ماعرف تفاصيل واايد عن الفيزا..
بس اللي اعرفه انج ممكن اطلعينها من السفارات الاوروبيه(الايطاليه/يونانيه/المانيه/فرنسيه/نمساويه..الخ)
ممكن تدخلين بها دول الشنغن ..بس اليوم في اخ قال انه ممكن تدخل بها سويسرا وتأكد من هالكلام فالسفاره عندنا في ابوظبي وقالولي ايوه ممكن تدخلين سويسرا بالشنغن لكن تكون مدتها ما تقل عن ثلاث اشهر..
لكن اتوقع ما تدخلين بريطانيا بها..
بالنسبه شو يحتاجون.. ماعرف بس احسن شي تسوينه انج بعد ما تقررين من اي سفاره بطلعين الفيزا تتصلين على السفاره وتاخذين منهم شو المطلوب بالظبط .. واسإلي الاعضاء هني اللي من قطر عن
اسهل سفاره تخلص لج الشنغن وما بيقصرون..اتوقع رجل شرقي من قطر وما شاء الله عليه ما يقصر وفي دليل طارحنه عن النمسا اكييد بتستفيدين منه ..مادري اذا كتب شي عن الفيزا تأكدي
المده..
لج الخيار.. يمكن 3 او 6 شهور او سنه مب متأكده
تفاصيل زياده..
يطلبون صور شخصيه بخلفيه بيضا ..
نحن اذا كنا مستعييلين نعطي مكتب سفريات ويخلص لنا الفيزا بسرعه ويريحنا منها ومن مطالبهم اللي ما تخلص
اسمحيلي اختي هاللي اعرفه

يعطيك العافيه أخوي على تفاعلك السريع لسؤالي..
جزاك الله خير وماتقصر..
وإن شاءالله رجل شرقي ماراح يقصر ماشاءالله عليه ..
والله يسهل الأمور..
وتصير سفره ..

مرحبا أختي
تقدرين تاخذين الفيزا من السفارة الألمانية (أسرع)
متطلبات الفيزا :
1- جواز السفر الأصلي + صورة منه .
2- صورة من حجز التذاكر .
3- صورة من حجز الفندق .
4- تأميت صحي (من أي مكتب سفريات).
5- عدد 2 صورة شمسية .
6- تقريباً مبلغ 200 ريال رسوم أصدار الفيزا .
وطبعاً الطلب بعد تعبئته بالبينات .
بعد أسبوع (أن شاء الله ) تكون الفيز جاهزة .
فترة الفيزا ترجع للفترة اللي بتجلسون فيها في السفر (أعتقد أكثر من شهر)
والفيزا صالحه لكل دول الأتحاد الأوروبي (بدون المملكة المتحدة- بريطانيا)
يفضل الحضور للسفارة بوقت مبكر(الساعة7,30صباحاً)لتقديم الطلبات.
سفرة موفقة أن شاء الله .

يعطيك العافيه ..
مشكور أخوي ماقصرت والله معاي..
إن شاءالله كل يتم على خير..

مرحبتين اختي
اخونا عيد ماقصر ذلك لك متطلبات الفيزا ومثل ماقال تاخذينها من السفاره الالمانيه اسرع في ثلاث ايم تجهز بس تروحوون بدري لانه في اليوم بس يستقبلون 70 جواز سفر بس فكل مارحتوا بدري كان لكم حظ اكبر م برايي اذا تقدرون تروحون على الساعه 6:30 الصبح يكون افضل لانهم يوزعون ارقام حسب ماقلنا المندوب
موفقين اختي

الله يوفقج في سفرتج
وتحملي تروحين للسفارة الفرنسية
تراها والله فوضى وققمة المصخره
وندمت اني وديت جوازي هناك
وانا جوازي عندهم من تاريخ 3-7 ولين الحين ما خلص
رووحي الالمانية وانتظروا عندهم من الفجر