لا لا انا منصدمه محد شارك بالرد على موضوعي لول شكله يخوف تراه مو اختبار عموما الطيبين مايقصرون

هلا اختي
في قهاوي شعبية واجد في البحرين وكلها حلو او بمعنى اصح قعدتها احلى
مثل (الشراع )
في الستي سنتر (واهو) وفي (جنه دلمون ) وفي (عين عذاري ملاهي)
المعارض اضن احين مافية خصوصا هالايام
وان شاءالله الاعضاء يفيدونك يارب

1. الله يعافيج .. وحياكم الله وأهلاً وسهلاً فيكم ..


2. 6- قلعة الرفاع


3. 7- شارع الشيراوي (كله كوفي شوبات ومطاعم راقية)

مرحبا اشلونكم
مرحبتين يا هلا والله ..
ويعطيكم العافيه عندي كم استفسار بحكم اقامتي الطويله للدراسه في البحرين فاراح اقيم مع زوجي واعيالي الله يحفظهم

الله يعافيج .. وحياكم الله وأهلاً وسهلاً فيكم ..

وحبيت اسال عن مكان كرة الالوان paint ball في البحرين موجود ولا لأ وبعد اذا في حديقة حيوانات و اكواريوم للاسمالك واذا بعد مقاهي شعبيه للعائلات نقدر نقعد فيها وايضا معاها اكلات شعبيه مثل النخي وغيره وهل هناك معارض مثل المعرض السوري او المصري او غيرهم يعني محتاجين ماكن للترفيه عشان نرفع من معنوياتنا لفراق الكويت و نتاقلم باقامتنا في البحرين وتسلمون حبايبي
بخصوص محل كرة الألوان آنه عن نفس ما أعرفه ويمكن مب موجود في البحرين .. وبخصوص حديقة الحيوانات في محمية العرين في منطقة الصخير .. أكواريوم للأسماك مافي في البحرين بس في مجمع التأمينات في شارع المعارض في حوض سمك يعني متوسط ارتفاع طابق في تقريباً 15 سمكة من مختلف الأحجام .. المقاهي الشعبية في مقهى بوخلف في القرية التراثية خلف قلعة عراد .. بس ما أدري هل على طول يكون فاتح أو فقط ايام المهرجانات والاحتفالات .. وفي حديقة خلف مطار البحرين الدولي .. أحنا نسميها حديقة قلالي أو حديقة الطياير .. لأنها قريبة من المطار وتجوفون الطياير طايرة ونازلة ويمرون على راسكم .. هذي البرادة في وحدة تبيع نخي هناك أيام الخميس والجمعة السبت .. بس نخيها روعه .. ناس تتعنى تروح لها من بعيد .. عاد لازم تروحين لها من وقت علشان ما يخلص .. وبالنسبة للمعارض هذي موعدها في شهر 12 أو شهر 1 .. وبالنسية لأماكن الترفية وايد ومنها :
1. مجمع الستي سنتر : (فيه أحلى سينما في البحرين، فيه حديقة واهوو المائية، فيه ماجيك بلانيت ألعاب الأطفال، فيه المطاعم بمختلف أنواعها، والتسوق).
2. مجمع السيف
3. مجمع مودا مول
4. مجمع العالي
5. مجمع البحرين
6. مجمع الدانة
7. مجمع اللؤلؤ
8. مجمع المارينا
مجمع 7 ومجمع 8 كله حق ملابس ..
9. جنة دلمون المفقودة
0- حلبة البحرين للفورملا
1- محمية العرين
2- جزر حوار
3- جزر الدار
رقم 12 ورقم 13 هذلين رحلات بحرية
4- متحف البحرين الوطني
5- قلعة عراد

6- قلعة الرفاع

7- شارع الشيراوي (كله كوفي شوبات ومطاعم راقية)

8- مجمع لاقون (الخور) في جزر أمواج : وفيه مطعم ليوان للأكلات الشعبية البحرينية والخليجية وفيه نادي الشاي وفيه كوفي شوب وفيه مقهى وقعدته روعة إذا كان الجو حلو لأن على البحر ويطلع على خور وايد وايد حلو ..
9- درة البحرين فيها شاليهات وحلوة بس ما أدري هل فيها أجار يومي أو لا ..
0- مجمع الواحة : فيه كله ملابس ومحلاته سنتر بوينت وماكس للملابس وماكس للاكترونيات و شو ستي وبوسيني و وغيرها من المحلات ..
1- أرض المرح : فيها تزلج على الجليد وفيها بولينغ
2- منتزة عين عذاري
3- مطاعم منطقة العدلية
وغيرها من الأشياء اللي ما أتذكرها .. وكل ما أتذكر شيء راح أذكرة أن شاء الله ..
وإذا عندكم اي استفسار أو اي سؤال ترى حاضر لكم
وتقبلوا مروري

شكرا ماقصرتوا ويعطيكم العافيه