وعليكم السلام ورحمة الله
هلا اختي
ترتيبكم وتوقيتكم للسفر جدا ممتاز ، وان شاء الله تتيسر أموركم بخصوص الفيزا السنغافورية
بخصوص استراليا ، هل خلصتي من التقديم على الفيزا الاسترالية ؟
لأنها أهم شي
ثانيا بخصوص الفنادق في سيدني
الفندقين ممتازين ، وانا سكنت بواحد منهم وهو الموجود في كنت ستريت
لكن أول شي هذيله شقق وليسوا فنادق !
ثاني شي مافيهم تنظيف يومي !!
ثالث وأهم شي انهم يبعدون عن منطقة الدارلنق هاربر !!
إذا ما حجزتي إلى الآن فالافضل انكم تسكنون في فندق وليش شقه في منطقة الدارلنق هاربر خصوصا وان عيالج صغار بالعمر
الله يحفظهم من كل شر
أما لو كنتي مصممه على الشقق فكلى الفندقين ممتازين ، يبعدون عن الدارلنق هاربر تقريبا 2 كيلو لكن ممكن ان تروحون للدارلنق هاربر مشيا على الاقدام
مع العلم ان الشقق الأولى وهي الوورلد تور أفخم من الشقق الثانية ، لكن كلاهما ممتازين
بالنسبة للشقه في قولد كوست ، نعم كلامج صحيح مافيهم انترنت
الانترنت مو مهم وايد لأنكم أكيد بتاخذون كروت اتصال للتليفون والكروت هذي فيها انترنت
انا شريت كروت اتصال وسعرها دولارين باليوم والانترنت فيها مفتوح طوال اليوم وسريع جدا !! كنت أخلي عيالي يشبكون آيباداتهم على تليفوني ويشوفون اليوتيوب على كيفهم كل يوم
يعني لا تشيلون هم الانترنت حاليا
بس المهم هل الشقه عاجبتكم بالسيركل اون كافيل ؟
لأن في شقق غيرها وهي أرقى وأفخم لكن بالطبع ستكون أغلى
إذا الشقه مو عاجبتكم شوفي شقق هيلتون أو سول هذيله من افخم وأجدد الابراج الموجوده بالقولد كوست
أما إذا كانت عاجبتكم وفقط مترددين عشان الانترنت فانا اقولج لا تترددين لأن الانترنت راح تحصلونه مع كروت التليفون وبسعر رخيص نسبيا
ان شاء الله تروحون وترجعون بالسلامة
وإذا احتجتي اي معلومات أو استفسارات ان شاء الله اعضاء المنتدى ما راح يقصرون معاكم
مع خالص التحية

مشكور أخوي أبوسعود ع ردك
بالنسبة للفيزا لسا ماعملنا فيها اي شي
وبالنسبة لفنادق سيدني حجزت في احدى الشقق بس مع رأيك تم الغائها فياليت تعطيني فندق في الدارلنق هاربر حسب ذوقك
وبالنسبة لشقق قولد كوست انا عاجبتني مرة لما شاهدتها في تقريرك وبإذن الله راح نسكن فيها

العفو اختي
بس ليش الغيتي الحجز ؟
لو منتظره شوي لغاية ما نشوف فندق مناسب مثلا وتتأكدين منه بعدين تلغين الحجز
عموما حصل خير
بالنسبة لفنادق سيدني انا ما سبق وأن سكنت في فندق بسيدني ، مثل ما قلتلج انا سكنت بشقه لأن عائلتي عدد كبير شوي ونحتاج أكثر من غرفة
تفضلي هذا الرابطhttps://www.booking.com/searchresults.ar.html?aid=1300939

أخوي أبو سعود بحثت في هالفنادق لاتوفر الا غرفة لشخصين هل أحجز غرفتين وأخاف أحجزها تكون بعيدة عن بعض ويكون السعر مضاعف

اختي انا اقترحت عليكم ان تحجزون بفندق عشان تكونون كلكم بغرفة وحده !!
مو عشان تحجزين غرفتين !!
إذا تبين تحجزين غرفتين فالافضل لكم شقة أفضل من الفندق
لكن شفت ان عيالكم صغار الله يحفظهم والمدة الي بتجلسون فيها بسيدني بسيطة لذلك اقترحت عليج ان تحجزين بفندق غرفه وحده
بحيث يكون السعر ارخص من الشقة
وبحيث ان يكون مكانها أو موقع الفندق في المنطقة السياحية وهي الدارلنق هاربر
انتي الحين تبين غرفتين ولا غرفه ؟
إذا غرفتين الافضل شقه
إذا غرفه الافضل فندق
وطبعا هذا رأيي الشخصي إذا ما عجبكم فعادي لا تلتزمين بكلامي أو برأيي ، تقدرين تحجزين الي بخاطرك سواء غرفتين أو أقل أو أكثر على راحتكم

لا بالعكس أخوي رأيك اثق فيه وأنا احب اسكن بفندق أكثر من شقة بس انا خايفة لو أحجز غرفة ومايقبلون أطفالي لكن بأجرب أحجز وأعتذر تعبتك معاي

لا أختي مافي تعب ولا شي
بس خفت ان تفهمين كلامي إني أفرض عليكم فرض السكن بالفندق
أما بخصوص أطفالج فتطمني ما راح يقولون شي لما تحجزين غرفة وحده لكم مع الاطفال
انا مجرب أكثر من مره سواء باسترالي أو غيرها ومحد كلمني
شوفي لج فندق عاجبكم ويناسب ميزانيتكم ويكون قريب من منطقة الدارلنق هاربر
وإذا احتجتي أي مساعدة أو معلومات زيادة انا والاعضاء ما راح نقصر معاج
تحياتي

مشكور أخوي أبو سعود ووقفاتك مع الجميع ماهي غريبة عليك بعد اذنك أخوي أبغا رأيك بهالفندق
https://www.booking.com/hotel/au/park-royal-darling-harbour.ar.html?aid=1300939

هل اأختي
من ناحية التصنيف فهو من فئة 4 نجوم ونص
يعني ممتاز
ومن ناحية الموقع فهو ممتاز جدا
قريب جدا جدا جدا من الدارنق هاربر يفصل بينكم شارع فقط
وفيه غرف فيها إطلالة على الميناء ، فلو تسمح ميزانيتكم بأن تأجرونها يكون أحلى طبعا
ولو تلاحظين التعليقات الموجودة من النزلاء السابقين راح تلقين ان اغلبيتهم يمتدحون موقع الفندق وحسن معاملة الستاف
أما من ناحية السعر فأشوف ان سعره غالي حبتين
هل هو مناسب لميزانيتكم ؟
هل بحثتي عن فنادق أخرى بنفس المنطقة ولكن بسعر ارخص ؟؟
إذا كان عاجبكم الفندق ومناسب لميزانيتكم فتوكلي على الله واحجزي فيه
أو إذا ما كنتي مستعجلة جدا جدا لو تنتظرين كم يوم لحد ما يدخل خبيرنا أبو أحمد خبير استراليا يمكن يعطينا فندق غيره أو ينصحنا بشي آخر
خصوصا وان سفرتكم تو الناس عليها بشهر 8 يعني عندك وقت أكثر من كافي
فلو كنت بمكانك انتظر شوي وأبحث أكثر وأقارن ما بين الفنادق وبعدين أحدد وأقرر وبعدها أحجز
بخصوص شقة قولد كوست شنو صار معاكم ؟
هل حجزتي الشقه ولا ليلحين ؟
هل شفتي سعرها من موقع ستيز ولا من موقع آخر ؟؟
لأن موقع ستيز غالبا يكون أرخص من باقي المواقع
ومن الممكن انج تكلمينهم عشان يعطونك خصم على السعر
انا مرتين كلمتهم وبالمرتين اعطوني خصم ...... بسيط طبعا