..Maha
25-07-2022 - 08:04 am
السلام عليكم
عذرا كاثره استفسارتي هالشهر
بس محتاجه منكم كم خدمه
اولا ابغى تعطوني افضل مدينه ترفييهه في الخبر ( ملاهي )
ثانيا افضل اماكن سياحيه تستحق زياره يعني مكان ترفيهي كابين وغيرها يعني نظام شاليهات بس بساعه اهم شئ يكون مكان نظيف وجديد
ثالثا سمعت ان صن ست شاطئ الغروب تاجر كباين هل هالخبريه صحيحه
رابعا مطعم ماينتفوت في الخبر وياليت تزودوني بالوصف
واي شئ تنصحوني فيه يستحق زياره امانه لاتبلخوا علي
وانتظروا تقرير بعد مارجع بئذن الله
ولكم دعوه من الجميع
ياهلا ومرحبا فيج أختي
أول شي الجلسة في الواجهة البحرية تسوى الدنيا ومافيها وخاصة خلال هالايام الأجواء الحلوه والسهر يحلى فيها
وبالنسبة لمنتجع شاطئ الغروب هذا فقط للتملك والتأجير السنوي مافيه تأجير يومي
وبالنسبة للمدن الترفيهية شوفي فيه قرية العزيزية بالعزيزية وفيه الهابي لاند بالدمام على الواجهة البحرية
ولاتنسون تزورون واجهة الدمام البحرية بعد مميزه
وتقدرون تزورون مركز سايتك بكورنيش الخبر تراه حلو وراح تستمتعون فيه
وبالنسبة للمطاعم على أمتداد الكورنيش والواجهة البحرية , عندج جزيرة الدغيثر بالكورنيش الجنوبي فيه 5 مطاعم كلها مميزه , وكذلك كورنيش أفنيو بجانب فؤاد سنتر فيه مجموعة مطاعم مميزه
واذا تبون رحلة بحيرة تقدرون وذلك في جزيرة المرجان بالدمام فيه سفينة عروس الخليج وفيها لو تبون تتغدون او تتعشون فيها بوفيه مفتوح , وفيها كوفي شوب
طبعأ انتي حسب ماقلتي عددكم كبير تقدرون تحجزون السفينة لكم بالكامل يعني ماحد يطلع عليها احد غيركم
وطبعأ لازم حجز قبل
وهذا رقمهم : 0558500460
كذلك لاتنسون تزورون القرية الشعبية بالدمام راح تستمتعون فيها من خلال المتحف المصغر والمطعم التراثي الذي يتميز بوجود اجنحة مصممه بديكورات كافة مناطق السعودية وكذلك تقديم كافة المأكولات الشعبية من مختلف مناطق السعوديةوبالنسبة الى مكان تجلسون فيه تاجير بالساعة اذكر قرية العزيزية كان فيها خيام يأجرونها داخل القرية وهي مكيفة اذا كانت تناسبكم
تقدرين تستفسرين من خلال هاتف قرية العزيزية : 8906966
كذلك اذا ماقد زرتي معرض ارامكو السعودية ياليت تزورونه راح تستمتعون فيه وتتعرفون على تاريخ المنطقة واستكشاف النفط وكيف كانت وشلون صارت الحين
وهذا هاتفهم : 8767676
وأهم شي يوم الخميس العصر تكونون بشاطئ نصف القمر والجمعة العصر في العزيزية راح تنبسطون من كثر العالم هناك وكذلك تقدرون بشاطئ نصف القمر تاخذون طراد مكشوف يقوم برحلة في البحر , وفي العزيزية بتنبسطون من زحمة الناس والسوق الشعبي والوناسة تاخذونها فره بالسيارهتحياتي: سلطان الشرقية