ماليزيا
ما انصحك ابد
تروح احساسي انها عوايل كبيره افضل
مافيها خصوصيه
كلهم بالمطاعم والفنادق عرسان
ما تصلح

تسلم اخوي ابو نوف
يشرفني مرورك لكن وين برأيك المكان الي يصلح
مع العلم اني ملتزم باللبس الشرعي
والكثير من الاصدقاء يقولون هناك عادي وانا رافض هالشي
جمله وتفصيلا .. ذكر لي احدهم عن هذا المنتدى واعطاني الرابط
قلت استفزع فيكم يا اهل الخبره وان شاء الله تفيدوني وماتقصرون معاي
بانتظار اراء الاخوه جميعا

المغرب إنسى
ماتنفع ابدا
ولاتركيا..
وماليزيا زي ماقال مليانه عوائل ..
اسبانيا تنفع مرره واللغه لاتشيل همها هناك هما الانجليزي حقهم قليل
اسبانيا تقدر تلاقي الخصوصيه وكل الي تبغاه والبلد اسعارها حلوه مره
إذا انت في الرياض او اي مكان ماتفرق مكتب شذونه يرتبلك احلى برنامج لشهر العسل وبالميزانيه الي تحددها
طبعا المكتب حق المبدع مشرفنا(الشاب)
من جد لاتفوتك اسبانيا

rere تسلم اخوي على مداخلتك
ويشرفني تعطيني رأيك
لكن تتوقع واحد مثلي يقدر يتصرف هناك

تاكد تماما
انت عريس واي مكان راح تنبسط
لا تشيل هم
المهم اذا انت نويت ماليزيا ابعطيك كم فندق وارقد فيها ترجع

والله شف اللغة مهيب عائق ابد وانا اخوك عادي خصوصا اذا انك تعرف انجليزي اسهل بعد
واذا ما تعرف ما فيه مشكلة كلنا لما رحنا ما نعرف اسباني ومشت امورنا زي الحلاوه عالعموم كلها كم كلمة
اسبانية تتعلمها وتخلص وصدقني من بعد ما تقعد اسبوع بتلقى نفسك حفظتها دايركت بدون عناء ابد
عالعموم ما اقدر افيدك عن الخيارات اللي طرحتها لأني ما رحت لها لكن صدقني اسبانيا جدا جدا جميلة
لكن بختلف شوي مع ريري هي تقول الاسعار حلوه وانا اقول الاسعار حلوه بالمقارنة مع اوروبا الباقية
لكن بالمقارنة مع ماليزيا وتركيا والمغرب على حد علمي اغلى بمراحل وترى اسبانيا كدولة رخيصة
لكن اليورو هو اللي رفع المعيشة وان شاء الله على ما قالت الاخت الشاب ممكن يدبرلك سعر حلو
وانا قد استفدت من اسعاره بشكل جدا رائع ووفر علي الكثير والكثير عالعموم في ملاحظه
اذا وفقك الله واخترت اسبانيا مثلا لازم تحدد الشهر متى عشان في مدن تصلح في شهر معين ولا تصلح في شهر اخر
مثل ماربيا ما اعتقد انها تصلح بغير الصيف والله اعلم وتحدد وش جوك بالسفر وش تحب ملاهي ووناسة
مثل برشلونة ولا طبيعة وجو مثل سان سيباستيان واللي حولها او اثار مثل الاندلس او او
جزيرة مايوركا جدا جدا يمدحونها وانا مخطط لها شهر عسل في المستقبل ان شاء الله

سهم 2007
تقصد الثوب ؟؟؟
اخوي سهم .. على اني اكره ماليزيا
لكن هي البلد الوحيد بين اللي ذكرت ممكن تلقى فيها سياح خليجيين بثيابهم
بقية الدول ...
من ناحية الجمال ..
أكيد اسبانيا هي الأجمل بين الدول اللي ذكرتها
بعدها تركيا
ماليزيا
المغرب
بالتوفيق

ابو نوف ودانه ... LORD_SA ... الشاب ... Rima
يعطيك الف الف عافيه وبالفعل استفدت منكم ومن ارئكم لاخلا ولاعدم ان شاء الله
لكن اطمع بالمعلومات المهمه اكثر من كذا ...!