السلام عليكم ورحمة الله وبركاته
هلا وغلا الغالي
وحياك الله بين اخوانك وخواتك وان شاءالله اتفيد وتستفيد ..
الغالي الي أعرفه ان الضرايب على الملابس والمشتريات ماعدا الكتب وملابس الأطفال ..

القطري
السلام عليكم ..انابعد اول مره اروح للندن وسمعت عن استرداد الضرايب للمشتريات
بس سؤالي يعني اشتري من المحل واسترد الضريبه فيه نفسه ولا شلون؟؟
طيب قيمة الضريبه اخصمها من قيمة السلعه عشان اعرف كم بالظبط بتكلف علي ولا كيف؟؟
افيدونا افادكم الله
وجزاكم الله خير مقدما

وعليكم السلام ورحمة الله وبركاته
هلا وغلا اختي فوفه ..
الأمر بسيط ولاأتحاتين ..
الخطوات كالتالي :
1- جمعي كل الفواتير ألي عندكم ووديها مره وحده للمحل إذا كنتي شاريه منه اكثر من مره أفضل وأختميها من المحل ويفضل أيكون معاكي الجواز لأن بعض المحلات يطلبونه عشان أيتأكدون من البيانات ..وإذا كنتي شاريه أغراض من محل معين وأنتي متأكده أنج ماراح ترجعين له اطلبب منه التاكس فري ..وفي الغالب أكثر المجمعات حاطين مكاتب customer service واتلاقينهم هم الي ايسوون لج التاكس فري ..ودايماً مكاتبهم ما في أخر طابق في المجمع أو في المكاتب ألي تحت الأرض نفس هارودز
2- الأغراض الي خذيتيها وعطوكي عليها تاكس فري حاولي أتحطينها في شنطه بروحها لأن المطار احياناً اوغالباً يطلبون أيشوفونها ..
3- إذا وصلتوا المطار وقبل ماأتسوون حجوزات الطيران بتلاقون محل مكتوب عليه tax free روحي عنده وأستردوا المبالغ الي لكم وطبعاً راح يطلبون أوراق التاكس فري وإذا أطلبوا أيشوفون الأغراض فأهنا أنتوا أتكونون مستعدين وأتروونهم الشطه الي فيها الأغراض ..
4- تاخذون الفلوس وتشترون فيها هدايا من داخل المطار

عفوا ممكن سؤال :
ملابس الاطفال يعطون عليها تاكس فري ؟؟؟

dimondrain
نو
يعني مالك لوا
يعني لا
تدري ليش
لانه ماعليها ضرايب بالاساس
وبالنسبة لاخوي ال يسأل هل في ضريبة لفنادق لندن
نعم في ضريبة
وتاخذ الفاتورة ومختومة
وتروح للمطار وتسترجعها وضريبتهم طيبة

القطري
ياخي الله يبرد قلبك مثل ماتبرد قلبي
الله يجزاك الجنه على هاالاخلاص
بس بقولك لو سمحت مايستفاد من ردك ومعليش استحملني ههه
الحين اللي فهمته ان التاكس فري مو شرط يكون كاش على طول اخذه من المحل لا هو عباره عن ورق زي الفاتوره مختوم عليها واحتفظ فيها واستردها كاش بالمطار...؟؟؟صح
شي ثاني ماجاوبتني اذا اني اقدر اخصم قيمة التاكس من قيمة السلعه عشان اعرف كم بالظبط بتكلف علي؟؟
وبسألك هل كل شي عليه تاكس؟؟يعني لو ما اشتريت من المحل الا شي واحد وقيمته عاديه مو غالي هل فيه عليه تاكس ولا المحلات تكون محدده سعر معين او حد معين من بعده يسمحون بالتاكس فري؟؟
وبالنسبه للفندق واذا كنت حاجزه من موقع بوكينق وقايلينلي ان السعر بدون ضريبه.. طبعن هذا معناته ان مافيه شي اسمه اخذ التاكس انا>>مدري حاسته سؤال غبي جدا ههه بس استحملنا الله يرضى عليك:tongue:
اخر شي الصراحه رقم 4 ضحكني ههه وحلوه انك خليته اختياري ولا كان علوم:8888:
الف الف الف مليون طعش شكرن

اللهم أمين واجمعين أن شاءالله :8888:
واسألي مثل ماتبين واحنا واقفين بالمرصاد
نرجع للأسئله :
1- صحيح ..التاكس فري عباره عن فاتوره مختومه تحتفظين فيها لين المطار ..
2- تقدرين تخصمين قيمة الضريبه من السلعه ( 15.5 % ) واتعرفين كم اتكلف
3- مافي سعر محدد للتاكس فري ..تقدرين تاخذين منهم تاكس فري على اي سلعه تاخذينها ..
4- الصراحه بنالسبه لأسترداد ضريبة الفندق جديده علي
وحياج الله والف الف الف مليون طعش عفوا

انا حاولت استرد فواتير الفندق والضريبه بس قالوا لي مايصير

استرداد ضريبة الفنادق حسب معلوماتي فقط لرجال الاعمال الي عندهم سجل تجاري يعني مش للكل
تحياتي