مشكورين لكل اللي ردو الله يحرم وجيهكم من النار ياربً !
على تخطيطنا نروح ف19 اغسطس الى 31 اغسطس يعني فيوم العيد
ميزانيتنا متوسطه يعني نقدر نوصل ل 13 تقريبا
ونبي مكان يكون عند او قريب لاكسفورد وهايد بارك لاننا اول مره نروح لندن وبنحوس شوي
بيكون جوها حلو ؟
اخوي علي مافهمت قصصدك ؟ يعني ماتكون الاسعار مرتفعه ؟

بحثت عن هذا الفندق Grand Plaza Serviced Apartmentسعره مناسسب جدا وموقعه حلو قريب للهايد بارك
رايكم فيه او اذا فيه افضل وسعره مناسب بس مشكلتي ابي الغاء مجاني الواحد مايضمن الدنيا

ALI_Q8_77
Olympic Games 27 July-12 Aug 2012
Paralympic Games 29 Aug-9 Sept 2012