طير حاير
11-11-2022 - 03:10 pm
السلام عليكم ورحمة الله
الأسبوع الجاي إن شاء الله جاي أنا والعائلة ( زوجتي وطفلين ) لديرتي الثانية الكويت وحجزت في منتجع اسمه رمال وش رايكم فيه تكفون ؟
ثانياً وش أفضل الأماكن اللي تنصحونا فيها علماً بأن فترة إقامتنا فقط أربع أيام
وأشكركم على اهتمامكم
توصل بالسلامة وزيارة سعيدة باذن الله
المنتجع على شارع التعاون منطقة البدع ويوجد على امتداد الشارع ايضا منتجع موفمبك البدع وشيك ورمال ايضا العديد من المطاعم والكافيهات الرائعه وانت في هذه المنطقة قريب على مجمع المارينا مول ومجمع اولمبيا الجديد(زور فيه مطعم بلانت هوليود الشهير ) وايضا لو عندك سياره تاخذ الدوار القريب جدا من المنتجع يسار ناحية الدائري الخامس السريع وبيوصلك لمجمع الافنيوز (افضل مجمع حاليا لزم تزوره شامل تسوق ومطاعم وترفية للاطفال) وكذلك قريب منك جدا جدا سوق السالمية ونسميه ستي سنتر لانه يوجد بداخله سوبر ماركت نفسه وتسوق ومطاعم وترفيه(شركة طفل المستقبل للاطفال) طريقة نفس دوار البدع يسار وتاخذ اول مدخل يمين وبعدين تواصل الى دوار كبير نسميه دوار الجوازات واول مدخل يمين السوق يمينك على طول شكل المدخل بوابات كبيرة
واذا تبي السالمية 5 دقايق عن بالسياره مولات مطاعم
وقريب منك ايضا المركز العلمي (الاكواريم) على شارع الخليج
تقبل تحياتي ودعواتكم لنا