امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الفوالق
31-08-2022 - 04:08 am
السلام عليكم
كيفكم إن شاء كلكم طيبين
فيه عندي استفسار أنا من الناس إللي فكرت كثير في الإبتعاث ومازلت محتار جدا لكن أنا حاليا في طور التفكير إللي ما يقبل القسمة على اثنين يعني يا إيه يا لا !!!
أنا فكرت إني إذا حصلت على بعثه إنه تكون أول سنه لي في البعثة إني أسكن مع عائلة لأنه وكما هو معروف إن أول سنه في الإبتعاث سنة لغة إنجليزية فهل تنصحوني بها الطريقة أو فيه طريقة ثانية أفضل منها
وإذا أحد منكم أيد الخيار الأول كيف أبحث عن العائلة في الولاية إللي أنا أبروح لها
فيا ليت إنه إللي عنده خبره يفيدنا أو إللي قد سمع وتكسبون أجرنا
وأبغى كل واحد لما يرد على استفساري يتأكد إن الله مو مضيع له الوقت إللي قضاه في فائدة الناس وإنه بيجي اليوم إللي يبي يشوف فيه الصنيع إللي صنعه
مشكورين وألف شكر على تحملكم لقراءة موضوعي والله يوفقكم جميعاً


الدراسة في امريكا
التعليقات (9)
EAGLE ONE
EAGLE ONE
مرحبا
السكن مع عائلة بلعكس افضل لك , راح تتعلم منهم اشياء كثيرة
اول شي اللغة
ثانيا اذا تبي اي معلومات عن سوق مطعم اي شي في المدينة يكونون عارفينها ويعلمونك
ثالثا الاكل ترتاح يطبخون لك ويوفرون عليك شي طيب ويغسلون ملابسك
رابعا ماتشعر بالملل, تسولف وتتعرف على حضارة ثانية وتعلمهم وتشرح لهم عن ديرتك لأنك راح تنصدم بكثرة الاشياء اللي فاهمينها غلط وان معلوماتهم مضللة بقصد من الاعلام
طبعا ما اقول لك اسكن سنة كاملة, انت متى ماشفت نفسك خلاص ماتحتاج لهم ممكن تطلع , يعني انتبه لاتوقع عقد طويل, خله شهر بشهر
من ناحية كيف تلاقي عايلة.؟؟؟ ممكن عن طريق المعهد يبحث لك
بس انتبه
تراهم نصابين
مثلا بيقول لك المعهد ادفع 800 دولار حق العايلة بالشهر, هو يدفع منها 500 بس للعايلة ويسرق 300
اول شهر ادفع وطز بالفلوس
بس اسأل العايلة كم يعطيهم المعهد, وبعدين اتفق معهم ان العقد يصير بينكم شخصيا بدون تدخل من المعهد علشان توفر مبلغ لك, بس لازم يكونون ثقة علشان ماينكبونك هذا مادفع لنا, يعني انتبه من هالنقطة واعتقد ممكن تسوون عقد بينكم عند مكتب عقاري
اغلب العوائل تاخذ بين 500-600 دولار بالشهر ونادر تزيد عن هالشي
وبعض العوائل تدور الطلاب مو علشان الفلوس بقدر مايبون يتعرفون على واحد يسليهم ويطرد الملل خصوصا اذا عجوز ساكنة لحالها
بالتوفيق

مقهــــور
مقهــــور
سؤال مهم
بس المشكله ياخي ان جامعتي تحدثت اني ابي اسكن مع عائله فقالوا لي انهم لا يعرفوا اذا فيه عوائل او لا
يعني ادري نصابين
بس وشلون اعرف انا لوحدي عن عوائل يعني اروح وادق على الابواب
شكرا

KING 1
KING 1
موقع للبحث عن عوائل
أختر الدولة ثم المدينة
http://www.homestayfinder.com/

مقهــــور
مقهــــور
شكرا لك اخي1 king
بس ابي اسالك هل فيه صور للمنازل
المشكله ان المكان الذي ابي اسكن فيه ما فيه عائلات للسكن
وشكرا

KING 1
KING 1
أسكن بسكن الجامعة لمدة شهر
في هذا الشهر تستكشف المنطقه من حولك
أسأل الجامعة والشباب والمكاتب الطلابيه لخدمة الطلاب
وإذا ودك أروح معك جبلي قبول من الوزارة والجامعة

الرصاصي
الرصاصي
مقهور
لا مو نصابين .. وأقدر أقول أن تعاملهم أصدق من العرب مليون مرة ..
بالنسبه للسكن في العائله مو متوفر في جميع المدن ..
المدينه اللي أنا فيها ما فيها عوائل تسكن طلبه ..
السبب أنها مدينه صغيرة وسكانها منغلقين ( بدو مزارعين )..
بالنسبه لصاحب الموضوع ...
السكن مع العائله ممتاز جدا لكنه في الغالب مكلف ..
و العائله مثل البطيخ يا يخلونك تحب البلد أو يكرهونك نفسك ..
لذا لابد من الاستعداد التام نفسيا لعاداتهم وتقاليدهم ..

مقهــــور
مقهــــور
اجل اخطأنا في حقهم ... انا ادري انهم اصدق من العرب بس استغربت ليه قالوا لي ما عندنا علم
بس اخوي الرصاصي انا استغربت من كلامك ان السكن مع العائلات مكلف جدا
انا علمت ان السكن مع العائلات ارخص شي يعني بالشهر 500 دولار اكل شارب نايم و تعلب مع اطفالهم كوره بالساحه خ و اذا شافو معاملتك زينه يعطوك شوط من ال، playstation
اخي الرصاصي انت باي ولايه في امريكا
وشكرا

سفر وسياحة
سفر وسياحة
انا ساكن مع عائله ...قيمة السكن 980 دولار !!!!!!!!!!
انهبلت يوم عرفت السعر .........ماعرفته الا وانا خلاص سكنت معهم وداومت في المعهد
صحيح ان المكان له دور في السعر .....لانه حول نيويورك....بس ولو ...توو متش
عاد واحد من الشباب في المعهد يقولي ان العائله تاخذ 780 دولار ...و200 للمعهد !!!

مقهــــور
مقهــــور
غالي ي
بس اخي هذا المبلغ اكيد ماكل شارب نايم وكل شي عليهم
وهل في البيت الذي انت فيه اطفال يعني ياثرون على دراستك و شكرا


خصم يصل إلى 25%