alsahror
06-07-2022 - 02:11 am
السلام عليكم ...
انا رايح للمغرب بتاريخ 23 اكتوبر الى 9 نوفمبر راح اكون اول ست ايام بأقادير ...حلو ... مو هنا محل الاستفسار لان اقادير عارفها...
الاستفسار انني ارغب الذهاب من اقادير الى مراكش وبجلس هناك 5 ايام تقريباً مع صديق و 5 ايام لوحدي ونرغب ان نسكن بمنتجع النخيل وعندي بعض الأسئلة ؟؟
1- وين وبكم اجد سيارة توصلني من اقادير لمراكش ؟
2-منتجع النخيل هل يحتاج لحجز مسبق او اروحله مباشرة على عماها ,وايش الفرق بين البوابات؟
3-اين يقع مكتب الدرقاوي بالضبط ,وهل يمكن الدفع عندة عن طريق بطاقة الفيزا؟
4-هل سعر اجار الشقة يشمل الشغالة وكم مدة عملها نص يوم او يوم كامل؟
5-المعروف عن منتجع النخيل انة بعيد عن وسط المدينة ,طيب ماهي افضل وسيلة لتنقل(تكسيات.سيارة بسائق) هل يوجد موقف للتكسيات بالمنتجع وبأي وقت؟
6-كيف وبكم اجد سيارة بسائق امين ويكون تحت يدي لاني ما ادل شي ولا احب اسوق؟
7- ايضاً كما اعرف ان منتجع النخيل لايوجد به مطاعم و لبعدة عن المدينة ماذا عن الفطور والغداء والعشاء ترا اهم شي عندي الاكل؟
8-هل تحتوي الشقة بالنخيل على كل المستلزمات؟
ارجو منكم الرد على الاسئلة بالترتيب والتفصيل الممل ...
تكفون بسرعة مابقى وقت على السفر...
وشكرا للجميع...
عزيزي تروح وترجع بالسلامه ولاتنسانا بالتقارير الحلوه
1- بالمنسبه للمواصلات بقادير اذا تبي توفر اذهب بالباص اسال عن محطه الباصات وحجز قبله بيومين وذا تقريبا 100 درهم للشخص وذا تبي تكسي تاخذ سياره كبيره الي هي المرسيدس البيج تقريبا 1500 درهم ونفس الشي من مراكش للعوده
2-والنخيل بالوقت لاعتقد انه يحتاج حجز لايوجد ضغط بهالوقت تروح لمكتبهم مباشره ولا يوجد فرق بالباوابات اذا عندك سياره
3-موقع المكتب بطراف المنتجع والكل يعرفه مايضيع ويوجد عندهم امكانيه الدفع بالفيزا
4-سعر الشقه يشمل الشغاله نص دوام وذا ارغبت تكون متواصله معاك تحاسبه باليوميه 100 درهم
5-المنتزه يبعد 10 دقايق عن المدينه ولا تعتمد علي التكاسي نادر يمر تكسي اجر سياره افضل
6-اذا سكنت اسال المكتب ممكن تلاقي سايق بسيارته او اجر سياره وستغلها انت بنفسك
7-المنتزه في مطعم بس اسعاره زايده بدون معني اخذ اغراضك من المرجان وخل الشغاله تطبخلك وذا اشتهيت تاكل من بره مراكش مليانه مطاعم
8-تقريبا كامله من ناحيه المطبخ والصاله في مسجل وتلفزيون ودي اس ال
تروح وترد بالسلامه