فهد العاطفي
29-10-2022 - 12:37 pm
السلام عليكم ورحمة الله وبركاته
===
استشاره لاصحاب الخبره والراي السديد
زواجي بحمد الله في 25/7/1433ه الموافق 15 يونيو
يعني بعد شهر من الان
وخاطري اروح اسبانيا
وحقيقه مادري كيف الطريقه وخصوصا الماليه ..
ودي كرما لا امراَ توجيهكم اذا فيه برنامج معين ..
المده من عشرة ايام الى خمسة عشر يوم ..
الميزانية تقريبا 15 الف غير التذاكر ..
كيف الجو ومواقع التسليه والتمشيه
شاكر لكم نصايحكم
===
واحد من الشباب سألته قال بالمبلغ هذا انصحك تروح الردف بالطايف
1- احجز كلشي بنفسك عن طريق النت لاتروح لمكاتب السفريات وايد اغلى من النت
2- ركز على الفنادق 3 و 4 نجوم و لازم تكون مكيفه لان اسبانيا حاره صيفا
3- حاول ماتسوي شوبنق وايد
4- التنقل الداخلي خله عن طريق الطيران لان الطيران الاقتصادي في اسبانيا ارخص بوايد من القطارات
الجدول الي اقترحه عليك
خط السفر
السعوديه - ملقا
برشلونه - السعوديه
التنقل بين المدن
ملقا 3 او 4 ليالي (( حط في بالك انك بتشمل زيارة غرناطه وقصر الحمرا وممكن تزور اشبيليه )) م
مدريد 3 ليالي
سان سبيستيان ليلتان
برشلونه 3 ليالي او 4 .
التنقل بين المدن بالطائر بالطيران الاقتصادي
حط في بالك ان سعر التاكسي من والى المطار بحدود 50 يورو
وان شاء الله بتكفي فلوسك اذا ال 15 بدون التذاكر
وموفقين